شينجياڭنان 3 جەر مەملەكەتتىك اۋىل شارۋاشىلىق ونىمدەرىنىڭ ساپا حاۋىپسىزدىگى اۋدانىنا تاڭدالدى

2023.11.06 15:41 كەلۋ قاينارى : حالىق تورابى

　　تاياۋدا، اۋىل شارۋاشىلىعى جانە اۋىل - قىستاق مينيسترلىگىنىڭ تورابى 3 - توپتاعى مەملەكەتتىك اۋىل شارۋاشىلىق ونىمدەرىنىڭ ساپا حاۋىپسىزدىگى اۋداندارىنىڭ (قالا) تىزىمدىگىن جاريالادى، شينجياڭنان (بيڭتۋاندى قامتيدى) اقسۋ ايماعى توقسۋ اۋدانى، قارامايلى قالاسى قارامايلى رايونى، بيڭتۋان 5 - شىسى شۋاڭحى قالاسى تاڭدالدى.

　　مەملەكەتتىڭ اۋىل شارۋاشىلىق ونىمدەرىنىڭ ساپا حاۋىپسىزدىگى اۋدانىن قۇرۋ — اۋىل شارۋاشىلىق ونىمدەرىن ولشەمدەندىرىپ ءوندىرۋ، زەردەلىلەندىرۋدى باقىلاۋ - باسقارۋدى ارقاۋ ەتىپ، اۋىل شارۋاشىلىق ونىمدەرىنىڭ تۇتاس بارىسىن باقىلاۋ - باسقارۋ مەحانيزمىن ۇزدىكسىز كەمەلدەندىرۋ ارقىلى ونى بۇكىل ەلدەگى اۋىل شارۋاشىلىق ونىمدەرىنىڭ ساپا حاۋىپسىزدىگى قىزمەتىنىڭ ولشەمى مەن ۇلگىسىنە اينالدىرىپ، وسى ارقىلى ۇلگى كورسەتىپ جەتەكشىلىك ەتىپ، اۋىل شارۋاشىلىق ونىمدەرىنىڭ ساپا حاۋىپسىزدىگى دەڭگەيىن جالپى تۇلعالىق جاقتان جوعارىلاتۋدى جەبەپ، حالىق بۇقاراسىنىڭ ازىق - تۇلىك حاۋىپسىزدىگىنە شىنايى كەپىلدىك ەتۋ.

　　بۇل جولى جيىنى 86 ورىن ”مەملەكەتتىك اۋىل شارۋاشىلىق ونىمدەرىنىڭ ساپا حاۋىپسىزدىگى اۋدانى“ اتاعىن الدى، 9 ورىن ”مەملەكەتتىك اۋىل شارۋاشىلىق ونىمدەرىنىڭ ساپا حاۋىپسىزدىگى قالاسى“ اتاعىن الدى.

　　2015 - جىلى اۋىل شارۋاشىلىعى جانە اۋىل - قىستاق مينيسترلىگى وسىنداي ورىن قۇرۋ قيمىلىن ۇيىمداستىرعاننان بەرى، شينجياڭنان سانجى قالاسى، قۇلجا اۋدانى، قاشقار كونەشار اۋدانى، بيڭتۋان 1 - شىسىنىڭ 10 - تۋانى، كورلا قالاسى، فۋكاڭ قالاسى، قۇلجا قالاسى، ءۇرىمجى جوعارى - جاڭا تەحنيكا اشۋ رايونى، بۇراتالا قالاسى، سانجى حۇيزۋ اۆتونوميالى وبلىسى سياقتى 10 جەر مەملەكەتتىك اۋىل شارۋاشىلىق ونىمدەرىنىڭ ساپا حاۋىپسىزدىگى اۋدانىنا (قالا) ءساتتى تاڭدالدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved