ەڭ جوعارى حالىق پروكۋراتۋراسى مەن مەملەكەتتىك ايەلدەر بىرلەستىگى اكىمشىلىك باقىلاۋ جاعىنداعى تيپتىك دەلولاردى بىرگە جاريالادى
اۋىل - قىستاقتاعى ايەلدەردىڭ جەرگە قاتىستى زاڭدى ۇقىق - مۇددەسىن قورعادى
2023.11.06 13:11 كەلۋ قاينارى : حالىق تورابى
حالىق گازەتىنىڭ ءتىلشىسى جاڭ سۇڭ 11 - ايدىڭ 5 - كۇنى بەيجيڭنەن حابارلايدى. جۋىردا ەڭ جوعارى حالىق پروكۋراتۋراسى مەن جۇڭحۋا مەملەكەتتىك ايەلدەر بىرلەستىگى اۋىل - قىستاقتاعى ايەلدەردىڭ جەرگە قاتىستى زاڭدى ۇقىق - مۇددەسىن قورعاۋعا ساياتىن اكىمشىلىك باقىلاۋ جاعىنداعى دەلولاردان 6 دەلونى بىرگە جاريالادى. ۇعىسۋعا قاراعاندا، پروكۋراتۋرا ورگاندارى مەن ايەلدەر بىرلەستىگى ۇيىمدارى بايلانىستى ىرىقتىلىقپەن كۇشەيتىپ، ينفورماتسيالاردى ورتاق پايدالانۋ، دەلولاردى جوتكەپ بەرۋ، دەلو جاعدايى جونىندە حابارلاندىرۋ، بىرلەسىپ باقىلاۋ قاتارلى مەحانيزمدەردى ورناتىپ، ايەلدەردىڭ ۇقىق - مۇددەسىن ءادىليالىق جاقتان جان - جاقتى قورعاۋدى كۇشەيتتى. 2022 - جىلى 1 - ايدان 2023 - جىلى 9 - ايعا دەيىن، پروكۋراتۋرا ورگاندارى ايەلدەردىڭ ۇقىق - مۇددەسىن قورعاۋدى اكىمشىلىك جاقتان باقىلاۋعا الۋعا ساياتىن دەلولاردان جيىنى 4000 نان استام دەلونى بىتىرگەن.
تانىستىرۋعا قاراعاندا، ەلىمىزدىڭ قالا - قالاشىقتانۋ ءۇردىسىنىڭ جەدەلدەۋىنە بايلانىستى، اۋىل - قىستاقتاعى ايەلدەردىڭ ۇيلەنۋ قاتىناسى، نوپوسى قاتارلى جاقتاردا وزگەرىستەر تۋىلىپ، اۋىل - قىستاقتاعى كوللەكتيۆتىك ەكونوميكالىق ۇيىمىنىڭ مۇشەلەرىنىڭ سالاۋاتىن تۇراقتاندىرۋ، جەردى كوتەرمەگە الىپ ىسكە قوسۋ، جەردى وتكىزىپ العاندا تولەم بەرۋ نەمەسە جەردى پايدالانعاندا تولەم بەرۋ، سونداي - اق، تۇرعىن ۇيلىك جەردى پايدالانۋ قاتارلى جاقتارداعى داۋ - شارلار ونان ارى كۇردەلىلەستى. وسى توپتاعى تيپتىك دەلولاردا كوللەكتيۆتىك ەكونوميكالىق ۇيىمدارداعى ”سىرت جەرگە ۇزاتىلعان قىزداردىڭ“ جەرگە قاتىستى زاڭدى ۇقىق - مۇددەسىن قورعاۋعا نازار شوعىرلاندىرىلىپ، ەر - ايەل تەڭدىگى سىندى مەملەكەتتىڭ نەگىزگى ساياساتىنا تاباندى بولىپ، اۋىل - قىستاقتاعى ايەلدەردىڭ زاڭدى ۇقىق - مۇددەسىنە ساياتىن اكىمشىلىك ارىز - شاعىمداردى، اكىمشىلىك ارىز - شاعىمسىز اتقارۋ دەلولارىن باقىلاۋ تەبىنى كۇشەيتىلىپ، تەكسەرىپ انىقتاۋ كۇشەيتىلىپ، ءبىر تۇلعالاندىرىپ دەلو ءبىتىرۋ، دەلونى مەكەمە باستىعى مىندەتىنە الۋ، ۇكىمەت پەن پروكۋراتۋرا بىرلەسىپ ارەكەتتەنۋ، پروكۋراتۋرا مەن سوت بىرلەسىپ ارەكەتتەنۋ قاتارلى فورمالار ارقىلى داۋ - شارلاردى ۇيلەسىمدى شەشىم ەتىپ، جوعارى ساپالى، ءونىمدى زاڭدىق باقىلاۋ ارقىلى ايەلدەردىڭ شۇعىل، كۇردەلى، ۋايىمداتقان، زارىقتىرعان ماسەلەلەرىن شەشىم ەتۋ ىلگەرىلەتىلگەن.
بۇل توپتاعى تيپتىك دەلولاردا اۋىل - قىستاقتاعى ايەلدەردىڭ مال - مۇلىك ۇقىعىن بىردەي قورعاۋ باسا دارىپتەلگەن. مىسالى، جى X لان ارىز - شاعىم كوتەرگەن، شاندۇڭ ولكەسىندەگى بەلگىلى قالاداعى جاراتىلىستىق بايلىق جانە جوسپارلاۋ مەكەمەسىنىڭ كوللەكتيۆ جەردى تىزىمگە الۋىن تەكسەرۋ - باقىلاۋ دەلوسىندا، پروكۋراتۋرا ورگانى ”سىرت جەرگە ۇزاتىلىپ“، نوپوسىن جوتكەپ كەتكەن ايەل اسىلگى كوللەكتيۆتىك ەكونوميكالىق ۇيىمنىڭ مۇشەسى بولماعانىمەن، الايدا تۇرعىن ۇيلىك جەردەگى ۇيدىڭ مۇراگەرلىك ۇقىعىنان ۇلەس الۋ ارقىلى تۇرعىن ۇيلىك جەردەن پايدالانۋ ۇقىعىنا يە تۇلعا رەتىندە تىزىمدەلۋىنە بولاتىنىن ءدال تۇراقتاندىرىپ، زاڭ بويىنشا قارسى شاعىم بەرگەن ءارى شاعىم قابىلدانعان، وسى ارقىلى ”سىرت جەرگە ۇزاتىلعان قىزدىڭ“ تۇرعىن ۇيلىك جەردەن پايدالانۋ ۇقىعىن قامتاماسىزداندىرعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
