ءۇرىمجى -الماتى اراسىنا قاتىنايتىن كەزەكشى ۇشاق اپتاسىنا توعىزعا كوبەيتىلدى ءجۇرىس ـ تۇرىسقا ءتىپتى دە قولايلى بولدى
2023.11.01 14:45 كەلۋ قاينارى : حالىق تورابى
10 – ايدىڭ 30 – كۇنى تاڭ سارىدە، استانا اۆياتسيا سەرىكتەستىگىنە قاراستى ارىستان اۆياتسيا سەرىكتەستىگىنىڭ 987KC كەزەكشى ۇشاعى ءۇرىمجى ديۋوپۋ حالىقارالىق اۋەجايىنا باياۋ قوندى، بۇل اتالعان سەرىكتەستىكتىڭ جۇڭگونىڭ شينجياڭىنان الماتىعا دەيىنگى اۋە جەلىسىنىڭ قايتا قالپىنا كەلگەندىگىن كورسەتەدى. سونىمەن ۇرىمجىدەن الماتىعا باراتىن كەزەكشى ۇشاق اپتاسىنا 7 كەزەكتەن اپتاسىنا 9 كەزەككە كوبەيتىلدى.
ارىستان اۆياتسيا سەرىكتەستىگى الماتى - ءۇرىمجى اۋە لەنياسى تاڭعى كەزەك جانە كەشكى كەزەك دەپ ەكى كەزەككە بولىنەدى، تاڭەرتەڭگى كەزەك ءار اپتانىڭ سەنبى كۇنى ۇشادى، كەشكى كەزەكشى ۇشاق ءار اپتانىڭ جەكسەنبى كۇنى ۇشادى. الماتى قازاقستاننىڭ شىعىس وڭتۇستىك شەكاراسىنا ورنالاسقان، جۇڭگو مەن قىرعىزستانعا جاقىن، قازاقستاننىڭ فينانس، وقۋ-اعارتۋ ورتالىعى. قازىر جۇڭگو وڭتۇستىك اۆياتسيا توبى شەكتى سەرىكتەستىگى مەن ارىستان اۆياتسيا سەرىكتەستىگى ۇرىمجىدەن الماتىعا بارىپ-كەلەتىن اۆياتسيا جەلىسىن ىسكە قوسىپ وتىر.
”ءبىر بەلدەۋ، ءبىر جول“ وزەكتى رايونىنىڭ ماڭىزدى تىرەگى رەتىندە، ءۇرىمجى ورتا ازيا، باتىس ازيا، ءتىپتى، ەۆروپا اۋە لەنياسىن اشۋ جاعىندا اينالمالى ۇشۋ مولشەرى تومەن، ۋاقىتى قىسقا بولۋداي وڭىرلىك باسىمدىققا يە. ارىستان اۆياتسيا سەرىكتەستىگى كەزەكشى ۇشاعى قالپىنا كەلگەننەن كەيىن، ۇرىمجىدەن الماتىعا دەيىنگى ۇشۋ لەنياسى كەزەكشى ۇشاقتى كوبەيتۋدى جۇزەگە اسىرىپ، وسى اۋە لەنياسىمەن جۇرەتىن جولاۋشىلارعا ءتىپتى دە كوپ كەزەكشى ۇشاق تالعامىن ۇسىندى.
كەزەكشى ۇشاقتىڭ كوبەيتىلۋى جولاۋشىلاردىڭ ءجۇرىس - تۇرىسىنا اناعۇرلىم قولايلىلىق تۋدىرادى، سونىمەن بىرگە شەكارا وتكەلىنىڭ باقىلاۋ ـ باسقارۋ ونىمدىلىگىنە دە تىڭ سىناقتار جاسايدى. ءۇرىمجى ديۋوپۋ اۋەجايى كەدەنىنىڭ ورىنباسار باستىعى جاڭ ۋيجيە مىنالاردى ءبىلدىردى: بيىل جىل باسىنان بەرى، حالىقارالىق، ەل ءىشى اۆياتسيا سەرىكتەستىكتەرى حالىقارالىق كەزەكشى ۇشاقتاردىڭ قايتا قاتىناۋىن بىرگە ىلگەرىلەتتى، ءۇرىمجىنىڭ حالىقارالىق جولاۋشى تاسىمال لەنياسى بىرتىندەپ قاربالاستىققا ءتۇستى، اۋەجاي كەدەنى باقىلاۋ - باسقارۋ ونىمدىلىگىن اناعۇرلىم ساپالىلاندىرىپ، زەردەلى باقىلاۋ - باسقارۋ جابدىقتارىنان پايدالانىپ، قىزمەت وتەۋدىڭ ساپالى، قولايلى بولۋىنا كەپىلدىك ەتەدى.
بيىل الدىڭعى ءۇش ماۋسىمدا ءۇرىمجى اۆياتسيا شەكارا وتكەلىنىڭ حالىقارالىق جولاۋشى تاسىمالى قاۋىرت ارتىپ، حالىقارالىق جولاۋشى تاسىمال كەزەكشى ۇشاعى 1868 رەتكە جەتىپ، ۇقساس مەزگىلدەگىدەن 2 ەسە ارتتى؛ شەكارادان كىرىپ - شىققان ادام سانى 229 مىڭ 460 ادام - رەتكە جەتىپ، ۇقساس مەزگىلدەگىدەن 19.3 ەسە ارتتى. ءۇرىمجى اۆياتسيا شەكارا وتكەلى ىلگەرىندى - كەيىندى جۇك تاسىمالىن، كەزەكشى ۇشاق، جولاۋشى تاسىمال لەنياسىن قالپىنا كەلتىرۋدى جۇزەگە اسىردى، اۋە جەلىسى قازاقستان، وزبەكستان، قىرعىزستان، تۇركمەنستان سياقتى مەملەكەتتەر مەن رايونداردى قامتىدى، كەيىنگى اۋە جەلىلەرى ءىس جۇزىندىك قاجەتكە قاراي اناعۇرلىم جەدەل كەڭەيەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
