شينجياڭنان 4 جەر تاڭدالدى! 7 - توپتاعى ەكولوگيالىق وركەنيەت قۇرىلىسىنان ۇلگى كورسەتۋ رايوندارىنىڭ ەسىمدىگى جاريالاندى
2023.10.30 16:26 كەلۋ قاينارى : حالىق تورابى
ەكولوگيالىق ورتا مينيسترلىگى 10 - ايدىڭ 28 - كۇنى اشىلعان جۇڭگو ەكولوگيالىق وركەنيەت تالقى مىنبەرىندە 7 - توپتاعى ەكولوگيالىق وركەنيەت قۇرىلىسىنان ۇلگى كورسەتۋ رايونى مەن ”تۇنىق سۋ، جاسىل تاۋ — باعالى بايلىق“ امالياتىندا جاڭالىق اشۋ بازاسىنىڭ تىزىمدىگىن جاريالادى.
مەملەكەت بويىنشا 104 جەرگە 7 - توپتاعى ەكولوگيالىق وركەنيەت قۇرىلىسىنان ۇلگى كورسەتۋ رايونى دەگەن اتاق بەرىلدى. مۇنىڭ ىشىندە شينجياڭنان قارامايلى قالاسى، التاي ايماعىنىڭ جەمەنەي اۋدانى، شينجياڭ ءوندىرىس ـ قۇرىلىس بيڭتۋانى 1 ـ شىسى ارال قالاسى، 12 ـ شىسى تاڭدالدى.
بۇكىل ەل بويىنشا 53 جەر ”تۇنىق سۋ، جاسىل تاۋ — باعالى بايلىق“ امالياتتىق جاڭالىق اشۋ بازاسى اتاعىنا يە بولدى. مۇنىڭ ىشىندە شينجياڭنان ىلە قازاق اۆتونوميالى وبلىسى نىلقى اۋدانى قاس وزەنىنىڭ ورتا، تومەنگى اعارى، شينجياڭ ءوندىرىس - قۇرىلىس بيڭتۋانى 2 - شىسىنىڭ 34 - تۋانى تاڭدالدى.
2017 ـ جىلدان بەرى، ەكولوگيالىق ورتا مينيسترلىگى جالپى 572 ەكولوگيالىق وركەنيەت قۇرىلىسىنان ۇلگى كورسەتۋ رايونى مەن 240 ”تۇنىق سۋ، جاسىل تاۋ — باعالى بايلىق“ امالياتتىق جاڭالىق اشۋ بازاسىنا اتاق بەردى. وسى ات قويىلعان رايوندار جاسىل دامۋ دەڭگەيىن جوعارىلاتۋ، ەكولوگيالىق وركەنيەت تۇزىمىندە جاڭالىق اشۋ، ەكولوگيالىق مادەنيەتتى گۇلدەندىرۋ سياقتى جاقتاردا الدا ءجۇرىپ، ۇلگى كورسەتىپ، وڭىرلىك ەكولوگيالىق ورتانىڭ ساپاسىن جوعارىلاتۋدا، ەكولوگيالىق وركەنيەت قۇرىلىسىنىڭ دەڭگەيىن جوعارىلاتۋدا ماڭىزدى رول اتقاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
