جۇڭگو ـ لاوس ـ بيرما - تايلاندتىڭ مەكونگ وزەنىن 134 ـ رەتكى بىرلەسىپ شارلاۋ، زاڭ اتقارۋ ارەكەتى باستالدى

2023.10.25 15:00 كەلۋ قاينارى : حالىق تورابى

　　شينحۋا اگەنتتىگىنىڭ 10 ـ ايدىڭ 24 ـ كۇنى كۇنميڭنەن بەرگەن حابارى. 10 - ايدىڭ 24 ـ كۇنى ساعات 9 مولشەرىندە، جۇڭگو ـ لاوس ـ بيرما - تايلاندتىڭ مەكونگ وزەنىن 134 ـ رەتكى بىرلەسىپ شارلاۋ، زاڭ اتقارۋ ارەكەتى رەسمي باستالدى، جۇڭگو جاقتىڭ ەكى زاڭ اتقارۋ كەمەسى مەن لاوس جاقتىڭ ءبىر زاڭ اتقارۋ كەمەسى يۇننان ولكەسىنىڭ شيشۋاڭباننا دايزۋ اۆتونوميالى وبلىسىنىڭ جيڭحا كەمەجايىنان بىرلىكتە جولعا شىقتى.

　　وسى رەتكى بىرلەسىپ زاڭ اتقارۋ ارەكەتى ساتىعا ءبولىپ شارلاۋ جانە تۇتاس ارنا بويىنشا بىرلەسىپ زاڭ اتقارۋ ءتاسىلىن قولدانىپ، جيىنى 5 زاڭ اتقارۋ كەمەسىن شىعارىپ، جۇڭگو ـ لاوس بيرما ـ تايلاند ءتورت جاقتىڭ قولباسشىسى بىرلەسىپ زاڭ اتقارۋ قۇراماسىنىڭ قولباسشىلىق ورنىندا وسى رەتكى ارەكەتكە بىرگە قولباسشىلىق ەتەدى. شارلاۋعا قاتىناسقان تاعى ەكى لاوس زاڭ اتقارۋ كەمەسى مەن بيرمانىڭ زاڭ اتقارۋ كەمەسى ۋاقىت بويىنشا جەكە - جەكە لاوستىڭ بانشياڭگو، بيرمانىڭ ۋانفىڭ كەمەجايىنان جولعا شىعىپ شارلاۋعا قاتىناسادى.

　　ارەكەت مەزگىلدە، ءتورت جاق ۋاكىلدەرى ۇيىرمە جىبەرىپ لاوس بوچياۋ ولكەسىنە بارىپ مەكونگ وزەنىن بىرلەسىپ شارلاۋ زاڭ اتقارۋ اقپارىن الماستىرۋ ٴماجىلىسىن اشىپ، بىرلىكتە مەكونگ وزەنى وڭىرىندەگى جاقىنعى مەزگىلىندە اماندىق ساقتاۋ اۋقىمىن تۇجىرىمداپ، زاڭ اتقارۋ سەلبەستىگىن تەرەڭدەتۋ، مەكونگ وزەنى الابىنداعى تەلەگراف، توراپ الدامكوستىگى قىلمىسىن ءتۇيىن ەتكەن شەكارا اتتاعان زاڭعا قايشى ءتۇرلى قىلمىستىق ارەكەتتەرگە سوققى بەرۋدى كۇشەيتۋ جونىندە كەڭەس وتكىزەدى. ءتورت ەلدىڭ زاڭ اتقارۋ تاراۋلارى مەكونگ وزەنىنىڭ ءتۇيىندى سۋ ايدىندارىندا سۋ مەن قۇرلىقتا بىرلەسىپ تەكسەرۋ، قۋعىنداۋ ارەكەتىن ورىستەتىپ، شەكارا اتتاعان ءتۇرلى زاڭعا قايشى قىلمىستىق ارەكەتتەرگە بىرگە سوققى بەرەدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved