تۇتىنۋ جاعىنداعى شاعىمدانۋعا ساياتىن ينفورماتسيالاردى اشىق جاريالايتىن مەملەكەتتىك 12315 تەكشەسى ينتەرنەتكە شىعارىلدى
2023.10.23 14:20 كەلۋ قاينارى : حالىق تورابى
حالىق گازەتىنىڭ ءتىلشىسى لين ليلي 10 - ايدىڭ 22 - كۇنى بەيجيڭنەن حابارلايدى. مەملەكەتتىك بازاردى باقىلاۋ - باسقارۋ باس مەكەمەسى جۋىردا «بازاردى باقىلاۋ - باسقارۋ جاعىنداعى شاعىمدانۋعا ساياتىن ينفورماتسيالاردى اشىق جاريالاۋداعى ۋاقىتتىق اتقارىلاتىن ەرەجەنى» جاريالاپ، تۇتىنۋ جاعىنداعى شاعىمدانۋعا ساياتىن ينفورماتسيالاردى اشىق جاريالايتىن مەملەكەتتىك 12315 تەكشەسىن ينتەرنەتكە شىعارىپ، ەلىمىز بويىنشا بازاردى باقىلاۋ - باسقارۋ تاراۋلارىنىڭ تۇتىنۋ جاعىنداعى شاعىمدانۋدى اشىق جاريالاۋدى ورىستەتۋى جونىندە ورنالاستىرۋ جاسادى.
ينفورماتسيانىڭ سايكەسپەۋى بۇرىننان بەرى تۇرعىنداردىڭ تۇتىنۋ ءورىسىن كەڭەيتۋگە كەدەرگى بولىپ كەلگەن قيىن ماسەلەلەردىڭ ءبىرى بولاتىن، وسى جونىندە، بازاردى باقىلاۋ - باسقارۋ تاراۋلارى تۇتىنۋشىلاردىڭ شاعىمدانۋىنا ساياتىن قاتىستى ۇكىمەتتىڭ ينفورماتسيالارىن اشىق ءبىر جاقتى ەتىپ، تۇتىنۋشىلاردىڭ تۇتىنۋ بارىسىندا بارلىعىن انىق بىلۋىنە، ساۋداگەرلەردىڭ ادالدىقپەن، زاڭدى تۇردە ساۋدا جۇرگىزۋىنە شارت - جاعداي ازىرلەيدى. اشىق جاريالايتىن تەكشەنىڭ ءادرىسى tsgs.12315.cn، شاعىن پروگرامما مەن الەۋمەتتىك تەكشە اتى ”12315 شاعىمدانۋدى اشىق جاريالاۋ“ (12315投诉公示)، جۇرتشىلىقتىڭ الەۋمەتتىك تەكشە ارقىلى بەلگىلى ساۋداگەر جونىندەگى شاعىمدانۋ جاعدايىن كورۋىنە، شاعىمدانۋ ەڭ كوپ بولعان ءتۇيىندى ماسەلەلەردى بىلۋىنە، جەرگىلىكتى ورىنداعى شاعىمدانۋعا قاتىستى ەڭ جاڭا ينفورماتسيالاردى كورۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
