شي جينپيڭ مەن پىڭ لييۋان 3 – كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋشى حالىقارالىق سيلى قوناقتاردى قارسى الۋ قوناعاسىسىن وتكىزدى
2023.10.18 16:22 كەلۋ قاينارى : حالىق تورابى
 |
10 - ايدىڭ 17 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان بەيجيڭدەگى حالىق سارايىندا قوناعاسى وتكىزىپ، 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋ ءۇشىن جۇڭگوعا كەلگەن حالىقارالىق سيلى قوناقتاردى قارسى الدى. سۋرەتتە: شي جينپيڭ ارناۋ ءسوز سويلەپ، جۇڭگو ۇكىمەتى مەن جۇڭگو حالقى اتىنان سيلى قوناقتاردىڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋىن قىزۋ قارسى الاتىنىن ءبىلدىردى.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
شينحۋا اگەنتتىگى، 10 - ايدىڭ 17 - كۇنى، بەيجيڭ. 10 - ايدىڭ 17 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان حالىق سارايىندا قوناعاسى بەرىپ، جۇڭگوعا 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋ ءۇشىن كەلگەن حالىقارالىق سيلى قوناقتاردى قارسى الدى. لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتىناستى.
كۇزگى بەيجيڭ، كەشقۇرىم كۇن ساۋلەسى تامىلجي ءتۇسىپ، تيان - انمىن الاڭىندا شىراقتار جايناپ، حالىق سارايى ايبىندى دا شۇعىلالى بەينەگە ەندى.
جوعارى دارەجەلىلەر تالقى مىنبەرىنە قاتىناسۋشى شەتەل باسشىلارى، ۇكىمەت باسشىلارى، حالىقارالىق ۇيىمداردىڭ جاۋاپتىلارى قاتارلى حالىقارالىق سيلى قوناقتار جانە ولاردىڭ قوساقتارى ىركەس - تىركەس حالىق سارايىنا كەلدى. قۇرمەت قاراۋىلى ساپ تۇزەپ قۇرمەت ءبىلدىردى. ”ءبىر بەلدەۋ، ءبىر جولدى“ بىرگە قۇرۋشى 150 نەشە مەملەكەتتىڭ مەملەكەت تۋلارى مەن بىرلەسكەن مەملەكەتتەر ۇيىمىنىڭ تۋى قىزىل كىلەمنىڭ ەكى جاعىنا تىزىلگەن، ايبىندى، اسقاق كورىنەدى.
شي جينپيڭ مەن پىڭ لييۋان شەتەل باسشىلارىن ىستىق ىقىلاسپەن قارسى الىپ، ولارمەن ءبىر - بىرلەپ قول الىستى ءارى توپتىق سۋرەتكە ءتۇسىپ ەستەلىك قالدىردى.
قوناقتاردى قارسى الۋ مۋزىكاسى اۋەنى ىشىندە شي جينپيڭ مەن پىڭ لييۋان سيلى قوناقتارمەن بىرگە التىن ءتۇستى زالعا كىردى.
شي جينپيڭ ارناۋ ءسوز سويلەپ، جۇڭگو ۇكىمەتى مەن جۇڭگو حالقى اتىنان سيلى قوناقتاردىڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋىن قىزۋ قارسى الاتىنىن ءبىلدىردى.
شي جينپيڭ بىلاي دەپ اتاپ كورسەتتى: ”كوكتەمدە گۇل اشىلسا، كۇزدە جەمىسىن جينايمىز“. ”ءبىر بەلدەۋ، ءبىر جولدى“ بىرگە قۇرۋ باستاماسى العا قويىلعان 10 جىلدان بەرى جۇڭگو ءار جاقتاعى سەلبەستىك سەرىكتەرىمەن بىرگە بەيبىت سەلبەستىك، اشىق، سيىسىمدى بولۋ، ءوزارا ۇيرەنۋ، ءوزارا ۇلگى الۋ، ءوزارا پايدا جەتكىزىپ، تەڭ يگىلىككە كەنەلۋ سىندى جىبەك جولى رۋحىن اسقاقتاتىپ، دۇنيە جۇزىلىك ۇلاستىرۋ - تۇتاستىرۋ ءۇشىن بىرگە كۇش قوسىپ، حالىقارالىق ەكونوميكالىق سەلبەستىككە تۇعىر ازىرلەپ، دۇنيە ءجۇزى ەكونوميكاسىنىڭ ارتۋىنا قوزعاۋشى كۇش ۇستەدى. ءبىز نەشە مىڭ ناقتى سەلبەستىك نىسانىن ورىستەتىپ، ناقتى، قوماقتى تابىستارعا قول جەتكىزىپ، دۇنيە ءجۇزىن تۇتاستىراتىن، كوركەمدىكتى ورتاقتاساتىن ايبىندى كارتينانى بىرگە جاسادىق. بۇل جەتىستىكتەر ءار ەل ۇكىمەتىنىڭ، كاسىپورىندارىنىڭ جانە حالقىنىڭ ەڭبەكشىلدىگىنىڭ، اقىل - پاراساتىنىڭ، باتىلدىعىنىڭ جەمىسى! ”ءبىر بەلدەۋ، ءبىر جولدى“ بىرگە قۇرۋدىڭ ات سالىسۋشىلارىنا، قۇرۋشىلارىنا قۇرمەت بىلدىرەيىك!
شي جينپيڭ بىلاي دەپ دارىپتەدى: ”ءبىر بەلدەۋ، ءبىر جولدى“ بىرگە قۇرۋ دامۋعا تالپىنادى، تەڭ يگىلىككە كەنەلۋدى قاستەرلەيدى، ءۇمىتتى جەتكىزەدى. تالىقپاي تالپىنىپ، قاجىماي - تالماي كۇرەس جۇرگىزگەندە عانا، مول تابىسقا قول جەتكىزۋگە، ۇزاق بولاشاققا پايدا جەتكىزەتىن، حالىققا باقىت جاراتاتىن ۇزاق ۋاقىتتىق ەڭبەك سىڭىرۋگە بولادى. بۇل − ءبىزدىڭ وسى ۇرپاق ساياساتشىلارىمىزدىڭ وسى زامانداعىلار مەن ۇرپاقتار الدىنداعى بورىشى. ”ءبىر بەلدەۋ، ءبىر جولدى“ بىرگە قۇرۋ العاشقى 10 جىلىن باسىپ ءوتتى، ءدال مەرەيلى ساتتە تۇر، ارىنداي العا تارتىپ، كەلەسى التىن 10 جىلدىققا قادام تاستايىق!
شي جينپيڭ بىلاي دەپ اتاپ كورسەتتى: بۇگىنگى دۇنيە ءجۇزى ونشا تىنىش ەمەس، دۇنيە ءجۇزى ەكونوميكاسىنىڭ باسەڭدەۋ قىسىمى كۇشەيىپ، دۇنيە جۇزىلىك دامۋ كوپتەگەن سىن - سايىسقا ءدوپ كەلىپ وتىر، الايدا ءبىز بەيبىتشىلىك، دامۋ، سەلبەستىك، تەڭ يگىلىككە كەنەلۋ سىندى تاريحي اعىمدى بوگەۋگە بولمايتىنىنا، حالىقتىڭ تاماشا تۇرمىسقا دەگەن تالپىنىسىن بوگەۋگە بولمايتىنىنا، ءار ەلدىڭ بىرگە دامىپ، گۇلدەنۋدى جۇزەگە اسىرۋ تىلەگىن بوگەۋگە بولمايتىنىنا كامىل سەنەمىز. ءبىز تەك سەلبەستىك اۋەلگى ماقساتىنان جازباي، دامۋ بورىشىن ەستە بەرىك ساقتاساق بولعانى، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ داۋىرلىك مەرەيىن، ءسوز جوق، اسىرىپ، ءبىزدىڭ ورتاق قۇلشىنىسىمىز بارىسىندا ادامزاتتىڭ اناعۇرلىم كوركەم بولاشاعىن اشاتىن بولامىز! (ارناۋ ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار)
قوناعاسىدان كەيىن شي جينپيڭ مەن پىڭ لييۋان سيلى قوناقتارمەن بىرگە «جىبەك جولىنداعى ساپارلاستار» اتتى ادەبيەت - كوركەمونەر كونسەرتىن تاماشالاپ، ”ءبىر بەلدەۋ، ءبىر جول“ بويىنداعى ەلدەردىڭ باي مازمۇندى وركەنيەتتە جانە شۇعىلالى مادەنيەتتە اۋىس - كۇيىس جاساپ، ءوزارا ۇلگى العانىن، كوركەمدىكتى بولىسكەنىن سەزىندى.
ۋاڭ ي، يىن لي، لي شۋلەي، حى ليفىڭ، ۋاڭ شياۋحۇڭ قاتارلىلار جوعارىداعى قيمىلدارعا قاتىناستى.
كەلۋ قاينارى: حالىق تورابى
 |
10 - ايدىڭ 17 - كۇنى كەشتە مەملەكەت ءتوراعاسى شي جينپيڭ مەن حانىمى پىڭ لييۋان بەيجيڭدەگى حالىق سارايىندا قوناعاسى وتكىزىپ، 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسۋ ءۇشىن جۇڭگوعا كەلگەن حالىقارالىق سيلى قوناقتاردى قارسى الدى. سۋرەتتە: شي جينپيڭ مەن پىڭ لييۋان حالىقارالىق سيلى قوناقتارمەن بىرگە ەستەلىك سۋرەتكە تۇسۋدە.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
