شي جينپيڭ مەن سولتۇستىك ماكەدونيانىڭ زۇڭتۇڭى پەنداروۆسكيمەن جۇڭگو مەن سولتۇستىك ماكەدونيانىڭ ديپلوماتيالىق قارىم - قاتىناس ورناتقانىنىڭ 30 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

2023.10.13 16:12 كەلۋ قاينارى : حالىق تورابى

　　شينحۋا اگەنتتىگى، 10 - ايدىڭ 12 - كۇنى، بەيجيڭ. 10 - ايدىڭ 12 - كۇنى مەملەكەت ءتوراعاسى شي جينپيڭ سولتۇستىك ماكەدونيا رەسپۋبليكاسىنىڭ زۇڭتۇڭى پەنداروۆسكيمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 30 جىلدىعىن قۇتتىقتادى.

　　شي جينپيڭ بىلاي دەپ اتاپ كورسەتتى: جۇڭگو مەن سولتۇستىك ماكەدونيا ديپلوماتيالىق قارىم - قاتىناس ورناتقان 30 جىلدان بەرى ەكى جاقتىڭ ساياسي ءوزارا سەنىمدىلىگى ۇزدىكسىز تەرەڭدەپ، ءداستۇرلى دوستىعى ۋاقىت وتكەن سايىن جاڭارىپ، نەگىزدىك قۇرىلعى قۇرىلىسى، وركەنيەتتەن ءوزارا ۇلگى الۋ، دەنساۋلىق ساقتاۋ سياقتى سالالاردا باعالى سەلبەستىك تاجىريبەلەرىن توپتاپ، سۇبەلى ناتيجەلەرگە قول جەتكىزدى، مەن مۇنى ايرىقشا القايمىن. مەن جۇڭگو مەن سولتۇستىك ماكەدونيا قارىم - قاتىناسىنىڭ دامۋىنا ايرىقشا ءمان بەرەمىن، پەنداروۆسكي زۇڭتۇڭمەن بىرگە قۇلشىنىپ، ساياسي جەتەكشىلىكتى ۇزدىكسىز كۇشەيتىپ، ەكى جاقتىڭ ءوزارا سەنىمدىلىگىن، دوستىعىن، سەلبەستىگىن تەرەڭدەتىپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 30 جىلدىعىن جاڭا باستاما ەتىپ، جۇڭگو - سولتۇستىك ماكەدونيا قارىم - قاتىناسىنىڭ كوركەم بولاشاعىن بىرگە اشىپ، ەكى ەل حالىقتارىن اناعۇرلىم ويداعىداي باقىتقا كەنەلتۋدى قالايمىن.

　　پەنداروۆسكي مىنانى ءبىلدىردى: سولتۇستىك ماكەدونيا جۇڭگومەن ديپلوماتيالىق قارىم - قاتىناس ورناتقان 30 جىلدان بەرى ەكى جاق ءبىر - ءبىرىنىڭ دامۋ ستراتەگيالىق تالعامىنا ءوزارا قۇرمەت ەتىپ، ءار سالاداعى سەلبەستىگى كۇن سايىن جيىلەدى. ەكى ەلدىڭ مۇددەسى ءبىر - بىرىمەن قابىسقان، سەلبەستىك كومەسكى كۇشى زور. سولتۇستىك ماكەدونيا جاق جۇڭگو جاقپەن سەلبەستىكتى كۇشەيتىپ، بىرگە دامۋدى جەبەپ، حالىقتىڭ ىرىس - قۇتىن ارتتىرۋدى قالايدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved