پالەستينا مەن يزرايل قاقتىعىسىندا جارالانعاندار مەن قازا بولعانداردىڭ سانى ون مىڭنان استى! امەريكا تەزدەتىپ يزرايلعا كومەككە كەلە جاتىر
2023.10.12 14:18 كەلۋ قاينارى : حالىق تورابى
پالەستينا مەن يزرايل قاقتىعىسىندا جارالانعاندار مەن قازا بولعانداردىڭ سانى ون مىڭنان استى! امەريكا تەزدەتىپ يزرايلعا كومەككە كەلە جاتىر......ءۇش مينۋتتا پالەستينا مەن يزرايل قاقتىعىسىنىڭ ەڭ جاڭا جاعدايىن كورىپ شىعىڭىز!
يزرايل ارمياسى مەن پالەستينا دەنساۋلىق ساقتاۋ مينيسترلىگىنىڭ 10 – ايدىڭ 11 – كۇنى جاريالاعان ەڭ جاڭا حابارىنا قاراعاندا، پالەستينا مەن يزرايل اراسىندا جاڭا كەزەكتى قاقتىعىس تۋىلعاننان بەرى، ەكى جاقتان شامامەن 2200 ادام قازا بولعان، بۇدان تىس 8 مىڭنان استام ادام جارالانعان. سونىمەن بىرگە يزرايل شۇعىل ۇكىمەت قۇرىپ، سوعىس ىستەرىنە توتەپ بەرەتىندىگىن جاريالادى. امەريكا زۇڭتۇڭى بايدەن اقساراي تەزدىكپەن يزرايلعا وق - ءدارى جانە باسقارىلمالى بومبىنى توسۋ جۇيەسى سياقتى قوسىمشا حاۋىپسىزدىك كومەگىن بەرۋدە دەگەندى ايتتى. شينحۋا اگەنتتىگىنىڭ الدىڭعى شەپ تىلشىسىنە ىلەسىپ، كەشە تۇننەن بۇگىن تاڭەرتەڭگە دەيىنگى پالەستينا مەن يزرايل قاقتىعىسىنىڭ جاڭا جاعدايىن ءۇش مينۋتتا كورىپ شىعىڭىز!
پالەستينا مەن يزرايلدەن جارالانعاندار مەن قازا بولعاندار ون مىڭنان استى
گازاداعى بىردەن – ءبىر ەلەكتر ستانسياسىنىڭ جانار زاتى تاۋسىلدى
يزرايل ارمياسى سول كۇنى، جاڭا ءبىر كەزەكتەتى قاقتىعىستا يزرايلدان از دەگەندە 1200 ادام قازا بولعاندىعىن، پالەستين يسىلام قارسىلىق كورسەتۋ قوزعالىسىنىڭ (حاماس) يزرايلعا مولشەرمەن 4500 راكاتا وعىن اتقاندىعىن ءبىلدىردى. مۇنان سىرت يزرايل اقپارت قۇرالدارىنىڭ حابارىنا قاراعاندا، يزرايلدىق 2 مىڭ 900 ادام قاقتىعىستا جارالانىپ، 150 دەي ادام حاماس جاعىنان تۇتقىندالعان.
پالەستينا دەنساۋلىق ساقتاۋ مينيسترلىگى سول كۇنى يزرايلدىڭ گازا رايونىندا جانە يوردان وزەنىنىڭ باتىس جاعالاۋىندا 1078 پالەستينالىقتى اتىپ ولتىرگەندىگىن، 5314 ادامنىڭ جارالانعاندىعىن ايتتى.
شينحۋا اگەنتتىگىنىڭ گازا وڭىرىندەگى ءتىلشىسىنىڭ 10 – ايدىڭ 11 – كۇنى كورگەندەرىنە قاراعاندا، جەرگىلىكتى ورىننىڭ ويراندالۋى توتەنشە اۋىر بولعان، بارلىق جەر قيراندىعا اينالعان. گازا وڭىرىندەگى ەلەكتر تاراۋلارى يزرايلدىڭ بومبىلاۋى مەن قورشاۋىندا، گازاداعى بىردەن - ءبىر ەلەكتر ستانسياسىنىڭ جانار زاتى تاۋسىلعاندىقتان 10 – ايدىڭ 11 – كۇنى جابىلعاندىعىن ايتتى.
يزرايل شۇعىل ۇكىمەت قۇرىپ، سوعىس كەزىندەگى ىستەرگە توتەپ بەرەتىندىگىن جاريالادى
يزرايلدىڭ زۇڭليى نيتانياحۋ مەن قارسى پارتيا ەل بىرلىگى پارتياسىنىڭ باسشىسى گانز 10 –ايدىڭ 11 – كۇنى كەشتە بىرىككەن مالىمدەمە جاريالاپ، شۇعىل ۇكىمەت قۇرىپ، سوعىس كەزىندەگى ىستەرگە توتەپ بەرەتىندىگىن جاريالادى.
مالىمدەمەدە بىلاي دەلىندى: نيتانياحۋ بۇرىنعى مەملەكەت قورعانىس مينيسترى گانسپەن جانە قازىرگى مەملەكەت قورعانىس مينيسترى گاللانتپەن بىرگە شۇعىل ۇكىمەت قۇرادى ءارى قارسى پارتيانىڭ ”بولاشاعىنان ۇمىتكەر“ پارتيا باسشىسى، بۇرىنعى زۇڭلي راپيدكە قىزمەت ورنىن قالدىرادى. ءبىراق راپيد بۇعان ءالى رەسمي قوسىلمادى.
ليۆان قۇدايشىلدار پارتياسى مەن يزرايل ارمياسى جالعاستى سوعىسۋدا
ليۆان قۇدايشىلدار پارتياسى 10 – ايدىڭ 11 – كۇنى يزرايل شەكاراسى ىشىندەگى نىساناعا باسقارىلمالى بومبى اتىپ، بۇل يزرايل ارمياسىنىڭ بۇدان بۇرىنعى شابۋىلىنا قايتارما سوققى بەرۋ دەدى. يزرايل ارمياسى ىلە - شالا ليۆان شەكاراسى ىشىندەگى قۇدايشىلدار پارتياسىنىڭ نىساناسىنا سوققى بەردى.
قۇدايشىلدار پارتياسى 10 – ايدىڭ 11 - كۇنى مالىمدەمە جاريالاپ، بۇل ۇيىم يزرايل شەكاراسى ىشىندەگى ءبىر نىساناعا باسقارىلمالى باسقارىلمالى بومبى اتىپ، يزرايل ارمياسىنىڭ شابۋىلىنان ءوش الاتىندىعىن ايتتى. قۇدايشىلدار پارتياسى يزرايلدىڭ ”ليۆانعا جانە ونىڭ حالقىنا“ جاساعان شابۋىلىنا ءۇزىلدى - كەسىلدى قايتارما سوققى بەرەدى دەپ ەسكەرتتى.
يزرايل ارمياسى سول كۇنى تانكىگە قارسى باسقارىلمالى بومبىنىڭ شابۋىلىنا ۇشىراعانىن راستاپ، ىلە - شالا ليۆاننىڭ وڭتۇستىگىندەگى قۇدايشىلدار پارتياسىنىڭ باقىلاۋ بولىمشەسىنە تۇتقيىل شابۋىل جاساندىعىن ايتتى. بۇدان سىرت، يزرايل ارمياسى ”باسقارىلمالى بومبى اتىلعان اۋماقتى“ زەڭبىرەكپەن اتقىلادى.
امەريكا تەزدەتىپ يزرايلعا كومەككە كەلە جاتىر
امەريكا مەملەكەتتىك كەڭەسىنىڭ مالىمدەمەشىسى ماسيو ميللەر 10 – ايدىڭ 11 - كۇنى تىلشىلەردى قابىلداۋ جينالىسىندا امەريكانىڭ مەملەكەت ىستەر حاتشىسى انتوني بلينكەننىڭ 10 – ايدىڭ 11 - كۇنى يزرايلعا بارىپ، كەزەكتەگى جاعداي جونىندە يزرايل جاقپەن پىكىر اۋىستىراتىندىعىن جانە تالقى وتكىزەتىندىگىن جاريالادى.
ا ق ش زۇڭتۇڭى بايدەن 10 – ايدىڭ 11 – كۇنى اقسارايدا ءسوز سويلەپ، پالەستينا مەن يزرايلدىڭ جاڭا كەزەكتى قاقتىعىسى تۋىلعاننان بەرى، از دەگەندە 14 امەريكا ازاماتىنىڭ قاقتىعىستا قازا بولعانىن، حاماس قارۋلى كۇشتەرى جاعىنان قاماۋعا الىنعان بارىمتالاردىڭ ىشىندە دە امەريكا ازاماتتارىنىڭ بار ەكەندىگىن تۇراقتاندىردى.
بايدەن اقساراي دەرەۋ وق - ءدارى جانە باسقارىلمالى بومبىنى توسۋ جۇيەسى سياقتى قوسىمشا حاۋىپسىزدىك كومەگىن بەرەدى دەگەندى ايتتى، ول امەريكا پارلامەنتىن شۇعىل ارەكەت قولدانىپ قارجى بەكىتىپ، يزرايلدى قامتىعان امەريكانىڭ ”شەشۋشى سەرىكتەرىنىڭ“ حاۋىپسىزدىك قاجەتىن قاناعاتتاندىرۋعا قۋزادى.
سيپرۋس، يوردانيا قاتارلى ەلدەر شارالار قولدانىپ، جاي بۇقارانى قورعادى
سيپرۋستىڭ سىرتقى ىستەر مينيسترلىگى 10 – ايدىڭ 11 - كۇنى مالىمدەمە جاريالاپ بىلاي دەدى: ارەكەت جوسپارىن اتقارۋ — يزرايلدان شەگىنىپ شىعاتىن قىزمەتكەرلەر مەن سيپرۋس ارقىلى قايتپاقشى بولعان شەتەلدىكتەرگە ۋاقىتتىق تۇرار جەرمەن قامداۋ سياقتى جاقتاردان كومەك كورسەتىپ، قولايلىلىق جاراتۋ. سيپرۋستاعى ەكى حالىقارالىق اۋەجايدىڭ تاسىمال ساۋداگەرلەرىنىڭ مالىمدەمەشىسى بىلاي دەدى: ادەتتەگى كۇنىنە قاتىنايتىن 10 كەزەكشى ۇشاقتان سىرت، 10 – ايدىڭ 11 – كۇنىنەن باستاپ يزرايلدىڭ تراۆيۆ اۋەجايىنا 30 نەشە كەزەكشى ۇشاق قوسىلدى.
يوردانيا پاتشا سارايى 10 – ايدىڭ 11 - كۇنى مالىمدەمە جاريالاپ بىلاي دەدى: ەگيپەتپەن تولىق سايكەسۋ العى شارتىندا، يوردانيانىڭ پاتشاسى ابدوللا Ⅱقاتىستى ادامدارعا ەگيپەت پەن گازا وڭىرىندەگى شەكارادان ءوتۋ ورنى ارقىلى گازاعا ەمدەۋ جانە ادامگەرشىلىك كومەك بەرۋ جونىندە نۇسقاۋ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
