اۋعانستاننىڭ باتىس سولتۇستىك بولەگىندەگى جەر سىلكىنىسىندە 120 دان استام ادام ءولدى

2023.10.08 16:09 كەلۋ قاينارى : حالىق تورابى

　　شينحۋا اگەنتتىگىنىڭ 10 – ايدىڭ 7 – كۇنى كابۋلدان بەرگەن حابارى. اۋعانىستاننىڭ باتىس سولتۇستىك بولەگىندەگى حەرات ولكەسىنىڭ اپاتتى باسقارۋ تاراۋىنىڭ جاۋاپتىسى مۋسا اسالي 10 – ايدىڭ 7 – كۇنى تىلشىگە اۋعانستاننىڭ باتىس سولتۇستىك بولەگىندە سول كۇنى جەر سىلكىنىسى تۋىلىپ، از دەگەندە 120 ادام ءولىپ، مۇنان سىرت 1000 عا جۋىق ادام جارالانعاندىعىن ايتتى.اسالي بىلاي دەدى: جارالانعاندار حەرات ولكەسىنىڭ ورتالىعى حەرات قالاسىنىڭ شيپاحاناسىنا جەتكىزىلدى، اتالعان ولكەنىڭ جينداجان رايونى مەن گۋريان رايونىنداعى 12 قىستاق ويراندالدى.

　　جۇڭگو جەر سىلكىنىسىن باقىلاۋ ستانسياسىنىڭ ولشەۋىنە قاراعاندا، اۋعانستاننىڭ باتىس سولتۇستىك بولەگىندە 10 – ايدىڭ 7 - كۇنى تۇستەن كەيىن ىلگەرىندى - كەيىندى 2 رەت 6.2 بال جەر سىلكىنگەن، سىلكىنىس قاينارىنىڭ تەرەڭدىگى تۇگەلدەي 10 كيلومەتر بولعان. اۋعانىستان ۋاقىتتىق ۇكىمەتىنىڭ مەملەكەتتىك اپاتتى باسقارۋ جانە ادامگەرشىلىك ىستەرى مينيسترلىگى مالىمدەمە جاريالاپ، جەر سىلكىنىسىندە قىرۋار ۇيلەردىڭ بۇلىنگەندىگىن ايتتى. اپاتقا ۇشىراعان رايوندا حابار – بايلانىس ءۇزىلىپ قالعاندىقتان، بۇل تاراۋ بادجيس پەن فاراب ولكەسىنىڭ قاتىستى مالىمەتىن تاپسىرىپ الماعان، جارالانعان، ولگەن ادام سانى ارتۋى مۇمكىن. جۇڭگونىڭ اۋعانستاندا تۇراتىن ەلشىحاناسى شينحۋا اگەنتتىگىنىڭ تىلشىسىنە كەزەكتە جۇڭگو ازاماتتارىنىڭ جەر سىلكىنىسىندە جارالانباعاندىعىن تۇراقتاندىردى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved