سيريانىڭ ءبىر اسكەري شۋەيۋانىنىڭ ۇشقىشسىز ۇشاق شابۋىلىنا ۇشىراۋ ۋاقيعاسىندا ولگەندەردىڭ سانى 89 عا جەتتى
2023.10.07 16:20 كەلۋ قاينارى : حالىق تورابى
شينحۋا اگەنتتىگىنىڭ 10 – ايدىڭ 6 – كۇنى داماشىقتان بەرگەن حابارى. سيريا دەنساۋلىق ساقتاۋ مينيسترلىگى 10 – ايدىڭ 6 - كۇنى بىلاي دەدى: سيريانىڭ ورتا بولەگىندەگى حومس ولكەسىندەگى ءبىر اسكەري شۋەيۋان 10 –ايدىڭ 5 - كۇنى مەكتەپ ءبىتىرۋ سالتىن وتكىزىپ جاتقاندا ۇشقىشسىز ۇشاق شابۋىلىنا ۇشىراپ، 89 ادام ءولىپ، 277 ادام جارالاندى.
دەنساۋلىق ساقتاۋ مينيسترلىگىنىڭ ايتۋىنشا، قازا بولعانداردىڭ ىشىندە 31 ايەل مەن 5 بالا بار ەكەن.
قازا بولعانداردى جەرلەۋ سالتى 10 – ايدىڭ 6 - كۇنى حومس ولكەسىنىڭ ورتالىق قالاسى حومىس قالاسىندا وتكىزىلدى. سيريا اقپارات قۇرالدارىنىڭ ”شام كانالى“ حابارىنا قاراعاندا، اۋەدەن قورعاناتىن باسقارىلمالى بومبى سول كۇنى حومس ولكەسىنىڭ اۋە كەڭىستىگىندە كوپتەگەن ۇشقىشسىز ۇشاقتى توسقان.
سيرياداعى ارميا جاق 10 – ايدىڭ 5 - كۇنى مالىمدەمە جاريالاپ بىلاي دەدى: سيريانىڭ ورتا بولەگىندەگى حومس ولكەسىندەگى ءبىر اسكەري شۋەيۋان سول كۇنى مەكتەپ ءبىتىرۋ سالتىن وتكىزگەندە ۇشقىشسىز ۇشاقتىڭ ”لاڭكەستىك شابۋىلىنا“ ۇشىراپ، ايەلدەر مەن بالالاردى قامتىعان كوپتەگەن جاي بۇقارا مەن اسكەريلەر ءولىپ، نەشە ونداعان ادام جارالاندى. سيريا ۇكىمەتى ىلە – شالا، 10 – ايدىڭ 6 - كۇنىنەن باستاپ بۇكىل ەل كولەمىندە 3 كۇن ازا ءبىلدىرىپ، وسى رەتكى شابۋىلدا قازا بولعان جاي بۇقارا مەن اسكەريلەرگە ازا بىلدىرەتىندىگىن جاريالادى. سول كەزدە بۇكىل سيريادا، شەتەلدە تۇراتىن ەلشىحانالار مەن سىرتقى ىستەر ورگاندارى تۋدى جارتىلاي ءتۇسىرىپ ازا بىلدىرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
