قوعام حاۋىپسىزدىگى ورگاندارى جالعان، جارامسىز ازىق - تۇلىك جاساۋ، ساتۋ قىلمىسىنا زاڭ بويىنشا قاتاڭ سوققى بەرىپ، ورتاڭعى كۇز مەرەكەسى مەن مەملەكەت مەرەكەسى كەزىندەگى داستارقان حاۋىپسىزدىگىن شىنايى قورعادى
2023.09.28 12:17 كەلۋ قاينارى : حالىق تورابى
ورتاڭعى كۇز مەرەكەسى، مەملەكەت مەرەكەسى قارساڭىندا، مەرەكەلىك ازىق ـ تۇلىك سۇرانىسى شوعىرلى جارىققا شىعىپ، حالىق بۇقاراسى ازىق ـ تۇلىك حاۋىپسىزدىگىنە ايرىقشا نازار اۋداردى. قوعام حاۋىپسىزدىگى مينيسترلىگى ازىق – تۇلىك حاۋىپسىزدىگىنە باسا ءمان بەرىپ، ەرتە جوسپارلاپ، جەر - جەردەگى قوعام حاۋىپسىزدىگى ورگاندارىنىڭ كەزەكتەگى ازىق - تۇلىك حاۋىپسىزدىگى قىلمىس جاعدايىن دۇرىس يگەرىپ، نازاردى بۇقارانىڭ ”شۇعىل، قيىن، الاڭداۋلى، ٴزارۋ ماسەلەلەرىنە“ شوعىرلاندىرىپ، ايكۇلشە، ەت ونىمدەرى، دامدەندىرگىش، اراق - شاراپ، سۋسىن سياقتى مەرەكەلىك بازاردا ءوتىمدى ازىق - تۇلىكتەردى قاداعالاپ، دەرەكتەردى ىرىقتىلىقپەن ءبىر - بىرلەپ تەكسەرىپ، ازىق - تۇلىك حاۋىپسىزدىگى قىلمىسىنا زاڭ بويىنشا قاتاڭ سوققى بەرىپ، پارمەندى سەس قالىپتاستىرۋىن تالاپ ەتتى. جاقىندا گۋاڭدۇڭ، فۋجيان، گانسۋ قاتارلى ورىندارداعى قوعام حاۋىپسىزدىك ورگاندارى گۋاڭجوۋداعى حۋاڭ XX قاتارلىلاردىڭ جالعان ماركالى ايكۇلشە جاساۋ، ساتۋ دەلوسى، جاڭجۋداعى حۇڭ XX قاتارلىلاردىڭ جالعان، ناشار اراق جاساپ شىعارۋ، ساتۋ دەلوسى، لانجوۋداعى حۋ XX قاتارلىلاردىڭ جالعان ماركالى دامدەندىرگىشتەردى جاساپ شىعارۋ، ساتۋ دەلوسى قاتارلى ءبىر توپ مەرەكەلىك اس – سۋ قىلمىسىنا بايلانىستى ۇلكەن دەلولاردى تەكسەرىپ انىقتادى، جالپى 1100 دەن استام قىلمىس كۇماندىسى ۇستالىپ، دەلونىڭ جالپى قۇنى 960 ميلليون يۋاننان استام بولىپ، ازىق – تۇلىك بازارى پارمەندى تازارتىلىپ، قالىڭ حالىق بۇقاراسىنىڭ مەرەكەلىك داستارقانىنىڭ حاۋىپسىزدىگى قامتاماسىزداندىرىلدى. قوعام حاۋىپسىزدىگى مينيسترلىگى بۇگىن ازىق - تۇلىك حاۋىپسىزدىگىنە زالال جەتكىزۋ قىلمىسىنا سوققى بەرۋدەگى 10 تيپتىك دەلونى جاريالادى.
قوعام حاۋىپسىزدىگى مينيسترلىگى ازىق – تۇلىك، ءدارى - دارمەك قىلمىستارىن بارلاۋ مەكەمەسىنىڭ جاۋاپتىسى بىلاي دەدى: ازىق - تۇلىك حاۋىپسىزدىگى — حالىق تۇرمىسىنىڭ ەڭ نەگىزگى قاجەتى، قوعام حاۋىپسىزدىگى ورگاندارى ”كۇنلۇن 2023“ ارناۋلى ارەكەتىن ۇزدىكسىز ىشكەرىلەي ىلگەرىلەتىپ، ازىق - تۇلىك حاۋىپسىزدىگى قىلمىسىنا قاتاڭ سوققى بەرۋدىڭ تەگەۋرىندى كۇيىن باستان - اياق ساقتاپ، ازىق – تۇلىك قوسپالارىن كولەمنەن، ولشەمنەن اسىرىپ قولدانۋ جانە زاڭسىز قوسۋ، ەگىن، مال دارىلەرىنىڭ قالدىعى ولشەمنەن اسىپ كەتۋى، جالعان زاتتاردى ارالاستىرۋ، جالعان ٴونىم ٴوندىرۋ سياقتى ازىق - تۇلىك حاۋىپسىزدىگىنە زالال جەتكىزەتىن ءتۇرلى كورنەكتى قىلمىستارعا سىلەيتە سوققى بەرىپ، قىلت ەتكەنىنە سوققى بەرىپ، قاتىستى تاراۋلاردىڭ رەتتەۋ - جونگە سالۋ تەبىنىن ۇزدىكسىز ارتتىرۋىنا بەلسەنە سايكەسىپ، قالىڭ حالىق بۇقاراسىنىڭ ”–اس - سۋ حاۋىپسىزدىگىن“ باتىل ويداعىداي قورعادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
