يۇي لۋميڭعا ءبىرىنشى سوت ۇكىمىن جاريالادى!
2023.09.27 16:22 كەلۋ قاينارى : حالىق تورابى
2023 – جىلى 9 – ايدىڭ 26 – كۇنى، حىبەي ولكەسى جاڭجياكوۋ قالالىق ورتا دارەجەلى حالىق سوت مەكەمەسى بەيجيڭ قالالىق ساياسي كەڭەستىڭ بۇرىنعى ورىنباسار ءتوراعاسى يۇي لۋميڭنىڭ پارا الۋ دەلوسىنا اشىق ۇكىم شىعارىپ، ايىپكەر يۇي لۋميڭگە پارا الۋ قىلمىسى بويىنشا 11 جىلدىق مەرزىمدى قاماۋ جازاسىنا ۇكىم ەتتى، وعان قوسا ءبىر ميلليون يۋان اقشالاي ايىپ سالدى؛ يۇي لۋميڭنىڭ پارا الۋ قىلمىسىنان تاپقان تابىسى مەن ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىردى؛ جەتپەگەن بولەگىن جالعاستى قۋزاپ قايتارىپ الادى.
تەكسەرۋ ارقىلى مىنانى انىقتادى: 2001 - جىلدان 2019 - جىلعا دەيىن ايىپكەر يۇي لۋميڭ ساياسي كەڭەس بەيجيڭ قالاسى داشيڭ رايوندىق 1 - كەزەكتى كوميتەتىنىڭ ورىنباسار ءتوراعاسى، داشيڭ رايوندىق دەنساۋلىق ساقتاۋ مەكەمەسىنىڭ باستىعى، داشيڭ رايوندىق حالىق ۇكىمەتىنىڭ ورىنباسار باستىعى، بەيجيڭ قالالىق شيپاحانا باسقارۋ مەكەمەسىنىڭ ورىنباسار باستىعى، باستىعى، بەيجيڭ قالالىق دەنساۋلىق ساقتاۋ جانە جوسپارلى تۋىت كوميتەتىنىڭ ورىنباسار مەڭگەرۋشىسى قاتارلى مىندەتتەردى وتەگەن كەزىندە مىندەت قولايلىلىعىنان پايدالانىپ، قاتىستى ورىندار مەن جەكەلەردىڭ جەردەن پايدالانۋ ۇقىعىن ءبىر جاقتى ەتۋ، شيپاحانا قۇرىلىسىن كوتەرىپ الۋ سياقتى ىستەرىنە كومەك كورسەتىپ، زاڭسىز قابىلداعان مال - مۇلكى حالىق اقشاسىنا سىندىرعاندا 10 ميلليون 500 مىڭ يۋاننان اسقان.
جاڭجياكوۋ قالالىق ورتا دارەجەلى حالىق سوت مەكەمەسى بىلاي دەپ قارايدى: ايىپكەر يۇي لۋميڭنىڭ ارەكەتى پارا الۋ قىلمىسىن قالىپتاستىرادى، پارا العان اقشاسى توتەنشە كوپ. يۇي لۋميڭ سوتقا كەلگەننەن كەيىن ءوزىنىڭ قىلمىسىن قاز - قالپىندا مويىنداپ، دەلونى ءبىر جاقتى ەتۋ ورگانى ءالى يگەرمەگەن ءبىر ءبولىم پارا الۋ قىلمىس فاكتىلەرىن ىرىقتىلىقپەن تاپسىرىپ، قىلمىسىن تانىپ، رايىنان قايتىپ، ارام ولجانى بەلسەنە قايتارىپ، پارا الىپ، زاڭعا قايشى تاپقان تابىسى مەن كوپ ساندى ءوسىمىن قۋزاپ قايتارىپ العاندىقتان زاڭ بويىنشا جەڭىل جازالاۋعا بولادى. سوت مەكەمەسى جوعارىداعىداي ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
