شينجياڭدا 70 ات كۇشىنەن جوعارى قۋاتتاعى تراكتور وندىرۋگە بولاتىن بولدى
2023.09.22 14:59 كەلۋ قاينارى : حالىق تورابى
سۋرەتتە: شينجياڭ جۇڭكۇن تيانتو اۋىر ونەركاسىپ شەكتى سەرىكتەستىگىنىڭ دەربەس ماركالى ”جۇڭكۇن تيانتو 2404“ ءنومىرلى تراكتورى 9 - ايدىڭ 20 - كۇنى ءوندىرىس جەلىسىنەن ءتۇسىرىلدى. انار بۇلت \ شينجياڭ گازەتىنىڭ ءتىلشىسى دۋ جيانحۇي فوتوسى
انار بۇلت \ شينجياڭ گازەتىنىڭ ءتىلشىسى دۋ جيانحۇي حابارلايدى. 9 - ايدىڭ 20 - كۇنى شينجياڭ جۇڭكۇن تيانتو اۋىر ونەركاسىپ شەكتى سەرىكتەستىگىنىڭ دەربەس ماركالى ”جۇڭكۇن تيانتو 2404“ ءنومىرلى تۇڭعىش تراكتورى ءوندىرىس جەلىسىنەن ءتۇسىرىلىپ، شينجياڭدا 70 ات كۇشىنەن جوعارى قۋاتتاعى تراكتوردى جەرگىلىكتى ورىندا وندىرە الماۋ سىندى بوستىقتى تولتىردى، بۇل شينجياڭدا بۇدان بىلاي 70 ات كۇشىنەن جوعارى قۋاتتاعى وسى تۇردەگى تراكتوردى وندىرۋگە بولاتىنىن كورسەتەدى.
شينجياڭ جۇڭكۇن تيانتو اۋىر ونەركاسىپ شەكتى سەرىكتەستىگى شاندۇڭ برابۋس اۋىر ونەركاسىپ شەكتى سەرىكتەستىگىنە قاراستى، 2021 - جىلى 6 - ايدا كورلا ەكونوميكالىق - تەحنيكالىق كوركەيتۋ رايونىنا ورنالاسقان، اتالعان سەرىكتەستىك زەرتتەۋ، ءوندىرۋ، ساتۋ، قىزمەت وتەۋ ىستەرىن ءبىرتۇلعالاندىرعان ۋنيۆەرسال سيپاتتى اۋىل شارۋاشىلىعى جابدىقتارىن وندىرەتىن كاسىپورىن، وزىق اۆتوماتتى جابدىقتاردى ءوندىرۋ جەلىسىن قولدانادى، جوبالايتىن ونىمدەرى 30 ات كۇشىنەن 240 ات كۇشىنە دەيىنگى ءتۇرلى تيپتەگى دوڭگەلەكتى تراكتورلار، جىلدىق ءونىم مولشەرى شامامەن 10 مىڭ تراكتور. وسى رەت ءوندىرىس جەلىسىنەن تۇسىرىلگەن ”جۇڭكۇن تيانتو 2404“ تيپتى تراكتور 240 ات كۇشىندىك تراكتور سانالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
