قوعام حاۋىپسىزدىگى مينيسترلىگى: جىلدامدىقتى شەكتەن اسىرۋ، ولشەمنەن ارتىق ادام وتىرعىزۋ، ولشەمنەن ارتىق جۇك تيەۋ، شارشاعان كۇيدە اۆتوموبيل جۇرگىزۋ، اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ، اۆتوموبيلدى ەرەكشە تەز جۇرگىزىپ، كوشەنىڭ شىرقىن بۇزۋ ماسەلەلەرىن تەكسەرۋ، تەجەۋ تەبىنىن ارتتىرادى
2023.09.20 14:41 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى رىن چينچين، شيۇڭ فىڭ 9 - ايدىڭ 19 - كۇنى بەيجيڭنەن حابارلايدى. ءتىلشىنىڭ 9 - ايدىڭ 19 - كۇنى قوعام حاۋىپسىزدىگى مينيسترلىگىنەن ۇعىسۋىنشا، مەملەكەتتىك قوعام حاۋىپسىزدىگى ورگاندارىنىڭ جاز مەزگىلىندەگى اماندىقتى قورعاۋ، سوققى بەرۋ، جونگە سالۋ ارەكەتىندەگى 4 - كەزەكتى ىلگەرىلەتۋ ءماجىلىسى 9 - ايدىڭ 18 - كۇنى بەيجيڭدە اشىلعان، جىلدامدىقتى شەكتەن اسىرۋ، ولشەمنەن ارتىق ادام وتىرعىزۋ، ولشەمنەن ارتىق جۇك تيەۋ، شارشاعان كۇيدە اۆتوموبيل جۇرگىزۋ، اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ، اۆتوموبيلدى ەرەكشە تەز جۇرگىزىپ، كوشەنىڭ شىرقىن بۇزۋ قاتارلى زاڭعا قايشى كورنەكتى قىلمىستاردى تەكسەرۋ - تەجەۋ تەبىنىن ارتتىرىپ، حاۋىپتى، قوپارىلعىش زاتتاردى جاساۋ، ساقتاۋ، تاسىمالداۋ قاتارلى زاڭعا قايشى قىلمىستىق ارەكەتتەرگە زاڭ بويىنشا قاتاڭ سوققى بەرىپ، تەمىر جول، حالىقتىق اۆياتسيا، كەمەجاي، اۋەجاي جانە مەترو، الەۋمەتتىك اۆتوبۋس قاتارلىلارداعى حاۋىپسىزدىك پەن ساقتىقتى كۇشەيتىپ، قاتىستى تاراۋلارمەن بىرگە ساياحات كورىنىس رايوندارىنداعى حاۋىپسىزدىگى باقىلاۋ - باسقارۋدى كۇشەيتىپ، الەۋمەتتىك حاۋىپسىزدىك جاعىنداعى ءىرى شىرعالاڭداردىڭ تۋىلۋىنان قاتاڭ ساقتانادى.
”جاز مەزگىلىندەگى ارەكەت“ ورىستەتىلگەننەن بەرى، جەر - جەردەگى ءتۇرلى ساقشى تاراۋلارى ءتۇيىندى، جەلىنى، باعىتتامالىلىقتى ۇشتاستىرۋعا تاباندى بولىپ، سوققى بەرۋ، ساقتانۋ، باسقارۋ - تەجەۋدى تەڭ جۇرگىزىپ، كورنەكتى ناتيجەلەرگە قول جەتكىزدى. قوعام حاۋىپسىزدىگى مينيسترلىگى ءار دارەجەلى قوعام حاۋىپسىزدىگى ورگاندارىن باتىلدىقپەن سوققى بەرۋ، جەڭىسكە ءسوزسىز جەتۋ سىندى ارىنمەن، باستان - اياق مىقتى يگەرۋ سىندى قايسارلىقپەن ”جاز مەزگىلىندەگى ارەكەتتىڭ“ سوڭعى شايقاسىنىڭ جەڭىسىنە قول جەتكىزۋ ءۇشىن تىلەكتەردى توعىستىرىپ، كۇش - قۋاتتى شوعىرلاندىردى. ماجىلىستە مىنالار باسا دارىپتەلدى: ادىرنانى باستان - اقىر كەرە تارتىپ، باستى تۇيىندەردە ونان ارى كۇش سالىپ، دەلونى بىتىرۋگە قۋزاۋ، شوعىرلى شايقاس جۇرگىزۋ، وڭىرلىك شايقاس جۇرگىزۋ، جاسىرىن حاۋىپتەردى الاستاۋ قاتارلى قىزمەتتەردىڭ تەبىنىن ونان ارى ارتتىرىپ، حالىق بۇقاراسىنىڭ ورتاڭعى كۇز مەرەكەسىن جانە مەملەكەت مەرەكەسىن كوڭىلدى وتكىزۋىنە حاۋىپسىز، ورنىقتى قوعامدىق ورتا جاراتۋعا قۇلشىنۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
