جياڭشي ولكەلىك حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى گۇڭ جيانحۋانىڭ پارا الۋ دەلوسىنا ءبىرىنشى رەتكى سوتتىڭ ۇكىمى جاريالاندى
2023.09.20 16:48 كەلۋ قاينارى : حالىق تورابى
2023 - جىلى 9 - ايدىڭ 19 - كۇنى، فۋجيان ولكەسى جاڭجوۋ قالالىق ورتا دارەجەلى حالىق سوتى جياڭشي ولكەلىك حالىق قۇرىلتايى تۇراقتى كوميتەتىنىڭ بۇرىنعى پارگرۋپپا مۇشەسى، بۇرىنعى ورىنباسار مەڭگەرۋشىسى گۇڭ جيانحۋانىڭ پارا الۋ دەلوسىنا ءبىرىنشى سوتتىڭ ۇكىمىن جاريالادى، پارا الۋ قىلمىسى بويىنشا ايىپكەر گۇڭ جيانحۋانى ون جىلدىق مەرزىمدى قاماق جازاسىنا ۇكىم ەتتى ءارى حالىق اقشاسى بويىنشا 5 ميلليون 500 مىڭ يۋان اقشالاي ايىپ سالدى؛ گۇڭ جيانحۋانىڭ پارا الۋ جولىمەن قولعا كەلتىرگەن، قازىر دەلوعا بايلانىستى تەكسەرىلىپ پەشەتتەلگەن، ۇستاپ قالىنعان، مۇزداتىلعان تابىستارىن جانە ونىڭ ءوسىمىن زاڭ بويىنشا ءمۇسادىرالاپ، مەملەكەت قازىناسىنا تاپسىردى.
تەكسەرىپ انىقتاۋعا قاراعاندا: 2004 - جىلدان 2020 - جىلدار ارالىعىندا، ايىپكەر گۇڭ جيانحۋا جۇڭگو كوممۋنيستىك پارتياسى نانچاڭ قالالىق پارتكومىنىڭ ورىنباسار شۋجيى، ۇنەمىلىك ىستەرگە جاۋاپتى ورىنباسار قالا باستىعى، نانچاڭ قالالىق جوسپارلانعان جەردى ىسكە قوسۋعا باسشىلىق ەتۋ گرۋپپاسىنىڭ باستىعى، جۇڭگو كوممۋنيستىك پارتياسى يچۋن قالالىق پارتكومىنىڭ ورىنباسار شۋجيى، قالا باستىعى، جۇڭگو كوممۋنيستىك پارتياسى فۋشۇن قالالىق پارتكومىنىڭ شۋجيى، جۇڭگو كوممۋنيستىك پارتياسى جياڭشي ولكەلىك پارتكومىنىڭ تۇراقتى مۇشەسى، نانچاڭ قالالىق پارتكومنىڭ شۋجيى، جياڭشي ولكەلىك حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى قاتارلى مىندەتتەردى اتقارعان كەزدە، قىزمەتتەگى قولايلىلىقتان، سونداي - اق، قىزمەت ۇقىعىنان نەمەسە بەدەلىنەن قالىپتاسقان قولايلى شارت - جاعدايدان پايدالانىپ، قاتىستى جەكەلەرگە جەردى ساتۋ، ينجەنەريانى كوتەرمەگە الۋ، نىساندى اشۋ، قىزمەت دارەجەسىن جوعارىلاتۋ قاتارلى ىستەردە كومەكتەسىپ، حالىق اقشاسى بويىنشا 83 ميلليون 610 مىڭ يۋاننان استام مال - مۇلىكتى زاڭسىز تۇردە قابىلداعان.
جاڭجوۋ قالالىق ورتا دارەجەلى حالىق سوتى مەكەمەسى بىلاي دەپ قاراعان: ايىپكەر گۇڭ جيانحۋانىڭ ارەكەتى پارا الۋ قىلمىسىن قالىپتاستىرعان، پاراعا العان قاراجات سوماسى وتە قوماقتى. گۇڭ جيانحۋا ىرىقتىلىقپەن ءوزىن مالىمدەپ، قىلمىسىن شىنايى بايانداپ، دەلو ءبىتىرۋ ورگاندارى ءالى بىلمەيتىن قىلمىس فاكتتەرىن ىرىقتىلىقپەن بايانداعان، ءوزىن مالىمدەپ، قىلمىسىن تانىپ، وكىنەتىنىن بىلدىرگەن، زاڭسىز تابىسىن ىرىقتىلىقپەن قايتارعان دەپ قاراۋعا بولادى، پارا الۋ جولىمەن تاپقان تابىسى جانە ونىڭ ءوسىمى تۇگەلدەي انىقتالىپ پەشەتتەلگەن، ۇستاپ قالىنعان، مۇزداتىلعان، زاڭدا بەلگىلەنگەن جاعدايعا قاراي جازانى جەڭىلدەتۋ شارتىنا ۇيلەسەتىندىكتەن، وعان بەرىلگەن جازانى جەڭىلدەتۋگە بولادى. سوندىقتان، سوت مەكەمەسى وسىنداي ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
