ساۋدا مينيسترلىگى: مەكسيكا جاقتىڭ ەركىن ساۋدا پرينسيبىنە تاباندى بولىپ، كەدەن سالىعى شاراسىن ابايلاپ قولدانۋىن ءۇمىت ەتەمىز
2023.09.15 15:16 كەلۋ قاينارى : حالىق تورابى
بيىل 8 – ايدىڭ 16 – كۇنىنەن بەرى، مەكسيكا وزىمەن ەركىن ساۋدا كەلىسىمىنە ءالى قول قويماعان ەلدەر مەن رايوندارعا 392 ءونىمنىڭ يمپورت كەدەن باجىسىن جوعارىلاتتى. 9 – ايدىڭ 14 – كۇنى ساۋدا مينيسترلىگىنىڭ كەزەكتى اقپار جاريالاۋ ماجىلىسىندە اقپارات مالىمدەمەشىسى حى يادۇڭ بىلاي دەدى: كەدەن باجىسىن جوعارىلاتۋ تومەنگى اعارداعى كاسىپ سالاسىنىڭ ءوندىرىس وزىندىك قۇنىن ارتتىرىپ، تۇتىنۋشىلاردىڭ يگىلىگىن ازايتادى، مەكسيكا جاقتىڭ ەركىن ساۋدا پرينسيبىنە تاباندى بولىپ، وسى تەكتەس شارالاردى ابايلاپ قولدانۋىن ءۇمىت ەتەمىز.
ساۋدا مينيسترلىگىنىڭ اقپارات مالىمدەمەشىسى حى يادۇڭ: بۇل شارا ارناۋلى ءبىر مەملەكەتكە باعىتتالماعانىمەن، بەلگىلى دارەجەدە جۇڭگو مەن مەكسيكانىڭ ساۋدا بارىس - كەلىسىنە ىقپال جاسادى. سونىمەن بىرگە مەكسيكانىڭ جالپى كەدەن باجىسى دەڭگەيىنىڭ جوعارىلاۋى دا قارجى قوسۋشىلاردىڭ سەنىمىنە ىقپال جاسايدى. جۇڭگو بۇعان باسا نازار اۋدارادى.
حى يادۇڭ بىلاي دەدى: تاريحي تاجىريبەلەردەن قاراعاندا، كەدەن باجىسىن جوعارىلاتۋ تومەنگى اعارداعى كاسىپ سالاسىنىڭ ءوندىرىس وزىندىك قۇنىن ارتتىرىپ، تۇتىنۋشىلاردىڭ يگىلىگىن ازايتادى. مەكسيكا ەركىن ساۋدادان يگىلىكتەنۋشى جاق، مەكسيكا جاقتىڭ ەركىن ساۋدا پرينسيبىنە تاباندى بولىپ، وسى تەكتەس شارالاردى ابايلاپ قولدانۋىن ءۇمىت ەتەمىز. جۇڭگو جاق تا مەكسيكا جاقپەن بىرگە قۇلشىنىپ، ەكى ەلدىڭ ەكونوميكالىق جاقتان ءبىرىن - ءبىرى تولىقتاۋ ابزالدىلىعىن ساۋلەلەندىرىپ، ساۋدا، قارجى قوسۋدى قولايلىلاندىرۋدى ىلگەرىلەتىپ، ەكى جاقتى ەكونوميكا - ساۋدا قاتىناسىنىڭ اقاۋسىز، ورنىقتى دامۋىن جەبەۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
