جاۋ لىجي اراب بىرىككەن امىرلىگى حالىقتىق پارلامەنتىنىڭ باستىعى ساگەلمەن كەڭەس وتكىزدى
2023.09.14 16:58 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 13 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 9 - ايدىڭ 13 - كۇنى تۇستەن كەيىن حالىق سارايىندا اراب بىرىككەن امىرلىگى حالىقتىق پارلامەنتىنىڭ باستىعى ساگەلمەن كەڭەس وتكىزدى.
جاۋ لىجي مىنانى ءبىلدىردى: ءتوراعا شي جينپيڭ مەن زۇڭتۇڭ مۇحاممەدتىڭ ستراتەگيالىق جەتەكشىلىگىندە، جۇڭگو مەن اراب بىرىككەن امىرلىگىنىڭ ساياسي سەنىمدىلىگى ۇزدىكسىز بەكەمدەلىپ، ناقتى سەلبەستىگى ۇزدىكسىز كەڭەيىپ، حالىقتاردىڭ دوستىعى ونان ارى تەرەڭدەپ، ەكى جاقتى قارىم - قاتىناس جاپپاي، تەز، ىشكەرىلەي دامۋدىڭ جاڭا كەزەڭىنە ءوتتى. قازىر جۇڭگو حالقى جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدە، اراب بىرىككەن امىرلىگى حالقى ”اراب بىرىككەن امىرلىگى 2031“ جوباسىندا بەلگىلەنگەن نىساناعا قاراي ارشىندى قادام تاستاۋدا. جۇڭگو جاق اراب بىرىككەن امىرلىگى جاقپەن بىرگە جۇڭگو - اراب بىرىككەن امىرلىگى قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن قول ۇستاسا ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى.
جاۋ لىجي مىنالاردى ءبىلدىردى: جاقسى دوس، جاقسى سەرىك، جاقسى باۋىرلاس رەتىندە، جۇڭگو اراب بىرىككەن امىرلىگىمەن بىرگە ەكى ەلدىڭ دوستىعىنىڭ جالپى بەتالىسىن يگەرىپ، ءار جىكتەگىلەردىڭ بارىس - كەلىسىن جيىلەتىپ، ستراتەگيالىق ءوزارا سەنىمدىلىكتى بەكەمدەۋدى قالايدى. اراب بىرىككەن امىرلىگى جاقتىڭ جۇڭگونىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ۇزاق ۋاقىت باتىل قولداۋ كورسەتكەنىنە العىس ايتامىن. ناقتى سەلبەستىكتى تەرەڭدەتىپ، ەنەرگيا، قارجى قوسۋ، نەگىزدىك قۇرىلىس سياقتى ءداستۇرلى سالالارداعى سەلبەستىكتى ورنىقتى ىلگەرىلەتىپ، ينفورماتسيا، عىلىم - تەحنيكا سياقتى جاڭادان گۇلدەنگەن سالالارداعى سەلبەستىكتىڭ كومەسكى كۇشىن اشۋدى ءۇمىت ەتەمىن. جۇڭگو، اراب بىرىككەن امىرلىگى مادەنيەتىنىڭ رۋحى توعىسقان، مادەنيەت، ساياحات، حالىقتىق اۆياتسيا سياقتى سالالارداعى سەلبەستىكتى كۇشەيتىپ، جۇڭگو - اراب بىرىككەن امىرلىگى دوستىعىنىڭ حالىق رايى نەگىزىن بەكەمدەۋدى ءۇمىت ەتەمىن. اراب بىرىككەن امىرلىگىنىڭ بريكس ۇلى شاڭىراعىنىڭ مۇشەسىنە اينالعانىن قۇتتىقتايمىن. جۇڭگو اراب بىرىككەن امىرلىگىنىڭ حالىقارالىق جانە وڭىرلىك ىستەردە اناعۇرلىم زور رول اتقارۋىن قولدايدى، اراب بىرىككەن امىرلىگىمەن بىرگە ناعىز كوپ جاقتىلىقتى امالياتتا ايگىلەپ، حالىقارالىق ادىلدىك پەن ادىلەتتىلىكتى جەبەۋدى قالايدى.جاۋ لىجي ءتوراعا شي جينپيڭ العا قويعان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن تانىستىرىپ، جۇڭگو جاقتىڭ اراب بىرىككەن امىرلىگى جاقپەن 3 ۇلكەن دۇنيە جۇزىلىك باستاما سەلبەستىگىن قول ۇستاسا ىلگەرىلەتىپ، اۋمالى - توكپەلى دۇنيە جۇزىنە ءتىپتى دە كوپ وڭ ەنەرگيا ۇستەۋدى قالايتىنىن دارىپتەدى.
جاۋ لىجي مىنالاردى دارىپتەدى: جۇڭگو مەن اراب بىرىككەن امىرلىگىنىڭ زاڭ شىعارۋ قۇرىلىمدارىنىڭ بارىس – كەلىسى − ەكى ەلدىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ ماڭىزدى قۇرامداس بولىگى. جۇڭگو مەملەكەتتىك حالىق قۇرىلتايى اراب بىرىككەن امىرلىگى فەدەراتسياسى حالىقتىق پارلامەنتىمەن دوستىق سەلبەستىكتى ۇزدىكسىز كۇشەيتىپ، ءار دارەجەلى دوستىق بارىس - كەلىستى جەبەپ، مەملەكەتتى زاڭمەن جونگە سالۋ، ەكونوميكانى دامىتۋ، حالىق تۇرمىسىن جاقسارتۋ سياقتى جاقتاردا تاجىريبە اۋىس - كۇيىسىن تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدى، سونداي - اق ءار سالاداعى ناقتى ىستەر سەلبەستىگىن زاڭدىق كەپىلمەن قامداپ، ءار ەل پارلامەنت وداعى، ازيا پارلامەنت جينالىسى سياقتى كوپ جاقتى ورىنداردا سايكەسۋ مەن سەلبەسۋدى نىعايتۋدى قالايدى.
ساگەل مىنانى ءبىلدىردى: جۇڭگو − سەنىم ارتۋعا تاتيتىن سەرىك جانە دوس. اراب بىرىككەن امىرلىگى جۇڭگونىڭ وراسان زور دامۋ جەتىستىكتەرىنە قول جەتكىزگەنىن قۋانىشپەن كورىپ وتىر. جۇڭگونىڭ دامۋى دۇنيە جۇزىندەگى باسقا ەلدەرگە ءتىپتى دە كوپ وراي اكەلەدى. كەلەر جىلى − اراب بىرىككەن امىرلىگى مەن جۇڭگونىڭ ديپلوماتيالىق قارىم - قاتىناس ورناتقانىنىڭ 40 جىلدىعى. اراب بىرىككەن امىرلىگىنىڭ حالىقتىق پارلامەنتى جۇڭگونىڭ مەملەكەتتىك حالىق قۇرىلتايىمەن سەلبەستىكتى كۇشەيتىپ، زاڭ شىعارۋ سياقتى سالالارداعى اۋىس - كۇيىستى، ءوزارا ۇلگى الۋدى تەرەڭدەتىپ، ەكى ەلدىڭ جان - جاقتى ستراتەگيالىق سەرىكتەستىك قارىم - قاتىناسىنىڭ دامۋىن جەبەۋگە ۇلەس قوسۋدى قالايدى.
حى ۋەي كەڭەسكە قاتىناستى.
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
