شينجياڭدا جاڭادان ورىلعان ءبيدايدىڭ ساپاسى 5 جىلعا تاياۋ ۋاقىتتان بەرگى ەڭ جاقسى ورەگە جەتتى
1 - دارەجەلىدەن جوعارى ءبيداي ％75تى ۇستادى
2023.09.13 14:16 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 9 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق استىق جانە زاتتىق ماتەريال زاپاس ساقتاۋ مەكەمەسىنەن ۇعىسۋىمىزشا، بيىل شينجياڭدا جاڭادان ورىلعان ءبيدايدىڭ 1 - دارەجەلىدەن جوعارى ءبيداي سالىستىرماسى ％75تى، 3 - دارەجەلىدەن جوعارى ءبيداي سالىستىرماسى ％2. 99تى ۇستاعان،ءتۇرلى ازىق - تۇلىك حاۋىپسىزدىگى كورسەتكىشتەرىنىڭ تەكسەرۋ - ولشەۋ ءمانى تۇگەلدەي مەملەكەتتىڭ قاتىستى ولشەمدەرىنە ۇيلەسكەن، جالپىلىق ساپاسى مەن ازىق - تۇلىك حاۋىپسىزدىگى جاعدايى 5 جىلعا تاياۋ ۋاقىتتان بەرگى ەڭ جاقسى ورەگە جەتكەن.
اۆتونوميالى رايوندىق استىق جانە زاتتىق ماتەريال زاپاس ساقتاۋ مەكەمەسى حاۋىپسىز قامبادا ساقتاۋ جانە عىلىم - تەحنيكا باسقارماسىنىڭ باستىعى شۇي يۇڭجىڭ بىلاي دەپ تانىستىردى: بيىل جازعى استىق ساتىپ الۋ جۇمىسى باستالعاننان بەرى، اۆتونوميالى رايوننىڭ استىق جانە زاتتىق ماتەريال زاپاس ساقتاۋ تاراۋلارى جەر - جەردىڭ استىق ءونىم مولشەرىنە نەگىزدەلە وتىرىپ، ۇلگى الۋ ءوڭىرى مەن سورت قۇرىلىمىن ساپالىلاندىردى، جاڭادان ورىلعان ءبيدايدىڭ ساپاسىن تەكسەرۋ جانە حاۋىپسىزدىگىن باقىلاۋ - تەكسەرۋ قىزمەتىن ورىستەتتى. جيىن - تەرىن كەزىندە جەر - جەر استىق ەگەتىن ءىرى وتباسىلارى، وتباسىلىق ەگىس الاڭى، اۋىل شارۋاشىلىق سەلبەستىك كووپەراتيۆى سياقتى كولەمدەنگەن استىق ەگەتىن تۇلعالاردى تاڭداپ، ۇلگى الىپ جيناۋ جانە تەكسەرۋ - ولشەۋ قىزمەتىن ءونىمدى ورىستەتىپ، ۇلگىنىڭ ۋاكىلدىك سيپاتى مەن شىنايلىعىنا كەپىلدىك ەتتى.
ساندى مالىمەتتە كورسەتىلۋىنشە، بۇكىل رايوندا جاڭادان ورىلعان ءبيدايدىڭ ورتاشا سالماعىL/g 802، تولىسا قويماعان ءدانىنىڭ ورتاشا قۇنى ％8. 2 بولعان، ءبىرىنشى دارەجەلى ءبيدايدىڭ سالىستىرماسى مەن تولىسا قويماعان ءدانى %6تەن تومەن نەمەسە تەڭ بولعان ءبيداي سالىستىرماسى تاريحتاعى سول تۇستاعىدان جوعارى بولعان.
بيىل جىل باسىنان بەرى رايونىمىزدىڭ جەر - جەرى ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋدا“ زاتتىق نەگىزدى بار كۇشپەن بەكەمدەپ، عىلىم - تەحنيكا جانە جابدىقتاۋدى استىقتىڭ جالپىلىق ءوندىرىس قۋاتىن جوعارىلاتۋدىڭ ماڭىزدى تىرەگى ەتىپ، كەزەكتەگى بۇكىل رايوننىڭ استىق حاۋىپسىزدىگى مەن كاسىپ سالاسىنىڭ دامۋ قاجەتىن تياناق ەتىپ، تەحنيكادا جاڭالىق اشۋ ارقىلى جەتەكشىلىك ەتۋدى كۇشەيتىپ، بۇكىل رايوندا ءبيداي، جۇگەرى سياقتى نەگىزگى استىق داقىلدارىنىڭ ساپالى، جوعارى ءونىمدى ولشەمدەستىرىپ ءوسىرۋ تەحنيكاسىن جالپىلاستىرىپ، قولدانىپ، قۇرعاق ەگىپ، از - ازدان تامشىلاتىپ سۋارۋ، سۋ مەن تىڭايتقىشتى ءبىر تۇلعالاندىرۋ سياقتى ەگىمشىلىك باسقارۋ تەحنيكاسىن زور كۇشپەن جالپىلاستىرىپ، ساپالى تۇقىم، تاماشا ءادىس، ساپالى اتىز، جاقسى وراي ارقىلى ورگانيكالى ۇشتاستىرىپ، بۇكىل رايوننىڭ ءبيداي، جۇگەرى سياقتى استىق ءوندىرىس قۋاتى ۇزدىكسىز جوعارىلادى. ساپا نەگىزى ونان ارى بەكەمدەلدى.
سونىمەن بىرگە، شينجياڭ جوعارى ولشەمدى استىق قامباسى قۇرىلىسى جانە جاڭالاۋ، دارەجەسىن جوعارىلاتۋ قىزمەتىن ۇزدىكسىز ىلگەرىلەتىپ، جاسىل قامبا قۇرىلىسىنا ۇسىنىلىم سەرپىنىن ۇزدىكسىز ارتتىرىپ، جاسىل زاپاس استىق ساقتاۋ نەگىزدىك قابىلەتىن جوعارىلاتتى. جەر - جەر وسى زامانعى قامبادا ساقتاۋدى باسقارۋ تەحنيكاسىن بەلسەنە جالپىلاستىرىپ، قولداندى، قامبادا ساقتاۋ قۇرىلعىلارىنىڭ وسىزاماندانۋ دەڭگەيىن ءونىمدى جوعارىلاتتى. قازىر بۇكىل رايونداعى استىق قامباسىنداعى استىقتىڭ جالپىلىق سارىپ بولۋ مولشەرى ％43. 0كە تومەندەدى، ءار دارەجەلى ۇكىمەتتەردىڭ زاپاس استىعىنىڭ ساقتاۋعا بولاتىن مولشەرى ％100كە جەتتى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
