حوتان − نيە − چەرشەن − چارقىلىق 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى بەكىتىلدى
2023.09.13 14:12 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 9 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، شينجياڭ ەلەكتر تورىنىڭ ”ىشكى جاقتى قامدايتىن جەتى اينالمالى توردىڭ“ ەڭ سوڭعى ءبىر اينالماسى − حوتان − نيە − چەرشەن − چارقىلىق 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى جۋىقتا مەملەكەتتىك ەنەرگيا مەكەمەسىنىڭ تەكسەرىپ بەكىتۋىنەن وتكەن. بۇل شينجياڭ ەلەكتر تورىنىڭ ”ىشكى جاقتى قامدايتىن جەتى اينالمالى تور“ نەگىزگى تور جۇلگەسىنىڭ جاپپاي جەدەل قۇرىلىس جۇرگىزۋ ساتىسىنا وتكەندىگىن كورسەتەدى.
حوتان − نيە − چەرشەن − چارقىلىق 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسى مەملەكەتتىڭ «14 - بەسجىلدىقتاعى» ەلەكتر قۋاتىن دامىتۋ جوباسىنىڭ ءتۇيىندى ينجەنەرياسى، سونداي - اق شينجياڭداعى ”ەڭ ءىرى“ اينالمالى تور ينجەنەرياسى − وڭتۇستىك شينجياڭ تارىم اينالمالى تورىنىڭ ماڭىزدى قۇرامداس بولىگى. ينجەنەرياعا جالپى 5 ميلليارد 100 ميلليون يۋان شاماسىندا قارجى قوسىلىپ، جاڭادان نيە 750 كيلوۆولتتىق كەرنەۋ وزگەرتۋ پۋنكتى جانە چەرشەن 750 كيلوۆولتتىق كەرنەۋ وزگەرتۋ پۋنكتى سىندى ەكى ينجەنەريا جاڭادان سالىنىپ، 750 كيلوۆولتتىق جەلىدەن 900 كيلومەتر سالىنادى.
اۆتونوميالى رايوندىق دامۋ جانە رەفورما كوميتەتى ەلەكتر قۋاتى باسقارماسىنىڭ جاۋاپتىسى لي جۇنيان بىلاي دەپ تانىستىردى: مەملەكەتتىڭ ”3 بازا، ءبىر ارناسىنا“ جانە اۆتونوميالى رايوندىق فوتوۆولت كاسىپ سالاسى باقشاسى قۇرىلىسىنا اناعۇرلىم ويداعىداي قىزمەت وتەۋ، شينجياڭ ەلەكتر قۋاتى ىستەرىنىڭ جوعارى ساپالى دامۋىن ىلگەرىلەتۋ ءۇشىن ”14 - بەسجىلدىقتان“ بەرى اۆتونوميالى رايوندىق دامۋ جانە رەفورما كوميتەتى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىمەن بىرگە جۇيە كوزقاراسىنا جانە نىسانانى باعدار ەتۋگە تاباندى بولىپ، 750 كيلوۆولتتىق نەگىزگى تور جۇلگەسىنىڭ شينجياڭ ەلەكتر تورىنىڭ كۇرە تامىرى جانە جاڭا ەنەرگيا بايلىعىن توراپقا قوسىپ سىرتقا جەتكىزۋدەگى ”نەگىزگى كۇش“ رەتىندەگى ورنىن كوزدەپ، شينجياڭنىڭ ”ىشكى جاقتى قامدايتىن جەتى اينالمالى تورابىنىڭ“ جوعارى ءونىمدى نەگىزگى تور جۇلگەسى قۇرىلىسىن كەمەلدەندىرۋدى جەدەلدەتىپ، جەتكىزۋشى جاقتا ارتۋ بولۋدى، جاڭا ەنەرگيا بايلىعىندا سۇرانىس بولۋدى، نەگىزگى تور جۇلگەسىندە اڭىس بولۋدى كۇش سالا ورىندادى.
”ينجەنەريا سالىنىپ بولعاننان كەيىن وڭتۇستىك شينجياڭداعى ءارقايسى فوتوۆولت كاسىپ سالاسى باقشاسى سياقتى جاڭا ەنەرگيا كاسىپ سالاسىنىڭ دامۋىن قامتاماسىز ەتىپ، شينجياڭنىڭ تارىمدى اينالعان ەكونوميكالىق بەلدەۋى، اينىمالى، تۇراقتى توك بويىنشا ەلەكتردى سىرتقا جەتكىزۋ ارناسى قۇرىلىسىنا ماڭىزدى تىرەك ازىرلەيدى“. لي جۇنيان بىلاي دەدى: بۇل نىسان شينجياڭنىڭ ”كومىردى ەلەكترگە وزگەرتۋ“ 2 - مەرزىمدىك سايكەستى ەلەكتر توراپ ينجەنەرياسى رەتىندە، شينجياڭنىڭ ىشىندەگى نەگىزگى جەلى تور جۇلگەسىن ىشكەرىلەي تولىقتاپ، كۇشەيتىپ، حوتان ايماعىنىڭ، بايىنعولين موڭعۇل اۆتونوميالى وبلىسىنىڭ جاڭادان ارتقان كوتەرىمدىلىك ەلەكتر پايدالانۋ سۇرانىسىن ءونىمدى قاناعاتتاندىرادى. اۆتونوميالى رايوندىق دامۋ جانە رەفورما كوميتەتى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ ينجەنەريا قۇرىلىس باستاۋدىڭ الدىنداعى راسمياتتاردى جەدەل ءبىتىرۋىن ىلگەرىلەتىپ، وسى ينجەنەريانىڭ بيىل قۇرىلىسىن باستاپ، ”14 - بەسجىلدىق“ كەزىندە قۇرىلىسىن ءبىتىرىپ، پايدالانۋعا بەرۋگە كۇش سالۋدا.
ۇعىسۋعا قاراعاندا، وسى ينجەنەريا زەرتتەۋ بەكىتۋىنەن وتكەننەن كەيىن مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى جوعارى دەڭگەيدە ىلگەرىلەتىپ، ءار دارەجەلى قىزمەتكەرلەردىڭ ينجەنەريانىڭ تۇتاس بارىسىنداعى قىزمەت ورىستەتۋ كارتاسىن قالىپتاستىرۋىن ءبىر تۇتاس جوسپارلاپ، ايماققا (قالا) قاراستى ەلەكترمەن قامداۋ سەرىكتەستىگىنىڭ، قاتىستى كاسىپتەرگە تىرەك بولاتىن ورىنداردىڭ اۆتونوميالى رايون، ايماق - وبلىس، اۋدان ءۇش دارەجەلى جان - جاقتىلى سايكەسەتىن، ىشكەرىلەي بىرگە قيمىلدايتىن قىزمەت مەحانيزمىن قۇرۋعا ۇيىمداستىرىپ، العاشقى مەرزىمدەگى قىزمەتتەردى ىلگەرىلەتۋ ماسەلەسىن دەر كەزىندە سايكەستىرىپ شەشىپ، ينجەنەريانىڭ دەر كەزىندە جۇمىس باستاۋىنا شىنايى كەپىلدىك ەتكەن.
قازىر شينجياڭ ەلەكتر تورى ”ىشكى جاقتى قامدايتىن ءتورت اينالمالى توراپ، سىرتقا جەتكىزەتىن ءتورت ارنا“ نەگىزگى تور جۇلگەسى جۇيەسىن قالىپتاستىرىپ بولدى. جوباعا ساي «14 - بەسجىلدىقتىڭ» سوڭىندا ”ىشكى جاقتى قامدايتىن جەتى اينالمالى توراپ، سىرتقا جەتكىزەتىن التى ارنا“ نەگىزگى تور جۇلگەسى جۇيەسىن قالىپتاستىرىپ، شينجياڭنىڭ ەنەرگيا بايلىعى باسىمدىعىن ەكونوميكالىق باسىمدىققا اينالدىرۋعا پارمەندى قوزعاۋشى قۋات ازىرلەيدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
