الدىڭعى 8 ايدا شينجياڭ 182 ميلليون ادام (رەت) ساياحاتشى قابىلدادى
سايكەس مەزگىلدەگىدەن ％42. 52 ارتتى
2023.09.13 14:13 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ياۋ گاڭ 9 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، بيىل الدىڭعى 8 ايدا بۇكىل شينجياڭ 182 ميلليون ادام (رەت) ساياحاتشى قابىلداپ، سايكەس مەزگىلدەگىدەن ％42. 52 ارتقان؛ ساياحات كىرىسى 189 ميلليارد 688 ميلليون يۋانعا جەتىپ، سايكەس مەزگىلدەگىدەن ％42. 111 ارتقان.
بيىل جىل باسىنان بەرى شينجياڭنىڭ جەر - جەرى ساياحات ونىمدەرىمەن قامداۋدى ۇزدىكسىز تولىقتىرىپ، قىرۋار ساياحاتشى باۋرادى، ”شينجياڭ جاقسى جەر“ ساياحات ماركاسى بارعان سايىن ايشىقتالا ءتۇستى.
بيىلعى قار - مۇز ماۋسىمىندا شينجياڭنىڭ S دارەجەلى قار شاڭعى الاڭدارى جيىنى 2 ميلليون 72 مىڭ 600 ادام (رەت) ساياحاتشى قابىلداپ، ساياحات كىرىسى 229 ميلليون يۋان بولدى. جەر - جەر قار - مۇز بايلىعىن ىشكەرىلەي اشىپ، قار - مۇز كاسىپ سالاسىن تەرەڭ يگەرىپ، ۇلتتىق سالت - سانانى، مەرەكەلىك قيمىلداردى، دەنە تاربيە جارىستارىن قىس ماۋسىمىنداعى ساياحاتپەن توعىستىرىپ، قار - مۇز ساياحاتىنا جاڭاشا ومىرشەڭدىك كۇش ۇستەدى.
وزىندىك ەرەكشەلىككە جانە مادەنيەت مانەرىنە باي اۋىل - قىستاق سەيىل - سەرۋەن ساياحات ونىمدەرىن ۇزدىكسىز قالىپتاستىرىپ، ساياحاتتىڭ اۋىل - قىستاقتى گۇلدەندىرۋدەگى رولى كۇن سايىن كورنەكتىلەندى. جەر - جەر ساياحات كورىنىس جولى مەن كورىنىس ءوڭىرىنىڭ ماڭىندا اۋىل - قىستاق ساياحاتىنداعى ءتۇيىندى قىستاقتاردى بەلسەنە قۇرىپ، اۋىل - قىستاق ساياحات كاسىپ سالاسى بەلدەۋىن قالىپتاستىرىپ، ”سۋرەتشىلەر قىستاعى“، ”جازۋشىلار قىستاعى“ سياقتى ايقىن ەرەكشەلىككە يە ءبىر توپ ساياحات قىستاعىن قۇردى. قورعاس اۋدانى جۇپار ءشوپ بازاسىنا سۇيەنىپ، موڭعۇلكۇرە اۋدانى ميلليون مۋلىق قىشى گۇلى تەڭىزىنە سۇيەنىپ، اراسان اۋدانى حوش ءيىستى پەريللا سياقتىلارعا سۇيەنىپ، اۋىل - قىستاق ساياحاتىنىڭ جالپىلىق تۇلعاسىن سومداپ، اۋىل - قىستاق ساياحاتىنىڭ دامۋىن ىلگەرىلەتتى. مادەنيەت جانە ساياحات مينيسترلىگى العا قويعان 2023 - جىلعى 2 - كەزەكتى ”اۋىل - قىستاقتىڭ ءتورت مەزگىلدەگى تاماشا كورىنىس“ اتىنداعى 143 تارماق مەملەكەت بويىنشا اۋىل - قىستاق ساياحاتىنىڭ سارا جەلىسى ىشىندە شينجياڭنىڭ ”قۇمىل قاۋىنى اۋىلىنداعى بال شىرىن ساياحات“ سياقتى 8 جەلى تاڭدالدى.
مادەنيەت - ساياحاتتىڭ ىشكەرىلەي توعىسۋىنان جاڭا بەينە جارىققا شىقتى. 6 - كەزەكتى جۇڭگو شينجياڭ حالىقارالىق ۇلتتار ءبي فەستيۆالى 100 مىڭعا جۋىق ادامدى (رەت) تەاترحاناعا كىرۋگە باۋرادى؛ تۇڭعىش كەزەكتى شينجياڭ مادەنيەت - كوركەمونەر فەستيۆالى 100 مىڭعا جۋىق ادامدى (رەت) تەاترحاناعا، اسەمونەر سارايىنا كىرۋگە باۋرادى؛ اقسۋدا وتكىزىلگەن 2023 - جىل ”شينجياڭ جاقسى جەر“ اتىنداعى شينجياڭعا باعىتتامالى كومەكتەسكەن 19 ولكە، قالانىڭ بەيزاتتىق مادەنيەت مۇرالارى كورمەسى جيىنى 200 مىڭ ادامنان (رەت) استام كورمە تاماشالاۋشىلاردى قابىلدادى؛ ءۇرىمجى، تارباعاتاي سياقتى جەرلەر ىركەس - تىركەس كولەمدى دالالىق مۋزيكا فەستيۆالىن وتكىزدى، ءار كەزەكتە ادامدار ءيىن تىرەستى. بيىل جىل باسىنان بەرى جەر - جەر 100 مايداننان استام ادەبيەت - كوركەمونەر كونسەرتىن وتكىزىپ، شينجياڭنىڭ مادەنيەت پەن ساياحاتىنىڭ قوس باعىتتا العا ۇمتىلعان دۋماندى كورىنىسىن جاندى ايگىلەدى.
بيىل جازعى دەمالىس كەزىندە شينجياڭداعى نەگىزگى كورىنىس وڭىرلەرىندە قۋانىشتى حابارلار تولاسسىز تارالدى. قاناس كورىنىس ءوڭىرى 2019 - جىلمەن سالىستىرعاندا 3 ميلليون ادام (رەت) ساياحاتشى قابىلداۋ نىساناسىن 90 كۇن بۇرىن جۇزەگە اسىردى؛ 8 - ايدىڭ 27 - كۇنى ساعات 18گە دەيىن نارات كورىنىس رايونى بيىل 2 ميلليون 10 مىڭ ادام (رەت) ساياحاتشى قابىلداپ، جاڭا رەكورد جاراتتى؛ قاتىناس ساقشى تاراۋلارىنىڭ ساناعىنا قاراعاندا، 8 - ايدا مايتاۋ - كۇشار تاس جولىنا ءبىر كۇندە 54 مىڭ رەتتەن استام اۆتوكولىك كىرىپ - شىعىپ، جوعارى دەڭگەيدى ۇزدىكسىز ساقتاعان.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
