كورىكتى شينجياڭدى اناعۇرلىم ويداعىداي قۇرۋعا پارمەندى ۇيىمدىق كەپىلدىك ازىرلەدى
− شينجياڭنىڭ ۇيىمداستىرۋ قىزمەتىنە شولۋ
انار بۇلت \ شينجياڭ گازەتىنىڭ ءتىلشىسى جاڭ يانفاڭ، ەرىكتى ءتىلشى شين زۋشۋان
2023.09.13 14:15 كەلۋ قاينارى : شينجياڭ گازەتى
شينجياڭ قىزمەتىن ويداعىداي ىستەۋدىڭ تەتىگى پارتيادا. پارتيانىڭ كۇش - قۋاتى ۇيىمنان كەلەدى.
پارتيا 18 - قۇرىلتايىنان بەرى تۇتاس رايوننىڭ ۇيىمداستىرۋ جۇيەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي دايەكتىلەندىرىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 10 - كەزەكتى پارتكومنىڭ ءۇشىنشى، بەسىنشى، التىنشى، جەتىنشى، سەگىزىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيا قۇرىلىسىنىڭ باس تالابىن، جاڭا داۋىردەگى پارتيانىڭ ۇيىمدىق لۋشيانىن ىشكەرىلەي تياناقتاندىرۋدى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋمەن ساباقتاستىرىپ، قايراتتانا العا ىلگەرىلەپ، شىنايى يگەرىپ، تىڭعىلىقتى ىستەپ، نازاريامەن قارۋلانۋ، جارامدىلارىن تاڭداپ، قابىلەتتىلەرىن تاعايىنداۋ، نەگىزدى كۇشەيتىپ، ارقاۋدى بەكەمدەۋ، دارىندىلاردى تاربيەلەۋ، دارىندىلاردى توپتاۋ سياقتى ءتۇرلى قىزمەتتەردە جاڭا ىلگەرىلەۋشىلىككە، جاڭا ونىمدىلىككە قول جەتكىزىپ، جاڭا داۋىردەگى شينجياڭنىڭ ۇيىمداستىرۋ قىزمەتىنىڭ جوعارى ساپالى دامۋىن ۇزدىكسىز ىلگەرىلەتتى.
زەيىن - زەردەنى ۇيىستىرىپ، رۋحتى سومداپ، پارتياعا شارتسىز ادال بولۋ يدەيالىق نەگىزىن بەكەمدەدى
بيىل ”1 - شىلدە“ قارساڭىندا، تۇتاس رايونداعى ءار دارەجەلى پارتيا ۇيىمدارى ”پارتيا تۋى تيانشاندى نۇرلاندىردى“ نەگىزگى تاقىرىپتىق پارتيا كۇنى قيمىلىن ىركەس - تىركەس ورىستەتىپ، پارتيا مۇشەلەرى مەن كادرلاردى باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن مۇقيات ۇيرەنۋگە ۇيىمداستىرىپ، پارتيانىڭ شۇعىلالى بارىسىنا قايىرىلا قاراپ، پارتياعا كىرۋ سەرتىن قايتا پىسىقتاپ، كوپشىلىكتى رۋحاني قان تامىردى ۇزبەي جالعاستىرىپ، پارتيانىڭ جاسامپاز نازارياسىنان اقىل - پاراسات، كۇش - قۋات قابىلداپ، شارتسىز ادالدىقتى، مۇلدەم كىرشىكسىزدىكتى، شارتسىز سەنىمدىلىكتى باستان - اياق ورىنداۋعا شابىتتاندىردى.
نازاريا اۋەلگى ماقساتتى نارلەندىرىپ، يدەيا بورىشقا جەتەكشىلىك ەتتى. نازاريا ۇيرەنۋ وزەكتى گرۋپپاسى ۇيرەنۋىن ورىستەتتى، ارناۋلى تاقىرىپتىق باۋلۋ جۇرگىزدى، ارناۋلى تاقىرىپتىق پارتيا ساباعىن سويلەدى... تۇتاس رايونداعى ءار دارەجەلى پارتيا ۇيىمدارى جانە پارتيا مۇشەلەرى مەن كادرلار شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە بۇلجىماي تاباندى بولىپ، پارتيانىڭ ساياسي قۇرىلىسىن كۇشەيتۋدى كورنەكتىلەندىرىپ، ءار دارەجەلى پارتيا ۇيىمدارىنىڭ جانە قالىڭ پارتيا مۇشەلەرى مەن كادرلاردىڭ ”ەكىنى تۇراقتاندىرۋدى“ باتىل قولداۋ، ”ەكىنى قورعاۋدى“ باتىل ورىنداۋ ساياسي سانالىلىعىن، يدەيالىق سانالىلىعىن، ارەكەت سانالىلىعىن كۇشەيتتى.
”يدەيانى ۇيرەنۋدى“ پارتيالى كادرلار مەن مەملەكەت قىزمەتكەرلەرىن باۋلۋدىڭ وزەكتى مازمۇنى ەتۋگە، جاڭا داۋىردەگى پارتيانىڭ شينجياڭدى باسقارۋ جالپى جوباسىن ۇيرەنۋدى، دايەكتىلەندىرۋدى ماڭىزدى مازمۇن ەتۋگە تاباندى بولىپ، پارتيا مۇشەلەرى مەن كادرلاردى بۇلجىماس تاباندىلىقپەن اۋەلگى نۇسقانى وقۋعا، ءتۇپ ءماتىندى ۇيرەنۋگە، قاعيدانى تۇسىنۋگە ۇيىمداستىردى. پارتيا 18 - قۇرىلتايىنىڭ، 19 - قۇرىلتايىنىڭ، 20 - قۇرىلتايىنىڭ رۋحى بويىنشا توپتىق كەزەكپەن باۋلۋدى جوعارى ساپالى ورىنداپ، ءار دارەجەلى پارتيا ۇيىمدارىنىڭ ۇيرەنۋدى ۇدايىلاندىرۋ مەحانيزمىن تياناقتاندىرىپ، تۇتاس رايونداعى پارتيا مۇشەلەرى مەن كادرلاردىڭ ۇيرەنۋ ارقىلى رۋحتى سومداۋىن، ۇيرەنۋ ارقىلى پاراساتتى ارتتىرۋىن، ۇيرەنۋ ارقىلى ستيلدى دۇرىستاۋىن، ۇيرەنۋ ارقىلى ىستەۋدى جەبەۋىن ىلگەرىلەتتى.
پارتيانىڭ بۇقارالىق لۋشيان تاربيەسى امالياتتىق قيمىلىنان، ”ۇشتە قاتاڭ، ۇشتە شىنايى بولۋ“ ارناۋلى تاقىرىپتىق تاربيەسىنەن ”ەكىنى ۇيرەنۋ، ءبىر بولۋ“ ۇيرەنۋ تاربيەسىنە، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە، ونان پارتيا تاريحىن ۇيرەنۋ تاربيەسىنە جانە قازىر دابىرالى ورىستەتىلىپ جاتقان شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنە دەيىن، تۇتاس رايونداعى ءار دارەجەلى پارتيا ۇيىمدارى جانە قالىڭ پارتيا مۇشەلەرى مەن كادرلار بۇكىل ىنتا - پەيىلىمەن كىرىسىپ، جاپپاي تەرەڭدەتىلگەن ساياسي تاربيەدەن، يدەيالىق شىڭدالۋدان جانە رۋحاني سىننان سۇرىنبەي ءوتتى.
پارتيانىڭ عىلمي نازارياسىنان زاڭدىلىقتى ءتۇسىنىپ، باعداردى ايقىنداپ، ءادىس ۇيرەنىپ، پاراساتتى ارتتىرىپ، ءار رەتكى پارتيا ىشىندەگى توپتىق تاربيە بارىسىندا پارتيالىلىق سيپاتتى كىرشىكسىزدەندىردى، يدەيانى تازارتتى، تۇتاس رايونداعى قالىڭ پارتيا مۇشەلەرى نانىم نەگىزىن ۇزدىكسىز بەكەمدەپ، رۋحاني كالتسيدى تولىقتاپ، يدەيالىق رولدى مىقتى ۇستاپ، كوممۋنيستەردىڭ ساياسي قاسيەتىن ايگىلەدى.
وزاتتاردى تاڭداپ، كۇشتى ەتىپ قۇرىپ، ماڭىزدى مىندەت ارقالاي الاتىن جوعارى ساپالى كادرلار قوسىنىن سومدادى
ءىستىڭ كوركەيۋى مەن ءساتسىز بولۋى ادام ىستەتۋدە. جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋ جوعارى ساپالى ءار ۇلت كادرلار قوسىنىنان قول ۇزە المايدى.
تۇتاس رايونداعى ءار دارەجەلى ۇيىمداستىرۋ تاراۋلارى كادرلار قوسىنى قۇرىلىسىن باستان - اياق باياندى تىنىشتىققا ساياتىن ەرەكشە ماڭىزدى ورىنعا قويىپ، كادرلاردى پارتيا باسقارۋ پرينسيبىنە تاباندى بولىپ، جاڭا داۋىردەگى جاقسى كادرلار ولشەمى مەن ۇلتتار وڭىرلەرىندەگى كادرلاردىڭ ”ءتورت ەرەكشە“ ولشەمىنە تاباندى بولىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ قاجەتىن تىعىز ارقاۋ ەتە وتىرىپ، ساياسي قۇرىلىستى باسشىلىققا الىپ، ساپانى ءوسىرۋ، جارامدىلاردى تاڭداپ، قابىلەتتىلەردى تاعايىنداۋ، قاتاڭ باقىلاۋ، جاۋاپكەرشىلىك ارقالاۋعا شابىتتاندىرۋ سىندى ءتورت ماڭىزدى مىندەتتى كورنەكتىلەندىرىپ، تۇتاس تىزبەك بويىنشا تاڭداۋ، تاربيەلەۋ، باسقارۋ، ىستەتۋ قىزمەتىن ساپالىلاندىرىپ، ۇلتتى گۇلدەندىرۋ ماڭىزدى مىندەتىن ارقالاي الاتىن جوعارى ساپالى كادرلار قوسىنىن قۇردى.
ساياسي ولشەمدى باستان - اياق ءبىرىنشى ولشەم ەتىپ، ورنىقتىلىقتى قورعاۋ، كەدەيلىكتەن ارىلتۋدان قامال الۋ، ىندەتتەن ساقتانۋ - تىزگىندەۋ، جوعارى ساپالى دامۋدى ىلگەرىلەتۋ سىندى ءبىرىنشى شەپتەردە كادرلاردى تەكسەرۋگە، پارىقتاۋعا تاباندى بولىپ، ساياسي ساپانى تەكسەرۋدى كۇندەلىكتى جاعدايعا توعىستىرۋدى ىلگەرىلەتىپ، ءار دارەجەلى باسشىلىق ۇقىقتى ادال، كىرشىكسىز، جاۋاپكەرشىلىك ارقالايتىن كادرلارعا بەرىپ، باستان - اياق مىقتاپ يگەرۋىنە شىنايى كەپىلدىك ەتتى.
ءىستى بارىنەن جوعارى قويىپ، ءىس ارقىلى ادام تاڭداپ، كادرلاردى دالمە - ءدال، عىلمي تاڭداپ ىستەتتى. نازاردى ءتۇيىندى سالالار مەن شەشۋشى قىزمەت ورىندارىنا شوعىرلاندىرىپ، ساتىلى باۋلۋدى كۇشەيتىپ، تۇتاس رايونداعى ءار دارەجەلى باسشىلىق القاسىنىڭ كەزەك اۋىستىرۋىن ورىندادى؛ جاس كادرلاردى تاڭداۋ، تاربيەلەۋ، باسقارۋ، ىستەتۋدىڭ تۇتاس تىزبەكتىك قىزمەت مەحانيزمىن اقاۋسىزداندىرىپ، كەمەلدەندىرىپ، جاس كادرلاردى ءوڭىر اتتاپ، تاراۋ اتتاپ، كاسىپ اتتاپ اۋىس - كۇيىس جاساپ قىزمەت ىستەۋىن ورىستەتتى؛ از ۇلت كادرلارى قوسىن قۇرىلىسى شاراسىن اقىلداسىپ جاساپ، ساياسيدا ىسىلعان، باتىل جاۋاپكەرشىلىك ارقالايتىن تاڭداۋلى از ۇلت كادرلارىنا تولىق سەنىم ارتتى، ولاردى بەرىك ىنتىماقتاستىردى، باتىلدىقپەن تاڭداپ ءوسىردى، باتىل ىستەتتى...
ۇلى كۇرەس، ايبىندى ءىس جوعارى ساپالى كادرلاردى قاجەت ەتەدى. كادرلاردىڭ ساپاسىن، قابىلەتىن جوعارىلاتۋعا كۇش سالۋعا تاباندى بولىپ، ”ءبىرىنشى باسشىنىڭ ساياسي قابىلەتىن ءوسىرۋ“، ”جاس كادرلارعا مۇرات، سەنىم، باستى ماقسات تاربيەسى“، ”از ۇلت كادرلارىنىڭ ساپاسى مەن قابىلەتىن جوعارىلاتۋ“ سياقتى ارناۋلى تاقىرىپتىق باۋلۋ جوسپارلارىن اتقارىپ، كادرلاردى ورتالىق ورىندار، شينجياڭعا كومەكتەسەتىن ولكە، قالالار سياقتى ورىندارعا مىندەت الىپ شىنىعۋعا تاڭداپ جىبەرىپ، ءار دارەجەلى كادرلاردىڭ كوز اياسىن كەڭەيتۋىن، ۇستانىمىن جاڭالاۋىن، كاسىپتىك قابىلەتىن ءوسىرۋىن ءونىمدى ىلگەرىلەتتى.
قاتاڭ بولۋ نەگىزگى اۋەنىنە تاباندى بولىپ، باسقارۋدى، باقىلاۋدى قاتاڭ كۇشەيتتى. «باسشى كادرلاردىڭ شىعا دا الاتىن، تۇسە دە الاتىن بولۋىن ىلگەرىلەتۋ بەلگىلەمەسىن» قاتاڭ اتقارىپ، قازىرگى مىندەتىن ارقالاۋعا ۇيلەسپەيتىن باسشى كادرلاردى دەر كەزىندە رەتتەپ، ۇقىقتى قاتاڭ باسقارۋدىڭ، ءمانساپتىلاردى قاتاڭ جونگە سالۋدىڭ كۇشتى سيگنالىن تاراتتى. كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىردى. باتىلدىقپەن جاۋاپكەرشىلىك ارقالايتىن، ناتيجەسى كورنەكتى كادرلاردى كۇش سالا ءوسىرىپ، ماڭىزدى قىزمەتكە قويىپ، كادرلاردى جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرۋدىڭ اتقارۋ پىكىرىن، كادرلارعا كوڭىل ءبولۋدىڭ، قامقورلىق جاساۋدىڭ ناقتى شارالارىن جاساپ، تياناقتاندىرىپ، قاتەلىككە كەشىرىممەن قاراۋ، قاتەلىكتى تۇزەتۋ مەحانيزمىن كەمەلدەندىرىپ، دۇرىس باعىتتا ىنتالاندىرۋدى كۇشەيتىپ، قالىڭ كادرلاردىڭ ءىس تىندىرىپ، ناتيجە جاراتۋ ىنتاسىن شىن مانىندە قاۋلاتتى.
نەگىزدى كۇشەيتىپ، ءتۇبىردى بەكەمدەپ، نەگىزگى ساتى پارتيا ۇيىمدارىنىڭ جاپپاي العا باسۋىن، جاپپاي شىڭدالۋىن ىلگەرىلەتتى
ءۇرىمجى قالاسى تيانشان رايونى گۋيۋانشياڭ الەۋمەتتىك اۋماعى كوپ ۇلت شوعىرلى قونىستانعان الەۋمەتتىك اۋماق، ماشاقاتتى قىزمەتتەردى ويداعىداي ىستەۋ ءۇشىن، الەۋمەتتىك اۋماق پارتيا قۇرىلىسىنىڭ جەتەكشىلىك رولىن تولىق ساۋلەلەندىرىپ، پارتيا مۇشەلەرىنە، بۇقاراعا قىزمەت وتەۋ جاڭا ۇلگىسى جونىندە ىزدەنىس جاساپ، حالىق تۇرمىسىن ورنالاستىرۋ، تۇجىرىمداۋ ءماجىلىسىن اشۋ، وتباسىلارىن ارالاپ جاعداي ۇعىسۋ سياقتى تاسىلدەر ارقىلى بۇقارانىڭ الاڭداعان ىستەرىن، مازالاعان ىستەرىن، ۋايىمداعان ىستەرىن ۇعىسىپ، ءبىر - بىرلەپ نىسان تۇرعىزدى. الەۋمەتتىك اۋماقتاعى ءبىر مىڭعا جۋىق ەرىكتىنى 12 قىزمەت وتەۋ اترەتىنە ءبولىپ، ءار ۇلت تۇرعىندارىنا الۋان ءتۇرلى قىزمەت وتەپ، الەۋمەتتىك يگىلىك ىستەرىنە ىنتالى، قيمىلعا قاتىناسقان تۇرعىندارعا ءنومىر جيناقتاپ سيلادى. الەۋمەتتىك اۋماق پارتيا باس ياچەيكاسىنىڭ شۋجيى جاڭ ياۋۋىن بىلاي دەدى: ”قازىر تۇرعىنداردىڭ، ساۋداگەرلەردىڭ الەۋمەتتىك اۋماق قۇرىلىسىنا ات سالىسۋ بەلسەندىلىگى بارعان سايىن جوعارىلادى، الەۋمەتتىك اۋماق پارتيا ۇيىمى ماگنيت سياقتى كوپشىلىكتى ۇيىستىردى“.
نەگىزگى ساتى قۇدىرەتتەنسە، مەملەكەت قۇدىرەتتەنەدى، نەگىزگى ساتى تىنىش بولسا، الەم تىنىش بولادى. پارتيا قىزمەتىنىڭ ەڭ بەرىك كۇش تىرەگى نەگىزگى ساتىدا. بۇكىل رايونداعى ءار دارەجەلى پارتيا ۇيىمدارى نەگىزگى ساتىنى مىقتاپ يگەرۋدىڭ ايقىن بەتالىسىن مىقتاپ ورناتىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋ قىزمەت جۇيەسىن اقىلداسىپ بەلگىلەپ، اقاۋسىزداندىرىپ، نەگىزگى ساتى پارتيا قۇرىلىسىنىڭ ”8 + 1“ قىزمەت جۇيەسىن جۇيەلى ورناتىپ، ۇيىمدىق جۇيەنىڭ، باسقارۋ جۇيەسىنىڭ ءبىر تۇلعالى، بەرىك بولۋىن ىلگەرىلەتىپ، ءداستۇرلى سالالارعا، جاڭادان گۇلدەنگەن سالالارعا بىرگە كۇش سالىپ، پارتيا تۋىن ءاربىر نەگىزگى ساتى شەبىندە اسقاق جەلبىرەتتى.
پارتيا ياچەيكاسىن ولشەمدەندىرۋ، جۇيەلىلەندىرۋ قۇرىلىسىن جاپپاي ىلگەرىلەتتى − ”بەستە جاقسى“ ولشەمدەندىرىلگەن، جۇيەلىلەندىرىلگەن پارتيا ياچەيكاسىن قۇرۋ قىزمەتىن ىشكەرىلەي ورىستەتىپ، 10 سالاعا ءبولىپ، ۇنامدى - ۇنامسىز باعىتتاعى باعالاۋ جۇيەسىن ەگجەي - تەگجەيلىلەندىرىپ، قۇرۋ ناتيجەسىنىڭ جالپىلىق باعالاۋمەن، عىلمي اتاعىن ءوسىرۋ، دارەجەسىن ءوسىرۋ سياقتى 6 جاقپەن ۇشتاسۋىن ىلگەرىلەتىپ، نەگىزگى ساتى پارتيا ۇيىمىنىڭ جاپپاي العا باسۋىن، جاپپاي شىڭدالۋىن جەبەدى.
پارتيا قۇرىلىسىن يگەرىپ، اۋىل - قىستاقتى گۇلدەندىرۋدى جەبەدى − ”بەستى كۇشەيتۋ، بەستى جوعارىلاتۋ“ ۇيىمدىق گۇلدەندىرۋ ارەكەتىن اتقارىپ، اۋىل - قىستاقتىڭ ءبىرىنشى شەبىندەگى قىزمەت كۇشتەرىن بارىنشا مولايتىپ، قىستاق پارتيا ۇيىمىنىڭ باستاماشىلارىن تاڭداۋدى، مىقتىلاردى سەپتەۋدى كورنەكتىلەندىرىپ، جيىنى 600 مىڭنان استام كادر قىستاقتا ۇلاسپالى تۇرۋعا تاڭداپ جىبەرىلىپ، ۇيىمدى كۇشەيتىپ قۇرۋعا، قوسىندى جەتىلدىرۋگە، جۇرت قالاۋىنان شىعۋعا كومەكتەستى؛ قىستاق دارەجەلى كوللەكتيۆ شارۋاشىلىعىندا ”تاقىر قىستاقتىڭ“ جاپپاي اداقتالۋىن ىلگەرىلەتىپ، فينانس، زاڭ، حالىققا قولايلى وكىلەتتى ءبىتىرۋ سياقتى قىزمەت وتەۋلەردى تومەنگە ءتۇسىردى... اۋىل - قىستاق نەگىزگى ساتى پارتيا ۇيىمدارىنىڭ جاسامپازدىق قۋاتى، ۇيىستىرۋ قۋاتى، جاۋىنگەرلىك قۋاتى كورنەكتى كۇشەيدى.
قالانىڭ نەگىزگى ساتى پارتيا قۇرىلىسى جۇيەسىنىڭ يقۋاتى جەدەل اقاۋسىزداندى − اۋىل - قالاشىق (ءمالى) باسقارۋ ءتۇزىلىس رەفورماسىن ۇزدىكسىز تەرەڭدەتىپ، ارىز - شاعىمدى قابىلداپ دەرەۋ ءبىتىرۋدى جاپپاي جولعا قويىپ، بۇقاراعا قىزمەت وتەۋدىڭ ەڭ سوڭعى ءبىر مەترىن ءونىمدى اشتى. الەۋمەتتىك اۋماق پارتيا ۇيىمىنىڭ باسشىلىعىنداعى ”ءتورتتى ءبىر تۇلعالاندىرۋ“ سايكەستى، بىرگە باسقارۋ مەحانيزمىن اقاۋسىزداندىرىپ، بۇقارانىڭ ەسىك الدىنداعى ”انار ءدانى قىزمەت وتەۋ پۋنكتىن“ تۇلعالادى. الەۋمەتتىك اۋماق قىزمەتكەرلەرىنىڭ كاسىپتىك جۇيە قۇرىلىسىن ىلگەرىلەتىپ، الەۋمەتتىك اۋماق قىزمەتكەرلەرىنەن 72 مىڭ ادام (رەت) بىرلەسىپ باۋلىپ، الەۋمەتتىك اۋماق قىزمەتكەرلەرىنىڭ قىزمەت وتەۋ تانىمى مەن قىزمەت قابىلەتىن جاپپاي جوعارىلاتتى. سونىمەن بىرگە، مەملەكەت مەنشىگىندەگى كاسىپورىنداردىڭ، مەكتەپتەردىڭ، ەكى جاڭا ۇيىمنىڭ پارتيا قۇرىلىسى قىزمەتى دە تىڭ ورەگە كوتەرىلىپ، نەگىزگى ساتىنى باسقارۋدىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتتى.
ءبىر پارتيا مۇشەسى − ءبىر تۋ، ءبىر ياچەيكا − ءبىر قامال. ”ءۇشتى ۇيرەنۋ، ءۇشتى ايگىلەۋ، ۇشتە باسەكەلەسۋ“ اۆانگارد بولۋعا تالپىنۋ ارەكەتى بۇكىل رايوندا ورىستەتىلىپ، ىسىلعان پارتيا مۇشەلەرى قوسىنىن سومدادى. ىندەتتەن ساقتانۋ - تىزگىندەۋ ۇلكەن شايقاسى، ۇلكەن سىناعى الدىندا، بۇكىل رايونداعى نەگىزگى ساتى پارتيا ۇيىمدارى مەن قالىڭ پارتيا مۇشەلەرى، كادرلار باتىلدىقپەن جاۋاپكەرشىلىك ارقالاپ، اتويلاپ الدا ءجۇرىپ، جاۋىنگەر قورعاندىق جانە اۆانگارد ۇلگىلىك رولى تولىق ايگىلەندى.
دارىندىلاردى باۋراپ، اقىل - پاراساتتى شوعىرلاندىرىپ، جاڭا داۋىردەگى دارىندىلار جاعىندا قۋاتتى رايون بولۋ ستراتەگياسىن ىشكەرىلەي اتقاردى
10 ميلليارد يۋاندىق دارىندىلار ءىسىن دامىتۋ قورىن قۇردى، ”5 + 2“ ءتۇيىندى دارىندىلار جوسپارىن باستاپ اتقاردى، دارىندىلاردى باعالاۋ تۇزىمىنە رەفورما جاسادى... اۆتونوميالى رايون دارىندى جاعىندا قۋاتتى رايون بولۋ ستراتەگياسىن ىشكەرىلەي اتقارىپ، دارىندىلار جونىندە ءبىر قىدىرۋ ماڭىزدى ساياسات قولدانىپ، شينجياڭنىڭ دارىندىلاردى ەرەكشە قادىرلەۋدەگى، الەمدەگى دارىندىلاردى كەڭنەن توپتاۋداعى ادالدىعى مەن بەكىمىن ايگىلەدى.
ناتيجە دارىندىلار ارقىلى جاراتىلادى، كاسىپ ءورىسى دارىندىلارمەن كەڭەيەدى. بۇكىل رايونىمىزداعى ءار دارەجەلى پارتيا ۇيىمدارى باس شۋجي شي جينپيڭنىڭ جاڭا داۋىردەگى دارىندىلار قىزمەتىن ويداعىداي ىستەۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، دارىندىلار قىزمەتىن بۇرىن بولىپ كورمەگەن ستراتەگيالىق دەڭگەيگە كوتەرىپ، دارىندىلار جاعىنداعى قۋاتتى رايون ستراتەگياسىن ىشكەرىلەي اتقارىپ، ءتۇيىندى دارىندىلار جوسپارىن جاپپاي ىلگەرىلەتىپ، ءار سالاداعى دارىندىلار قوسىنى قۇرىلىسىن كۇشەيتىپ، شينجياڭنىڭ دارىندىلار قىزمەتىندە جۇيەلىك، تەرەڭ قاتپارلى وزگەرىستەرگە قول جەتكىزۋىن ىلگەرىلەتىپ، دارىندىلاردىڭ جوعارى ساپالى دامۋعا جەتەكشىلىك ەتەتىن جاڭا قوزعاۋشى قۋاتىن، جاڭا باسىمدىعىن سومدادى −
قىزمەت ارناسىن ساپالىلاندىرىپ، ءار دارەجەلى پارتيا ۇيىمدارىنىڭ ”ءبىرىنشى باسشى ءبىرىنشى بايلىق قاينارىن يگەرۋ“ قىزمەت ارناسىن ىلگەرىلەتتى.
دارىندىلاردى جەتىلدىرۋ، دارىندىلاردى شوعىرلاندىرۋ ونىمدىلىگىن كۇشەيتىپ، مەملەكەت دارەجەلى جاڭالىق اشۋ تۇعىرىن كۇش سالا تۇلعالاپ، ستراتەگيالىق عالىمداردى ەنگىزىپ، جەتىلدىرىپ، ”قوس بىرەگەي“ جوعارى مەكتەپ جانە ءپان قۇرىپ، شەتەلدەن جوعارى ورەدەگى دارىندىلاردى ەنگىزدى. ”5 + 2“ ءتۇيىندى دارىندىلار جوسپارى نىسان جۇيەسىن ورناتىپ، ”تيانشان دارىندىلارى“ باۋلۋ جوسپارىن جانە ”بوعدا دارىندىلارى“ ەنگىزۋ جوسپارىن اتقارىپ، جوعارى دەڭگەيلى جانە شۇعىل تاپشى دارىندىلاردى ەنگىزىپ، كۇش سالا جەتىلدىرىپ، عىلىم - تەحنيكادا جاڭالىق اشۋعا، كاسىپ سالاسىنىڭ دارەجەسىن وسىرۋگە جانە جەتىستىكتەردى كادەگە جاراتۋعا جەتەكشىلىك ەتتى؛ كاسىپ سالاسىندا جاڭالىق اشۋ ۇجىمىنا قولداۋ كورسەتۋ جوسپارى، عىلمي زەرتتەۋ، جاڭالىق اشۋ تۇعىرى دارىندىلار ۇجىمىنا قولداۋ كورسەتۋ جوسپارى، قابىلەتتىلەر باستاماشى بولىپ دارىندىلاردى قابىلداپ، اقىل - پاراسات ەنگىزۋ جوسپارى، ءتۇيىندى باقشا رايونىنا دارىندى ەنگىزۋ، دارىندى تاربيەلەۋ جوسپارى، شينجياڭعا اقىل - پاراسات جونىنەن كومەكتەسۋ، دارىندىلاردا جاڭالىق اشۋ، كەڭەيتۋ جوسپارى سىندى 5 ارناۋلى جوسپاردى اتقارىپ، كاسىپ سالاسىنىڭ جوعارى ساپالى دامۋ قاجەتىنە قىزمەت وتەپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ تەرەڭدەي توعىسۋىن ىلگەرىلەتىپ، قازىر بار بولعان دارىندىلاردى تامىر تارتىپ، ۇلەس قوسۋعا ءونىمدى شابىتتاندىرىپ، ۇزدىك دارىندىلاردى شينجياڭعا كەلىپ شارۋاشىلىق قۇرۋعا باۋرادى.
ءتۇزىلىس - مەحانيزم رەفورماسىن جاپپاي تەرەڭدەتتى. قۇرىلىم قۇرۋ، شتات ىستەتۋ سىندى جاقتارىندا 27 ءتۇرلى ۇقىق بەرىلگەن تىزىمدىكتى جاسادى؛ ۇقساماعان كاسىپ سالالارىنداعى دارىندىلاردى تۇرگە ءبولىپ باعالادى؛ جوعارى مەكتەپ، عىلمي زەرتتەۋ ورىندارىنىڭ ەڭبەكاقى ءتۇزىمى رەفورماسى سىناق ءتۇيىنىن ورىستەتىپ، عىلمي زەرتتەۋ قىزمەتكەرلەرىنىڭ ءبىلىم قۇنى ارقىلى جاسقانباي مول قارىمجىعا يە بولۋىن كوپ نەگىزدە شابىتتاندىردى... 4 جاقتان 31 ءتۇر بويىنشا دارىندىلار رەفورماسى ساياساتىن تەرەڭ ىلگەرىلەتىپ، شينجياڭنىڭ ايقىن پارىقتاۋ قابىلەتى مەن باسەكەلىك قۋاتىنا يە دارىندىلار ءتۇزىمى ابزالدىلىعىن جەدەل قالىپتاستىردى.
اسقاق اۋەن شەكارانى الۋەتتەندىردى. پارتيا 18 - قۇرىلتايىنان بەرى شينجياڭعا كومەكتەسكەن قىرۋار ۇزدىك دارىندىلار شينجياڭعا كەلىپ قىزمەت ىستەپ، كۇش سالا حالىق تۇرمىسى جاعىنان شينجياڭعا كومەكتەسىپ، كاسىپ سالاسى جاعىنان شينجياڭعا كومەكتەسىپ، اقىل - پاراسات جاعىنان شينجياڭعا كومەكتەسىپ، جۇمىستاندىرۋ جاعىنان شينجياڭعا كومەكتەسىپ، شينجياڭدى مادەنيەتپەن نارلەندىرىپ، شنيجياڭداعى ءار ۇلت حالقىمەن ءبىر نيەتتە بولا وتىرىپ، كورىكتى شينجياڭنىڭ جاڭا كارتيناسىن جىگەرلەنە سالدى.
تەمىر سوعۋ ءۇشىن قۇرىشتاي بەرىك بولۋ كەرەك. بۇكىل رايونداعى ۇيىمداستىرۋ جۇيەلەرى نەگىزگى جاي - جاپسارىن انىق ءبىلۋ، نەگىزگى ساياساتتى يگەرۋ، نەگىزگى قاعيدانى يگەرۋ سىندى ”ءۇش نەگىزگى“ قىزمەت ءادىسىن جولعا قويىپ، ءبىرىنشى شەپتە قىزمەتتى جوسپارلاۋعا، ءبىرىنشى شەپتە ماسەلەنى مۇقيات قاداعالاۋعا، ءبىرىنشى شەپتە تياناقتاندىرۋدى ىلگەرىلەتۋگە تاباندى بولىپ، ساياسيدى دارىپتەيتىن، ادىلدىككە ءمان بەرەتىن، كاسىپكە جەتىك، ستيلى جاقسى ۇلگىلى تاراۋدى كۇش سالا تۇلعالادى.
مىندەت اۋىر، جول الىس بولسا اتىڭا قامشى باس، داۋىل تۇرماسا، تولقىن تۋلاماسا، جەلكەنىڭدى جاي. جاڭا باستاما، جاڭا جورىقتا بۇكىل رايونداعى ۇيىمداستىرۋ جۇيەلەرى ماڭىزدى تاپسىرمانى ەستە بەرىك ساقتاپ، العىس ايتا ەكپىندەي ىلگەرىلەپ، باس شۋجي شي جينپيڭ نۇسقاعان دۇرىس بەتالىستى بويلاپ، اۆتونوميالى رايوندىق پارتكومنىڭ پارمەندى باسشىلىعىندا، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا پارمەندى ۇيىمدىق كەپىلدىك ازىرلەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
