ەركىن تۇنياز جۇڭگو شينجياڭىنىڭ دوستىق سەلبەستىك، اۋىس - كۇيىس ۇيىرمەسىن باستاپ ۆەنگريادا ساپاردا بولدى
2023.09.12 15:28 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لي ياڭ 9 - ايدىڭ 10 - كۇنى ۇرىمجىدەن حابارلايدى. 9 - ايدىڭ 4 - كۇنىنەن 6 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز جۇڭگو شينجياڭىنىڭ دوستىق سەلبەستىك، اۋىس - كۇيىس ۇيىرمەسىن باستاپ ۆەنگريادا ساپاردا بولدى.
ۆەنگرياداعى كەزىندە اۋىس - كۇيىس ۇيىرمەسىندەگىلەر ۆەنگريا پارلامەنتىنىڭ ورىنباسار پارلامەنت باستىعى ليزاك ساندور جانە ونىڭ حانىمى، بيلىك باسىنداعى پارتيا جاس دەموكراتيزمشىلدەر وداعى پارتيا توبىنىڭ ورىنباسار ءتوراعاسى دۋناي مونيكا، ەكونوميكالىق دامۋ ىستەرى مينيسترلىگىنىڭ مينيسترى ناجي مارتون، سىرتقى ىستەر جانە سىرتقا قاراتىلعان ەكونوميكا مينيسترلىگىنىڭ ورىنباسار مينيسترى، قوسىمشا پارلامەنت ىستەرى بويىنشا مەملەكەتتىك ىستەر حاتشىسى ماجيار لەۆەنتى، حاۋىپسىزدىك ساياساتى جانە ەنەرگيا حاۋىپسىزدىگى ىستەرى بويىنشا مەملەكەتتىك ىستەر حاتشىسى ستالوي اندراش قاتارلى جوعارى دارەجەلى مانساپتىلارمەن، سونداي - اق پەس وبلىسىنىڭ باستىعى زابو يستۋان، سزابورچي − سزاتمار − بەرەگ وبلسىنىڭ باستىعى سەستاك وسكار قاتارلى جەرگىلىكتى ورىننىڭ نەگىزگى جاۋاپتىلارىمەن كەزدەستى.
ساپار كەزىندە ەركىن تۇنياز ءتوراعا شي جينپيڭ كەسكىندەگەن جۇڭگو ۇلگىسىندەگى وسىزامانداندىرۋ ارقىلى سوتسياليستىك وسىزاماندانعان قۇدىرەتتى مەملەكەت قۇرىلىسىن جاپپاي ىلگەرىلەتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ۇلى جوباسىن، شينجياڭنىڭ ”ءبىر بەلدەۋ، ءبىر جول“ وزەكتى رايونى رەتىندە، وسىزامانداندىرۋ قۇرىلىسىندا مەملەكەتتىڭ ستراتەگيالىق كەلەلى جاعدايىن تياناق ەتىپ قول جەتكىزگەن ەكونوميكالىق، قوعامدىق دامۋ تابىستارىن تانىستىردى. شينجياڭنىڭ ۇلتتار ىنتىماعىن قورعاۋ، ءدىن جاراسىمدىلىعى، كەدەيلىكتەن ارىلتۋدان قامال الۋ، حالىق تۇرمىسىن جاقسارتۋ، كاسىپ سالاسىن دامىتۋ، جۇمىستاندىرۋدى جەبەۋ سياقتى جاعدايلارىن ەگجەي - تەگجەيلى تانىستىرىپ، شينجياڭ حيكاياسىن باياندادى، شينجياڭ وبرازىن ايگىلەدى. ەركىن تۇنياز مىنالاردى ءبىلدىردى: ورتالىق ۇكىمەت، اسىرەسە، ءتوراعا شي جينپيڭ شينجياڭ قىزمەتىنە وسكەلەڭ كوڭىل ءبولىپ، قامقورلىق جاساپ، شينجياڭعا ىلگەرىندى - كەيىندى تالاي رەت ءوزى كەلىپ كوزدەن كەشىرىپ، ماڭىزدى ءسوز سويلەپ، ماڭىزدى ورنالاستىرۋ جاساپ، ءبىزدىڭ كورىكتى شينجياڭ قۇرۋىمىزعا ايقىن العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى. شينجياڭ ايقىن وڭىرلىك ورىن باسىمدىعىنا، بايلىق جانە كاسىپ سالاسى باسىمدىعىنا، تۇعىر باسىمدىعىنا، تاريحي گۋمانيتارلىق باسىمدىققا يە، الداعى جەردە سىرتقا ەسىك اشۋ دەڭگەيىن ونان ارى كەڭەيتىپ، ازيا − ەۆروپا التىن ارناسى مەن جۇڭگونىڭ باتىسقا ەسىك اشۋداعى العى شەبىن كۇش سالا تۇلعالايدى.
ەركىن تۇنياز بىلاي دەپ اتاپ كورسەتتى: بيىل جۇڭگو مەن ۆەنگريانىڭ ديپلوماتيالىق قارىم - قاتىناس ورناتقاندىعىنىڭ 74 جىلدىعى ءارى ءتوراعا شي جينپيڭنىڭ ”ءبىر بەلدەۋ، ءبىر جول“ باستاماسىن العا قويعاندىعىنىڭ 10 جىلدىعى. ءبىز الداعى جەردە ەكى ەل باسشىلارى كەلىسكەن ماڭىزدى ورتاق تانىمداردى مۇقيات تياناقتاندىرىپ، جۇڭگو شينجياڭى مەن ۆەنگريانىڭ جەرگىلىكتى ورىندارى اراسىنداعى قارىم - قاتىناستى كۇشەيتىپ، ”ءبىر بەلدەۋ، ءبىر جولدى“ بىرگە قۇرۋدى وراي ەتىپ، ۆەنگريا جاقپەن ءار سالاداعى ناقتى ىستەر سەلبەستىگىن كەڭەيتىپ، ەكونوميكا - ساۋدا جانە عىلىم - تەحنيكا سەلبەستىگىن اناعۇرلىم تەرەڭدەتىپ، ەنەرگيا سەلبەستىگىن ءۇرتىس كەڭەيتىپ، ۇلاستىرۋدى، تۇتاستىرۋدى ۇزدىكسىز ىلگەرىلەتىپ، اۋىل شارۋاشىلىعى سەلبەستىگىن جوعارىلاتىپ، گۋمانيتارلىق اۋىس - كۇيىس پەن دوس قالا سەلبەستىگىن كۇشەيتىپ، جۇڭگو مەن ۆەنگريانىڭ جان - جاقتى ستراتەگيالىق سەرىكتەستىك قارىم - قاتىناسىن تەرەڭدەتۋگە شينجياڭ ۇلەسىن قوسامىز.
ۆەنگريا جاق مىنالاردى ءبىلدىردى: ۆەنگريا جۇڭگو جاقپەن جان - جاقتى ستراتەگيالىق سەرىكتەستىك قارىم - قاتىناسىنا وسكەلەڭ ءمان بەرەدى، جۇڭگو جاقتىڭ ءارقايسى جىكتەگىلەرىمەن بارىس - كەلىس جاساپ، سەلبەسىپ، ەكى ەل باسشىلارى كەلىسكەن ماڭىزدى ورتاق تانىمداردى بەلسەنە امالياتتا ايگىلەۋدى قالايدى ءارى شينجياڭمەن ناقتى ىستەر سەلبەستىگىن ورىستەتۋ جونىنەن كامىل سەنىمدى، الداعى جەردە عىلىم - تەحنيكادا جاڭالىق اشۋ، كاسىپ سالاسىن دامىتۋ، دارىندىلاردى باۋلۋ سياقتى كوپ سالادا سەلبەستىكتى كۇشەيتەمىز، سونداي - اق 8 - كەزەكتى جۇڭگو − ازيا − ەۆروپا كورمەسىنە قاتىناسۋ جۇمىسىن بەلسەنە ۇيىمداستىرامىز.
ساپار كەزىندە ۋاكىلدەر ۇيىرمەسىندەگىلەر تاعى ۆەنگريا اۋىل شارۋاشىلىعى جانە تىرشىلىك عىلىمى داشۋەسىن، ۆەنگريا جۇڭگو − ەۆروپا ساۋدا - زات اينالىمى باقشاسىن، حۋاۋيدىڭ ۆەنگرياداعى سەرىكتەستىگىن ەكسكۋرسيالادى ءارى قاتىستى جاۋاپتىلارمەن كەزدەستى. ۆەنگريا كاسىپورىنشىلارى جانە قوجايىندار قوعامى، جۇڭگو بانكەسىنىڭ ۆەنگرياداعى بولىمشە بانكەسى سياقتىلاردىڭ قاتىستى جاۋاپتىلارىمەن اڭگىمەلەستى. ۇيىرمە قۇرامىنداعى قاتىستى كاسىپورىن سياقتىلار جۇڭگو − ەۆروپا ساۋدا - زات اينالىمى باقشاسىمەن سەلبەستىك كەلىسىمىنە قول قويدى.
جۇڭگونىڭ ۆەنگريادا تۇراتىن ەلشىلىگىنىڭ ۋاقىتتىق وكىلەتتى جۇمىس ءبىتىرۋشىسى ياڭ چاۋ جانە اۆتونوميالى رايوننىڭ قاتىستى ورىندارىنداعى جاۋاپتىلار، ۇيىرمە قۇرامىنداعى كاسىپورىنداردىڭ ۋاكىلدەرى قاتارلىلار قاتىستى قيمىلعا قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
