ءبىر بەلدەۋ، ءبىر جول، داڭعىل جولدا ساپارلاس بولۋ
قاشقار بايىرعى قالاسىنداعى ”ءۇي توبەسىندەگى وزگەشە ساۋىق كەش“
2023.09.11 16:43 كەلۋ قاينارى : حالىق تورابى
8 - ايدا قاشقاردا ساياحاتشىلاردىڭ اياعى ۇزىلمەدى. ەجەلگى جىبەك جولىنىڭ دۋماندى كۇيى مەن شۇعىلالى تاريحىنا كۋا بولعان وسى ءبىر بايىرعى قالا باتىس ءوڭىردىڭ ەرەكشەلىگىن قازىرگە دەيىن ساقتاپ كەلەدى. حالىق تورابىنىڭ ”ءبىر بەلدەۋ، ءبىر جول، داڭعىل جولدا ساپارلاس بولۋ“ اتتى ءىرى تيپتى شەكارا اتتاعان توعىسپالى مەديالى حابارلاۋ قيمىلىنىڭ تىلشىلەر ۇيىرمەسى قاشقار بايىرعى قالاسىنا كەلىپ، سول جەردەگى مۋزيكا اۋەسكەرلەرىن ”ءۇي توبەسىندەگى وزگەشە ساۋىق كەشتى“ وتكىزۋگە ۇسىنىس ەتتى.
بايىرعى قالاداعى مۋزيكا دۇكەنىنىڭ قوجايىنى مامەتيمين اباباكىر داپ شالىپ، راۋاپ شەرتەتىن 15 جاستاعى ورەن اكسان انيمەن بىرگە «مەن جانە وتانىم»، «گۇل نەگە وسىنداي قىزىل»، «يسپانيا بۇقامەن سايىسۋ مارشى» قاتارلى مۋزيكالاردى ورىندادى. داپ اۋەنى شارىقتاپ، راۋاپ ءۇنى جاندى باۋراپ، تۇنگى اسپاندى شارلادى. وسى ماڭايدان ءوتىپ جاتقان ساياحاتشىلاردىڭ بارلىعى توقتاي قالىپ، مۋزيكا اۋەنىنىڭ قايدان شىعىپ جاتقانىن ىزدەي باستادى.
قاشقاردىڭ ”ءان - كۇي مەكەنى“ دەگەن اتى بار، مىڭ جىلدىڭ الدىندا قاشقاردىڭ ءان - ءبيى ورتا جازىققا تارالعان. سۇي، تاڭ داۋىرىندە، قاشقاردىڭ مۋزيكاسى مەن ءبيى چاڭ - اندا تانىمالى بولعان.
جازبا دەرەكتەرگە قاراعاندا، راۋاپ قاشقاردا پايدا بولعان، شينجياڭ ۇيعۇر اۆتونوميالى رايونىندا كەڭىنەن تارالعان. ول تەك ۇيعۇر ۇلتىنىڭ ۇناتاتىن اسپابى عانا بولماستان، وزبەك جانە تاجىك قاتارلى از ۇلتتاردىڭ دا جاقسى كورەتىن شەرتپەلى مۋزيكا اسپابى.
داپ — ءبىر ءتۇرلى سوقپالى مۋزيكا اسپابى. 1400 جىلدىڭ الدىنداعى وڭتۇستىك، سولتۇستىك پاتشالىقتار تۇسىندا - اق پايدا بولعان، سۇي، تاڭ داۋىرىندە باتىس ءوڭىردىڭ ءان - بيىمەن بىرگە ورتا جازىققا تارالعان. داپ قولمەن سوعۋ ارقىلى ورىندالاتىن، شينجياڭداعى ءار ۇلت حالقى مەرەكەنى، مول ءونىمدى قۇتتىقتاعان كەزدە قولداناتىن مۋزيكا اسپابى. (ماقالاسىن جازعان نۇرعيسا؛ كەسكىندى جاساعاندار: تاڭ سۇڭ، شۇي جىڭ، ءۇمىت قادىر)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
