ءادىليا مينيسترلىگى نەگىزگى تاقىرىپتىق تاربيەنىڭ تەرەڭدەۋىن، ناقتىلانۋىن ىلگەرىلەتتى −
الەۋمەتتىك كۋالاندىرۋدا دالەلدەۋدى ازايتىپ، حالىققا قولايلىلىق جاساۋدى ىلگەرىلەتىپ، بۇقارانىڭ زاڭمەن جونگە سالۋداعى تابىس سەزىمىن كۇشەيتتى (يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ)
«حالىق گازەتىنىڭ» ءتىلشىسى جاڭ سۇڭ
2023.09.05 16:44 كەلۋ قاينارى : حالىق تورابى
شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ىلگەرىلەتۋ ءۇشىن، ءادىليا مينيسترلىگى زاڭمەن جونگە سالۋ حالىق ءۇشىن بولۋ سىندى قىزمەت ىستەۋ باستى ماقساتىن ىشكەرىلەي امالياتتا ايگىلەپ، كوپ ءتۇرلى شارا قولدانىپ، الەۋمەتتىك كۋالاندىرۋدا دالەلدەۋدى ازايتىپ، حالىققا قولايلىلىق جاساۋدى ىلگەرىلەتىپ، قىزمەت ءتارتىبىن مۇمكىندىكتىڭ بارىنشا ىقشامداپ، قاجەتسىز بۋىنداردى ازايتىپ، الەۋمەتتىك كۋالاندىرۋعا قىزمەت وتەۋدىڭ ساپاسىن، ونىمدىلىگىن جانە قوعامنىڭ رازىلىعىن شىنايى جوعارىلاتتى.
نەگىزگى تاقىرىپتىق تاربيە ورىستەتىلگەننەن بەرى ءادىليا مينيسترلىگى باس شۋجي شي جينپيڭنىڭ جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدا، تانىمدى، سەنىمدى، ارەكەتتى بىرلىككە كەلتىرۋدە تاباندى بولىپ، نازاريا ۇيرەنۋدى، تەكسەرۋ - زەرتتەۋدى، دامۋدى ىلگەرىلەتۋدى، قاداعالاۋدى، رەتتەۋ - تۇزەتۋدى ساباقتاستىرىپ، ءبىرقىدىرۋ ناقتى دا پارمەندى شارالار قولدانىپ، قىزمەت ستيلىنە شىنايى بۇرىلىس جاساپ، قىزمەتتى تياناقتاندىرۋدى مىقتاپ يگەردى، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشىپ، حالىق بۇقاراسىنىڭ زاڭمەن جونگە سالۋداعى تابىس سەزىمىن ۇزدىكسىز كۇشەيتتى.
ماسەلەنى نىشان ەتۋدەن جازباي، تەكسەرۋ - زەرتتەۋ جەتىستىكتەرىن ءىس جۇزىندىك ونىمدىلىككە اينالدىردى
ءادىليا مينيسترلىگى باس شۋجي شي جينپيڭنىڭ تەكسەرۋ - زەرتتەۋ جونىندەگى ماڭىزدى پايىمداۋلارى مەن ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، مەملەكەتتى جاپپاي زاڭمەن جونگە سالۋ مەن ءادىليا اكىمشىلىك قىزمەتىندەگى ءتۇيىندى، قيىن ماسەلەلەردى ارقاۋ ەتىپ، تەكسەرۋ - زەرتتەۋدى ىشكەرىلەي ورىستەتىپ، ساپالى تەكسەرۋ - زەرتتەۋ جەتىستىكتەرى ارقىلى زاڭمەن جونگە سالۋ سالاسىنداعى حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن شەشۋدى ىلگەرىلەتتى.
ءىشىنارا الەۋمەتتىك كۋالاندىرۋ ىستەرىن بىتىرۋدە ورىن تەپكەن ”قيىن، كۇردەلى، باياۋ بولۋ“ ماسەلەسىنە قاراتا، ءادىليا مينيسترلىگى بەيجيڭ، تيانجين قاتارلى 10 ولكەنىڭ الەۋمەتتىك كۋالاندىرۋ كاسىبى ماماندارىن شاقىرىپ اڭگىمە وتكىزىپ، الەۋمەتتىك كۋالاندىرۋ ىسپات ماتەريالدارىن تۇرگە ءبولىپ زەرتتەپ، «الەۋمەتتىك كۋالاندىرۋ ىسپات ماتەريالدارى تىزىمدىگىن باسقارۋ قىزمەتىن اناعۇرلىم جاقسى ىستەۋ جونىندەگى جەتەكشى پىكىردى» جاريالاپ، 33 ۇلكەن تۇردەگى 81 ءتۇرلى الەۋمەتتىك كۋالاندىرۋدى سالالاپ ارناعا ءتۇسىردى، 116 شاعىن تۇردەگى قاجەتسىز دالەلدەۋ ماتەريالىن قىسقارتىپ، بۇقارانىڭ دالەلدەۋ اۋىرتپالىعىن جەڭىلدەتتى.
نەگىزگى تاقىرىپتىق تاربيە ورىستەتىلگەننەن بەرى بەيجيڭ، گۋاڭدۇڭ، جىجياڭ، جياڭسۋ الەۋمەتتىك كۋالاندىرۋ كۋالىك ماتەريالىن ازايتۋ جونىندە ناق مايداندا تەكسەرۋ - زەرتتەۋ جۇرگىزدى. ”تەكسەرۋ - زەرتتەۋدى نەگىزگى تاقىرىپتىق تاربيەنىڭ تۇتاس بارىسىمەن ساباقتاستىرىپ، تەكسەرۋ - زەرتتەۋ جەتىستىكتەرىن كادەگە جاراتۋدى، قولدانۋدى كۇشەيتىپ، زەرتتەۋدى، ارەكەتتى بىرلىككە كەلتىرۋدە تاباندى بولىپ، ناقتى بولۋ ارقىلى ماسەلەلەردى شەشىپ، تەكسەرۋ - زەرتتەۋدىڭ سوڭعى جۇمىسىن ناقتى، ەگجەي - تەگجەيلى ىستەۋ كەرەك“. ءادىليا مينيسترلىگىنىڭ قاتىستى جاۋاپتىسى مىنالاردى ءبىلدىردى: تەكسەرۋ - زەرتتەۋ بارىسىندا بايقالعان ماسەلەلەرگە مەڭزەس، ماسەلەنى باعدار ەتۋدەن جازباي، بەلسەندى، ىرىقتى تۇردە ىسكەرلىك كورسەتىپ، رەفورمانى تەرەڭدەتۋ، كاسىپتى كەڭەيتۋ، قوسىندى دامىتۋ، ينفورماتسيالانۋ دەڭگەيىن جوعارىلاتۋ سياقتى جاقتاردا تاعى دا كۇش ۇستەپ، ءتۇرلى ساياسات - شارالاردىڭ تياناقتانىپ، ونىمدىلىك كورسەتۋىن ويداعىداي يگەرەمىز.
زاڭمەن جونگە سالۋدى امالياتتا ايگىلەپ، بۇقارانىڭ مۇڭ - مۇقتاجىن شەشتى
نەگىزگى ماقساتتى امالياتتا ايگىلەپ، حالىققا باقىت جاراتتى، ءادىليا مينيسترلىگى مەن جەر - جەردەگى ءادىليا اكىمشىلىك ورگاندارى زاڭمەن جونگە سالۋ سالاسىنداعى حالىق بۇقاراسىنىڭ شۇعىل، قيىن، الاڭداعان، ءزارۋ ماسەلەلەرىن كۇش سالا شەشىپ، نەگىزگى تاقىرىپتىق تاربيەنىڭ حالىق بۇقاراسىنا اسەر ەتەتىن ءىس جۇزىندىك ونىمدىلىككە قول جەتكىزۋىنە كەپىلدىك ەتتى.
”الىس ارالىقتى بەينە ەكران ارقىلى الەۋمەتتىك كۋالاندىرۋعا مۇمكىندىك تۋىلدى، وتە قولايلى!“ ءۇي ساتىپ العاندا قىزمەت سەبەبىنەن چۇڭچيڭگە قايتۋعا امالسىز قالعان ىسكە قاتىستى ادام شاڭحاي قالاسىنىڭ لياڭجياڭ الەۋمەتتىك كۋالاندىرۋ باسقارماسىنان كومەك سۇراپ، شەتەلمەن الىس ارالىقتى بەينە ەكرانمەن بايلانىس جاساۋ ءتاسىلى ارقىلى الەۋمەتتىك كۋالاندىرۋعا مىندەتتەۋگە بولاتىنىن بايقاپ، وتباسىنداعىلارعا ءۇي ساتىپ الۋدى تاپسىرىپ، قىسىلتاياڭ جاعدايدى شەشتى.
بەيجيڭدە ”كوپ بولعاندا ءبىر رەت بارۋ“ الەۋمەتتىك كۋالاندىرۋ ىستەرى ەڭ العاشقى 52 شاعىن تۇردەن 185 شاعىن تۇرگە كوبەيدى، نيڭشيادا ەڭ العاشقى 70 شاعىن تۇردەن 180 شاعىن تۇرگە كوبەيدى، انحۇي 107 شاعىن تۇردەگى الەۋمەتتىك كۋالاندىرۋ ىستەرىن اداقتاۋ تىزىمدىگىنە ەنگىزدى... حالىق بۇقاراسى اڭىس ەتكەن الەۋمەتتىك كۋالاندىرۋ رەسمياتتارى كۇردەلى بولۋ، بارىپ - كەلۋ رەت سانى كوپ بولۋ جايتىنە قاراتا ءادىليا مينيسترلىگى حالىق تۇرمىسىن قامتاماسىز ەتۋگە جانە جاقسارتۋعا قىزمەت وتەۋ، تيجارات - ساۋدا ورتاسىن ساپالىلاندىرۋ، ءبىلىم مەنشىك ۇقىعىن قورعاۋ سياقتى ءتۇيىندى سالالاردى ارقاۋ ەتىپ، جەر - جەردەگى ءادىليا اكىمشىلىك ورگاندارىنىڭ ”ەڭ كوپ بولعاندا ءبىر رەت بارۋ“ الەۋمەتتىك كۋالاندىرۋ ىستەرى كولەمىن ونان ارى كەڭەيتۋىنە جەتەكشىلىك ەتىپ، زاڭدىق قاتىناسى ايقىن، تالاس - تارتىس جوق الەۋمەتتىك كۋالاندىرۋ ىستەرى جونىندە ءوتىنىش ماتەريالى تولىق، شىنايى بولسا، زاڭدا بەلگىلەنگەن قابىلداۋ شارتىنا ۇيلەسسە، ىسكە قاتىستى ادامنىڭ كوپ بولعاندا ءبىر رەت بارۋىنا مۇمكىندىك جاراتتى.
جەر - جەردىڭ ەڭ جوعارى شەكتەگى باعانى باسقارۋىنا شابىت بەرىپ، جەر - جەردىڭ باعانى تومەندەتۋ، كەشىرىم ەتۋ ساياساتىن تياناقتاندىرۋىنا جەتەكشىلىك ەتىپ، كىرىسى تومەن قاۋىم، مۇگەدەكتەر، شارۋا جۇمىسكەرلەر، قارتتار، جاستار مەن ورەندەر، قيىنشىلىعى بار سالت باس انالار سياقتى ەرەكشە توپتار مەن اسكەريلەردىڭ، اسكەريلەردىڭ وتباسىنداعىلاردىڭ، قوسىننان شەگىنگەن اسكەريلەردىڭ جانە باسقا دا قامقورلىق جاسالاتىن وبيەكتىلەردىڭ الەۋمەتتىك كۋالاندىرۋ قاراجاتىن بەلگىلەمە بويىنشا ازايتتى، كەشىرىم ەتتى... بۇقارا اڭىس ەتكەن ءىشىنارا الەۋمەتتىك كۋالاندىرۋ ىستەرىن ءبىتىرۋ قاراجاتىنىڭ تىم جوعارى بولۋ ماسەلەسىنە باعىتتاي وتىرىپ، ءادىليا مينيسترلىگى الەۋمەتتىك كۋالاندىرۋدىڭ الەۋمەتتىك يگىلىك سيپاتىندا تاباندى بولىپ، الەۋمەتتىك كۋالاندىرۋعا قىزمەت وتەۋ باعاسىن قالىپتاستىرۋ مەحانيزمىن ونان ارى كەمەلدەندىرىپ، حالىق تۇرمىسىنا ساياتىن نەگىزگى الەۋمەتتىك كۋالاندىرۋ قىزمەت وتەۋ نىساندارىنىڭ تىزىمدىگىن ايقىن بەلگىلەپ، ۇكىمەتتىڭ باعا بەلگىلەۋىن نەمەسە جەتەكشى باعا بويىنشا باسقارۋدى اتقارىپ، بۇقارانىڭ كۋالىك ءبىتىرۋ اۋىرتپالىعىنىڭ وزىندىك قۇنىن ءونىمدى تومەندەتتى.
قىزمەت وتەۋ تاسىلىندە جاڭالىق جاراتىپ، الەۋمەتتىك كۋالاندىرۋعا قىزمەت وتەۋ، حالىققا تيىمدىلىك جاساۋ دەڭگەيىن جوعارىلاتتى
ءادىليا مينيسترلىگى مەن جەر - جەردەگى ءادىليا اكىمشىلىك ورگاندارى الەۋمەتتىك كۋالاندىرۋعا قىزمەت وتەۋ تانىمى مەن ۇلگىسىنە بەلسەنە بۇرىلىس جاساپ، قىزمەت وتەۋ تاسىلىندە ۇزدىكسىز جاڭالىق جاراتىپ، حالىق بۇقاراسىنىڭ قولايلىلاندىرىلعان، ارنايىلاندىرىلعان الەۋمەتتىك كۋالاندىرۋعا زاڭدىق قىزمەت وتەۋ قاجەتىن ۇزدىكسىز قاناعاتتاندىردى.
”ينتەرنەت + الەۋمەتتىك كۋالاندىرۋ“ قىزمەت وتەۋىن بەلسەنە ورىستەتىپ، جۇڭگونىڭ الەۋمەتتىك كۋالاندىرۋ جەلىسى تۇعىرىنان پايدالانۋدى ىلگەرىلەتتى؛ ءىشىنارا الەۋمەتتىك كۋالاندىرۋ ىستەرىندە ”ولكە اتتاپ ءبىر تۇتاس ءبىتىردى“ ىلگەرىلەتتى، بيىل جىل باسىنان بەرى بۇكىل ەلدەگى الەۋمەتتىك كۋالاندىرۋ قۇرىلىمدارى ماعلۇمات، عىلمي اتاق، موتورلى كولىك جۇرگىزۋشىلىك كۋالىگى، سالىق تاپسىرۋ جاعدايى سىندى ”ولكە اتتاپ ءبىر تۇتاس ءبىتىرۋ“ الەۋمەتتىك كۋالاندىرۋ ىستەرىنەن 28 مىڭنان استامىن ءبىتىردى؛ 295 الەۋمەتتىك كۋالاندىرۋ قۇرىلىمىن تاڭداپ، شەتەلدە تۇراتىن ەلشىحانا، كونسۋلحانالارمەن بىرلەسىپ شەتەلدەگى الىس ارالىقتى بەينەجازبا الەۋمەتتىك كۋالاندىرۋىن ورىستەتىپ، شەتەلدە قونىستانعان جۇڭگو ازاماتتارىنىڭ الەۋمەتتىك كۋالاندىرۋعا قىزمەت وتەۋ قاجەتىن قاناعاتتاندىردى... ءادىليا مينيسترلىگى قىزمەت وتەۋ بايلىعىن ورنالاستىرۋدى اناعۇرلىم ساپالىلاندىرۋ ارقىلى قولايلى، جوعارى ءونىمدى الەۋمەتتىك كۋالاندىرۋعا قىزمەت وتەۋدىڭ حالىق بۇقاراسىن اناعۇرلىم كوپ، اناعۇرلىم كەڭ كولەمدە يگىلىككە كەنەلتۋىنە مۇمكىندىك جاسادى.
قورا – جاي ساۋداسىندا ”كەپىلدىكتى الا ءجۇرىپ ءۇيدى باسقانىڭ اتىنا اۋدارۋعا“ قىزمەت وتەدى، بيىل جىل باسىنان بەرى شاندۇڭ ولكەسىنىڭ الەۋمەتتىك كۋالاندىرۋ قۇرىلىمى ”كەپىلدىكتى الا ءجۇرىپ ءۇيدى باسقانىڭ اتىنا اۋدارۋعا“ قاتىستى الەۋمەتتىك كۋالاندىرۋ كاسىبىن ءبىتىرىپ، ورتا ەسەپپەن ءاربىر كاسىپ بويىنشا بۇقاراعا 7 جۇمىس كۇنىن ىقشامداپ، 10 مىڭ يۋاننان استام وزىندىك قۇندى ۇنەمدەدى.
شەتەلگە ساياتىن الەۋمەتتىك كۋالاندىرۋ ماتەريالدارى شەتەلدە ءساتتى پايدالانىلدى، بۇل الەۋمەتتىك كۋالاندىرۋ، تانۋ سىندى ەكى بۋىنعا سايادى. جياڭسۋ ”شەتەلگە ساياتىن الەۋمەتتىك كۋالاندىرۋ + كونسۋلدىق كۋالاندىرۋدى“ ءبىر تۇلعالاندىرىپ جۇرگىزۋدى ىسكە قوستى، ءوتىنىش ەتۋشى قاتىستى الەۋمەتتىك كۋالاندىرۋدى بىرلەسىپ جۇرگىزۋ قۇرىلىمىندا شەتەلگە ساياتىن الەۋمەتتىك كۋالاندىرۋدى بىتىرگەندە، كونسۋلدىق كۋالاندىرۋ بويىنشا ۋاكىلەتتى قىزمەت وتەۋدى تەڭ ءوتىنىش ەتىپ، ”ءبىر ورىندا“ ءبىتىرۋدى جۇزەگە اسىردى.
نەگىزگى تاقىرىپتىق تاربيە بارىسىندا جەر - جەردەگى ءادىليا اكىمشىلىك ورگاندارى الەۋمەتتىك كۋالاندىرۋمەن حالىققا قولايلى قىزمەت وتەۋدىڭ ءبىر توپ جاڭا شاراسىن العا قويىپ، قوعامنىڭ جاراسىمدىلىعىن، ورنىقتىلىعىن پارمەندى قورعاپ، ەكونوميكانىڭ اقاۋسىز دامۋىن جەبەپ، ”بۇقارانىڭ ءىسىن“ ىستەۋگە، ”بۇقارانىڭ كوڭىلىنەن شىعۋعا“، ”بۇقارانىڭ قيىنشىلىعىن“ شەشۋگە قۇلشىنىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
