ما شيڭرۇي جاي پارتيا مۇشەسى سالاۋاتىمەن ءوزى تۇرعان پارتيا ياچەيكاسىنىڭ ۇيىمدىق تۇرمىس جيىنىنا قاتىناستى
پارتيانىڭ جاسامپاز نازارياسىمەن تاباندىلىقپەن زەيىن - زەردەنى ۇيىستىرىپ، رۋحتى سومداپ، شينجياڭ قىزمەتى كەلەلى جاعدايىنا قىزمەت وتەۋدە اناعۇرلىم زور ىسكەرلىك كورسەتۋ كەرەك
2023.08.30 16:36 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 28 - كۇنى ۇرىمجىدەن حابارلايدى. نەگىزگى تاقىرىپتىق تاربيە قىزمەتىنىڭ ورنالاستىرۋىنا ساي، اۆتونوميالى رايوندىق پارتكومنىڭ شۋجيى ما شيڭرۇي تاياۋدا جاي پارتيا مۇشەسى سالاۋاتىمەن ءوزى تۇرعان اۆتونوميالى رايوندىق پارتكوم كەڭسەسى جالپىلىق ىستەر 1 - باسقارماسى، حاتشىلار 1 - باسقارماسى پارتيا ياچەيكاسىنىڭ ۇيىمدىق تۇرمىس جيىنىنا قاتىناستى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جۇيەسى مەن وزەكتى ءمانىن ىشكەرىلەي ۇيرەنىپ، ۇعىنىپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ ءتۇسىنىپ، ”ەكىنى قورعاۋدى“ اناعۇرلىم باتىل ورىنداپ، شينجياڭ قىزمەتىنىڭ وزەكتى كەلەلى جاعدايىن ارقاۋ ەتىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، ”ۇشكە قىزمەت وتەۋ“ قىزمەتىن جوعارى ساپامەن ويداعىداي ىستەپ، شىن مانىندە ”پارمەندى قاراۋىل“ جانە ”بەرىك ارتقى شەپ“ بولىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىنە، اۆتونوميالى رايوندىق پارتكومنىڭ قىزمەت ورنالاستىرۋلارىنىڭ تىڭعىلىقتى ىلگەرىلەۋىنە شىنايى كەپىلدىك ەتۋگە پارمەندى قامتاماسىزدىق ازىرلەۋ كەرەك.
جيىندا ءىشىنارا ياچەيكا مۇشەلەرى ءسوز سويلەپ، نەگىزگى تاقىرىپتىق تاربيە ورىستەتۋ توڭىرەگىندە وزدەرىنىڭ نازاريا ۇيرەنۋ، يدەيا قۇرىلىسى، قىزمەتتى ىلگەرىلەتۋ سياقتى جاعدايلارىمەن ۇشتاستىرىپ، ماسەلەلەردى مۇقيات قاداعالاپ، تەكسەرىپ ورتاعا قويىپ، كەلەسى قادامداعى قىزمەت باعىتى مەن تۇزەتۋ شارالارىن ايقىندادى. ما شيڭرۇي ولاردىڭ سوزدەرىن مۇقيات تىڭدادى ءارى كوپشىلىكپەن پىكىر اۋىستىردى، قاتىستى جولداستارعا كادرلاردىڭ اۋىس - كۇيىس، باۋلۋ مەحانيزمىن كەمەلدەندىرىپ، اقاۋسىزداندىرىپ، ولاردىڭ ەسەيۋىنە، دارىندى بولىپ جەتىلۋىنە تۇعىر ورناتىپ، شارت - جاعداي ازىرلەۋدى تاپسىردى، جاس كادرلاردى نەگىزگى ساتى ءبىرىنشى شەبىنە كوبىرەك بارىپ مىندەت الىپ شىنىعىپ، ءار ۇلت بۇقاراسىمەن ەتەنە ارالاسىپ، قىزۋ امالياتقا ارالاسىپ، شينجياڭنىڭ جاعدايىن شىنايى تۇردە ناقتى، ەگجەي - تەگجەيلى ۇعىسىپ، شىنايى قابىلەتتى، شىنايى ونەردى شىن مانىندە شىڭداپ، ناقتى ارەكەتپەن شينجياڭنىڭ رەفورما، دامۋ، ورنىقتىلىق ىستەرىندە ەرلىكپەن الدا جۇرۋگە جىگەرلەندىردى.
ما شيڭرۇي پارتيانىڭ جاسامپاز نازارياسىن ىشكەرىلەي ۇيرەنۋ، تەرەڭ ءتۇسىنۋ، پارتكوم كەڭسەسىنىڭ فۋنكتسيالىق رولىن ويداعىداي ساۋلەلەندىرۋ، كادرلار قوسىنى قۇرىلىسىن كۇشەيتۋ توڭىرەگىندە كوپشىلىكپەن پىكىر اۋىستىردى. ول بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسى − زامانىمىزداعى جۇڭگو ماركسيزمى، 21 - عاسىر ماركسيزمى، ول قۋاتتى اقيقات كۇشى مەن اماليات ۇلى كۇشىنە يە. قازىر تۇتاس رايوندا نەگىزگى تاقىرىپتىق تاربيە تىڭعىلىقتى ىشكەرىلەي ورىستەتىلۋدە، يدەيالىق سانالىلىقتى، ساياسي سانالىلىقتى، ارەكەت سانالىلىعىن ونان ارى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، وسى ماڭىزدى يدەيانىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ءادىستى جاپپاي يگەرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ىشكەرىلەي ءتۇسىنىپ، يگەرىپ، تولىق، دالمە - ءدال، جاپپاي دايەكتىلەندىرىپ، ۇيرەنۋ ونىمدىلىگىن مۇراتتى بەكەمدەۋدەگى، پارتيالىلىقتى شىڭداۋداعى وسكەلەڭ سانالىلىققا جانە قىزمەتتى ويداعىداي ىستەۋدىڭ، دامۋدى ىلگەرىلەتۋدىڭ جاندى امالياتىنا شىن مانىندە اينالدىرىپ، نەگىزگى تاقىرىپتىق تاربيەدە ناقتى ونىمدىلىككە قول جەتكىزۋگە شىنايى كەپىلدىك ەتۋ كەرەك.
ما شيڭرۇي بىلاي دەپ باسا دارىپتەدى: پارتكوم كەڭسەسى اۆتونوميالى رايوندىق پارتكومنىڭ ءتۇيىندى ورگانى رەتىندە، ورنى ماڭىزدى، جاۋاپكەرشىلىگى اۋىر. باس شۋجي شي جينپيڭنىڭ ”بەسكە تاباندى بولۋ“ ماڭىزدى نۇسقاۋىنىڭ رۋحىن ادالدىقپەن امالياتتا ايگىلەپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ زور ءىسىن“ ەستە بەرىك ساقتاپ، جۇيە كوزقاراسىن بەرىك ورناتىپ، ماسەلەنى باعدار ەتۋدى كۇشەيتىپ، تۋراشىلدىقتان اينىماي جاڭالىق اشۋعا تاباندى بولىپ، حالىقشىلدىق ىنتا - ىقىلاستى جەتىلدىرىپ، بارلىق جەردە ۇيرەنۋدە الدا ءجۇرىپ، ۇعىنۋدا الدا ءجۇرىپ، ىستەۋدە الدا ءجۇرىپ، پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىن ىلگەرىلەتۋدە اناعۇرلىم زور جاۋاپكەرشىلىك ارقالاپ، ىسكەرلىك كورسەتۋ كەرەك. ۇيرەنۋ ارقىلى رۋحتى سومداۋدا الدىدا ءجۇرىپ، ونەگە كورسەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋ، كوكەيگە ۇيالاتۋ، كادەگە جاراتۋ قىزمەتىن ويداعىداي ىستەپ، مۇرات - سەنىمدى بەكەمدەپ، پارتيالىلىق جەتىلىمدى شىڭداپ، ”ەكىنى تۇراقتاندىرۋدى“ تاباندىلىقپەن قورعاۋدىڭ، ”ەكىنى قورعاۋدى“ باتىل ورىنداۋدىڭ ناقتى ارەكەتىمەن پارتياعا ادالدىقتى سومداۋ كەرەك. ۇيرەنۋ ارقىلى پاراساتتى ارتتىرۋدا الدا ءجۇرىپ، ونەگە كورسەتىپ، يدەيانى ازات ەتۋگە، داۋىرمەن بىرگە العا ىلگەرىلەۋگە تاباندى بولىپ، ساياسي قابىلەتتى، ويلاۋ قابىلەتىن، امالياتتا ايگىلەۋ قابىلەتىن ۇزدىكسىز جوعارىلاتىپ، قوعام ورنىقتىلىعىن قورعاۋ، جوعارى ساپالى دامۋدى ىلگەرىلەتۋ، حاۋىپ - قاتەردەن ساقتانۋ جانە ونى جويۋ سياقتى ءتۇرلى قابىلەتتى، ونەردى جوعارىلاتۋ كەرەك. ۇيرەنۋ ارقىلى ستيلدى دۇرىستاۋدا الدا ءجۇرىپ، ونەگە كورسەتىپ، ەرەجە - قاعيداعا بويسۇنۋ ستيلىن، شىندىققا جۇگىنىپ، ناقتى ءىس ىستەۋ ستيلىن، قاتاڭ دا ىجداعاتتى بولۋ ستيلىن، قالتقىسىز ءوزىن ارناۋ ستيلىن، كىرشىكسىز پاك بولۋ، ءوزىن ۇستاۋ ستيلىن اسقاقتاتىپ، تەكسەرۋ - زەرتتەۋدى بارىنشا ورىستەتىپ، فورماشىلدىقتان، تورەشىلدىكتەن قاتاڭ ساقتانىپ، تاماشا وبرازدى شىنايى ايگىلەۋ كەرەك. ۇيرەنۋ ارقىلى ىستەۋدى جەبەۋدە الدا ءجۇرىپ، ونەگە كورسەتىپ، باتىلدىقپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، نازاردى باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە شوعىرلاندىرىپ، تياناقتاندىرۋدى مىقتى ۇستاپ، ءىستى باسىنان اياعىنا دەيىن ءساتتى جۇرگىزىپ، تابىستى اياقتاتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە بەلسەندى ۇلەس قوسۋ كەرەك.
ما شيڭرۇي بىلاي دەپ باسا دارىپتەدى: باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيا ياچەيكاسىنىڭ ولشەمدەنۋ، جۇيەلىلەنۋ قۇرىلىسىن شىن مانىندە مىقتى ۇستاپ، پارتيا ۇيىمىنىڭ ساياسي يقۋاتى مەن ۇيىمدىق يقۋاتىن ۇزدىكسىز كۇشەيتىپ، پارتيالى كادرلاردىڭ ۇدايىلانعان ۇيرەنۋ ارقىلى ساپانى جوعارىلاتۋىن جانە ۇنەمىلىك تاربيەنى، باسقارۋدى قاجىماي - تالماي ىلگەرىلەتىپ، ءار ۇلت كادر - دارىندىلارىن ءبىر ولشەم - ۇلگىمەن شەكتەلمەي ويداعىداي ىستەتىپ، جاڭا داۋىردەگى شينجياڭ قىزمەتىنىڭ تالابىنا ۇيلەسەتىن، ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان كادرلار قوسىنىن قۇلشىنا قۇرىپ، جاڭا جورىقتا ەكپىندەي العا ىلگەرىلەۋگە، جاڭا داۋىرگە ەڭبەك سىڭىرۋگە پارمەندى ساياسي قامتاماسىزدىق ازىرلەۋ كەرەك.
قادەن كابەن، دۋ حۇڭيان جيىنعا قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
