جۇڭگو ساقشى جاعى تەلەكوم ارقىلى الدامكوستىك ىستەيتىن قىلمىس كۇماندىلارىنان 5 ادامدى بيرمادان ەلىمىزگە اكەلدى
2023.08.25 16:05 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جاڭ دۇڭچياڭ 8 - ايدىڭ 24 - كۇنى رانگۋننان حابارلايدى. بيرما ساقشى جاعى تەلەكوم ارقىلى الدامكوستىك ىستەيتىن قىلمىس كۇماندىلارىنان تاعى 5 ادامدى 8 - ايدىڭ 24 - كۇنى رانگۋن حالىقارالىق اۋەجايىندا جۇڭگو ساقشى جاعىنىڭ قىزمەت گرۋپپاسىنا وتكىزىپ بەردى، جۇڭگو ساقشى جاعى قىلمىس كۇماندىلارىن ەلگە اكەلدى.
جوعارىدا ايتىلعان 5 قىلمىس كۇماندىسى بيرمانىڭ مياۋۋادي دەگەن جەرىندە دوستاسۋ - ماحابباتتاسۋ دەگەن اتپەن زياندالۋشىلاردى شىرعالاپ، ولاردى جالعان ينتەرنەتتىك قارجىلاندىرۋ تەكشەسىنە تىركەلۋگە جەتەلەگەن، زياندالۋشىلار باستاپقى مەزگىلدە شاعىن سومادا قارجى قوسىپ پايداعا كەنەلگەن سوڭ، ولاردى قوماقتى سومادا قارجى قوسۋعا شىرعالاعان.
بيرما ساقشى جاعى 8 - ايدىڭ 23 - كۇنى رانگۋن حالىقارالىق اۋەجايىندا جۇڭگو ساقشى جاعىنىڭ قىزمەت گرۋپپاسىنا تەلەكوم ارقىلى الدامكوستىك ىستەگەن قىلمىس كۇماندىلارىنان 6 ادامدى توپقا ءبولىپ وتكىزىپ بەرگەن، جۇڭگو ساقشى جاعى ولاردى ەلگە اكەلگەن. قىلمىس كۇماندىلارىنىڭ الدامكوستىك ىستەيتىن ۇجىمى بيرمانىڭ مياۋۋادي دەگەن جەرىندە جوعارى ەڭبەكاقىمەن جۇمىسكەر قابىلداۋدى جەلەۋ ەتىپ، جۇڭگولىق ادامداردى الدامشىلىقپەن باۋراپ، ولاردى ينتەرنەت ارقىلى قارجى قوسۋ سىندى الدامكوستىكپەن شۇعىلدانۋعا ورنالاستىرعان.
جۇڭگو، تايلاند، بيرما، لاوس ءتورت ەل ساقشى جاعى جۋىردا قۇمار ويناۋ، الدامكوستىك ىستەۋ توبىنا ارناۋلى سوققى بەرۋ ارەكەتىن بىرلەسىپ وتكىزگەن بولاتىن، مۇنداعى ماقسات — تەلەكوم مەن ينتەرنەتتەن پايدالانىپ الدامكوستىك ىستەۋ مەن ينتەرنەت ارقىلى قۇمار ويناۋ قىلمىسىنا قاتاڭ سوققى بەرۋ، ادامدى ساتۋ جانە بارىمتالاۋ، قاماپ قويۋ قاتارلى قىلمىستاردىڭ ءجيى تۋىلۋى سىندى جاعدايدى باتىل تۇزەتۋ.
جۇڭگونىڭ بيرمادا تۇراتىن باس ەلشىلىگى بارشا بۇقاراعا مىنانى ەسكەرتەدى: ينتەرنەت ارقىلى دوستاسقاندا اباي بولۋ قاجەت، اتالمىش قارجى قوسۋ ارقىلى جوعارى كىرىسكە يە بولۋ، ۇتىس دەتالى جانە توراپ بەتى قاتارلىلارعا سەنە كەتىپ، الدانىپ قالۋدان اباي بولىڭىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
