”ەرەكشە مىندەتتى پىلدەر اترەتى“ زور ەڭبەك ءسىڭىردى! ازيا ءپىلى مۇرنىمەن 2.8 كيلوگرام كەلەتىن ەسىرتكىنى تاۋىپ شىققان
2023.08.23 15:44 كەلۋ قاينارى : حالىق تورابى
جابايى ازيا ءپىلى ءشوپتىڭ اراسىنا باجايلاپ قاراعان سوڭ، قارا سومكانى مۇرنىمەن ءىلىپ الىپ لاقتىرىپ جىبەرەدى، بەينە: ”ساقشى اعاي، مىنا وراۋلى زاتتى كەلىپ كورىڭىزدەر!“ — دەپ ءتىل قاتىپ جاتقانداي ەكى رەت ”ايعاي“ سالادى. ازيا ءپىلىنىڭ ” نۇسقاۋشىلىق ەتۋىمەن“ حالىق ساقشىلارى سومكانىڭ ىشىنەن 2.8 كيلوگرام اپين ەسكىرتكىسىن بايقايدى.
جۋىردا، يۇننان ولكەسى شيشۋاڭباننا شەكارانى باسقارۋ بولىمشە اترەتى مىڭمان شەكارالىق باسقارماسى بۇقارادان كەلگەن تەلەفوندى قابىلدايدى، تەلەفوندا ايتۋىنشا، جابايى ازيا پىلىنەن 4 ءپىل ولاردىڭ باسقارۋىنداعى اۋماقتاعى قىستاقتىڭ ماڭىندا ءجۇر ەكەن. حالىق ساقشىسى تەلەفوندى قابىلداعان سوڭ، دەرەۋ سول جەرگە بارىپ، ماڭايداعى بۇقارانى دەرەۋ جوتكەيدى. جاعراپيالىق ورتا، قىستاقتىڭ ورنالاسۋى، تاس جولداعى قاتىناس قاتارلى جاعدايلارعا نەگىزدەلە وتىرىپ، ازيا ءپىلى وتەتىن جولدا قاتىناستى باسقارۋ، جولدى قۇرساۋلاۋ، ادامداردى جوتكەۋ شارالارىن اتقارىپ، اۆتوموبيل مەن ادامنىڭ ءپىلدى ۇركىتۋىنەن ساقتانادى.
جابايى ازيا پىلىنەن 4 ءپىل جولدان ءوتىپ بارا جاتقاندا، پىلدەردىڭ بىرەۋى كەنەتتەن توقتاي قالىپ، مۇرنىمەن ءشوپتىڭ اراسىنان الدە نەنى يىسكەلەپ، سوڭىنان ءبىر سومكانى كۇشپەن لاقتىرىپ جىبەرەدى، سونان سوڭ باسىن كوتەرىپ، كوڭىلدەنە ەكى رەت ”ايقايلاپ“، حالىق ساقشىلارىنا يشارات بەرگەندەي بولادى دا قورىق رايونىنا قاراي شەگىنەدى. ءپىل كەتكەن سوڭ، حالىق ساقشىلارى بارىپ سومكانى اشىپ تەكسەرگەندە، سومكاعا ەسىرتكى اپين جاسىرىلعانىن بايقاعان! حالىق ساقشىلارى سول جەردە قارا ءتۇستى تاسپامەن وراعان ءبىر ورام اپيندى انىقتاعان، سالماعى جيىنى 2.8 كيلوگرام شىققان. دەلو قازىر ىشكەرىلەي تەكسەرىلۋدە.
ۇعىسۋعا قاراعاندا، بىلتىر 8 - ايدا، اتالعان بولىمشە اترەت زاڭسىزدىقپەن شەكارادان شىعۋعا ۇرىنعان 5 ادامدى ازيا ءپىلىنىڭ ”جول باستاۋىنىڭ“ ارقاسىندا قولعا تۇسىرگەن. ”ەرەكشە مىندەتتى پىلدەر اترەتى“ جارايدى! (باس ستانسيا ءتىلشىسى لي چاڭميڭ فوتوسى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
