”قۇلشىنا ۇيرەنىپ، بولاشاقتا مەملەكەتتى قۇدىرەتتەندىرۋ قۇرىلىسىنىڭ جاۋاپكەرشىلىگىن ارقالايمىز“
− ”وتانعا ماحاببات. جۇڭحۋا ساپارى“ اتىنداعى شينجياڭ جاستار مەن ورەندەر جازدىق دەمالىس كەزىندەگى زەرتتەۋ - ۇيرەنۋ كلاسىنىڭ 2 - توپتاعى وقۋشىلارىنىڭ بەيجيڭ ساپارىنىڭ تابىسى مول بولدى
□ انار بۇلت \ شينجياڭ گازەتىنىڭ ءتىلشىسى جاڭ دۇڭمەي
2023.08.18 15:54 كەلۋ قاينارى : شينجياڭ گازەتى
”بەيجيڭ مەنىڭ بالا كەزىمنەن اڭسايتىن جەرىم، بۇل جولى ارمانىم ورىندالدى“، ”تيان - انمىن مىنبەسىندە تۇرىپ مەملەكەت تۋىن شىعارۋ سالتىن كورىپ قاتتى تەبىرەندىم، ايرىقشا ماقتانىش سەزىنەمىن“، ”بەيجيڭ ساپارىنىڭ تابىسى مول بولدى، جاڭا زاتتاردى كورىپ تاڭدانىپ ءارى قۋانۋمەن بىرگە، رۋحاني شابىت تا الدىم“... 7 كۇندىك بەيجيڭ زەرتتەۋ - ۇيرەنۋ ساپارى اقىرلاسقاننان كەيىنگى وقۋشىلاردىڭ تابىسى مول بولدى.
7 - ايدىڭ 27 - كۇنى شينجياڭ ۇيعۇر اۆتونوميالى رايونى، شينجياڭ ءوندىرىس - قۇرىلىس بيڭتۋانى جانە جۇڭحۋا مادەنيەت شۋەيۋانى بىرلەسىپ وتكىزگەن ”وتانعا ماحاببات . جۇڭحۋا ساپارى“ اتىنداعى شينجياڭ جاستار مەن ورەندەر جازدىق دەمالىس كەزىندەگى زەرتتەۋ - ۇيرەنۋ كلاسىنىڭ 2 - توپتاعى كلاسى باستالىپ، اۆتونوميالى رايوننان جانە بيڭتۋاننان كەلگەن 200 وقىتۋشى - وقۋشى 7 كۇندىك بەيجيڭ زەرتتەۋ - ۇيرەنۋ ساپارىن باستادى. وسى بارىستا وقۋشىلار جۇڭگو مەملەكەتتىك مۇراجايى، حالىق قاھارماندار ەسكەرتكىشى، ماۋجۋشي ەسكەرتكىش سارايى، مەملەكەت دەنە تاربيە الاڭى ”قۇس ۇياسى“، مەملەكەتتىك مالتاۋ ورتالىعى ”سۋ تەكشەسى“، بەيجيڭ داشۋەسى قاتارلى جەرلەردە ەكسكۋرسيادا، ۇيرەنۋدە بولدى.
”تيان - انمىندى اقىرى كورەتىن بولدىم“! تاشقورعان تاجىك اۆتونوميالى اۋدانى شىنتا ورتا مەكتەبىنىڭ وقۋشىسى گۇلجاننات ءالبيات بەيجيڭگە جەتكەن كۇنى كەشتە قۋانعانىنان ۇيىقتاي المادى. بۇل ونىڭ تۇڭعىش رەت اتا مەكەنىنەن الىستاپ، تۇڭعىش رەت استانا بەيجيڭگە كەلۋى. گۇلجاننات بىلاي دەدى: مەن وسى رەتكى ورايدى جاقسى قاستەرلەپ، بارلىق تابىستارىمدى وتباسىمداعىلارمەن، ساباقتاستارىممەن بولىسەمىن.
قاشقار ايماعى ياركەن اۋدانى ارسىلانباع اۋىلدىق ورتا مەكتەبىنىڭ وقۋشىسى ابدۇللا پارحات بىلاي دەدى: بۇل رەتكى زەرتتەۋ - ۇيرەنۋ قيمىلى ورايىندا ارمانداعان بەيجيڭگە كەلدىم، استانا بەيجيڭنىڭ تارتىمدىلىعىن تەرەڭ سەزىندىم، ساباقتاستارىممەن بىرگە جان تەبىرەنتەرلىك مەملەكەت تۋىن شىعارۋ سالتىنا قاتىناسىپ، وتاننىڭ قۇدىرەتتىلىگىن جانە گۇلدەنىپ - كوركەيگەندىگىن سەزىندىم، ىشتەي ايرىقشا ماقتانىش سەزىمگە جانە داڭق سەزىمگە بولەندىم.
جۇڭگو مەملەكەتتىك مۇراجايىندا «گۇلدەنۋ جولى» كورمەسىن تاماشالاپ، وقۋشىلار تۇسىندىرۋشىگە تىعىز ىلەسە توڭكەرىستىك اعا بۋىنداردىڭ كۇرەس جۇرگىزۋ بارىسىنان ايانباي العا باسۋ كۇشىن قابىلدادى. بيڭتۋان 8 - شىسى شىحىزى قالالىق 1 - ورتا مەكتەبىنىڭ وقۋشىسى باۋ شياۋيۇي سەزىنگەندەرىن زەرتتەۋ - ۇيرەنۋ ەستەلىگىنە بىلاي دەپ جازدى: جۇڭگو مەملەكەتتىك مۇراجايىندا مەن ادەبيەت وقۋلىعىنداعى جاۋ يماننىڭ ۇلىنا جازعان حاتىن كوردىم، تاريح وقۋلىعىنداعى 1 - تامىز نانچاڭ كوتەرىلىسىنىڭ ماي بوياۋلى سۋرەتىن كوردىم، 2008 - جىلعى وليمپيادا جارىسىنىڭ الاۋىن كوردىم، ويىمداعى ءبىر - بىرلەگەن تاريحي ءبىلىم تۇيىندەرىنە جان بىتكەندەي، كىتاپ پەن كينو، تەلە فيلمدەردەن عانا كورگەن ءىرى تاريحي ۋاقيعالار كوپ جىل وتكەنىمەن دە كوز الدىمدا پايدا بولدى.
قاشقار ايماعى ءپايزاۋات اۋداندىق 2 - ورتا مەكتەپتىڭ وقۋشىسى حۋ جياجى بىلاي دەدى: مەن ادەتتە عىلىم - تەحنيكالىق جاسامپازدىقتارعا قاتتى قىزىعامىن، عىلىم - تەحنيكانىڭ ۇشقان قۇستاي دامۋى ءبىزدىڭ تۇرمىس ءتاسىلىمىزدى بىرتىندەپ وزگەرتتى. مەن قۇلشىنا ۇيرەنىپ، اناعۇرلىم كوپ عىلىم سىرىن اشامىن.
بەيجيڭ وليمپيادا باقشاسىندا ساباقتاستار مەملەكەت دەنە تاربيە الاڭى ”قۇس ۇياسىن“ جانە مەملەكەت مالتاۋ ورتالىعى ”سۋ تەكشەسىن“ ەكسكۋرسيالادى. اسپاننان جاڭبىر تامشىلاعانىمەن، وقۋشىلاردىڭ قىزعىندىلىعىنا تيتتەي دە اسەر ەتپەدى.
وقۋشىلار 100 جىلدىق ايگىلى مەكتەپ − بەيجيڭ داشۋەسىنە كىرىپ، قويۋ عىلىم ورتاسىن سەزىندى. قاشقار ايماعى ءجاڭاشار اۋداندىق 4 - ورتا مەكتەپتىڭ وقۋشىسى گۇلگينا تۇرعۇن بەيجيڭ داشۋەسىنىڭ مەكتەپ تاريحى سارايىن ەكسكۋرسيالاعاندا ءتۇسىندىرۋدى مۇقيات تىڭداپ، ءوز بولاشاعى جونىندە اناعۇرلىم ايقىن جوسپارعا يە بولدى. ”نەمەرە اپەكەم داشۋە وقيدى، مەندە جاقسى ۇيرەنىپ، بەيجيڭنەن داشۋە وقۋعا قۇلشىنىپ، بولاشاقتا وقىتۋشى بولامىن. باۋىرلارىم مەن سىڭلىلەرىمنىڭ دە جارامدى ادام بولىپ، بولاشاقتا وتان ءۇمىتىن اقتاپ، اتا مەكەندەرىن كوركەيتۋىن ءۇمىت ەتەمىن“.
7 كۇن ۋاقىتتا وقۋشىلار تيان - انمىن مىنبەسىندە مەملەكەت تۋىن شىعارۋ سالتىن كورىپ، ماۋجۋشي ەسكەرتكىش سارايىندا ىززەت - قۇرمەتپەن ۇلى ادامدى ەسكە الدى، جۇڭگو مەملەكەتتىك مۇراجايىندا «گۇلدەنۋ جولى» كورمەسىن ەكسكۋرسيالادى، بەيجيڭ داشۋەسىندە قويۋ عىلىم ورتاسىن سەزىندى، بەيجيڭدەگى كوپتەگەن جوعارى، جاڭا عىلىم - تەحنيكا كاسىپورىندارىندا وسى زامانعى عىلىم - تەحنيكانىڭ قارىشتاپ دامىعانىن ۇعىندى...
ورەندەردىڭ اقىل - پاراساتى وسسە، ەلدىڭ اقىل - پاراساتى وسەدى، ورەندەر قۇدىرەتتەنسە، ەل قۇدىرەتتەنەدى. ورەندەر العا باسسا، ەل العا باسادى. ”وقۋلىقتاعى بىلىمدەر كوز الدىمدا شىنايى پايدا بولعاندا تۇسىنىگىم ءتىپتى دە تەرەڭدەدى، تابىسىم دا اناعۇرلىم مول بولدى“. قاشقار ايماعى ماكىت اۋداندىق تاجىريبە ورتا مەكتەبىنىڭ وقۋشىسى ايسۇلتان زۇنۇن وسىنداي ءبىر رەتكى وي ءورىسىڭدى اشىپ، كوز اياڭدى كەڭەيتەتىن وراي بولعانىنا ايرىقشا العىس ايتتى.
زەرتتەۋ - ۇيرەنۋ قيمىلىندا وقۋشىلار كوپ رەت مامان - وقىمىستىلاردىڭ لەكسياسىن تىڭدادى. ءار رەتكى لەكسيادا مامان - وقىمىستىلاردىڭ قىزۋ ىنتامەن، اۋەنىنە سەزىمى ساي سويلەگەن لەكسيالارى وقۋشىلاردى بارىنشا باۋرادى.
”وتانعا العىس ايتامىن، وتاننىڭ گۇلدەنىپ - كوركەيۋى، بايۋى، قۇدىرەتتەنۋى ءبىزدى اناعۇرلىم جاقسى ۇيرەنۋ شارت - جاعدايىنا يە ەتتى. وسى رەتكى بەيجيڭ ساپارى مەنىڭ سەنىمىمدى ونان ارى بەكەمدەي ءتۇستى، قۇلشىنا ۇيرەنىپ، بولاشاقتا مەملەكەتتى قۇدىرەتتەندىرۋ قۇرىلىسىنىڭ جاۋاپكەرشىلىگىن ارقالايمىن“. بيڭتۋان 1 - شىسى ارال قالاسى تارىم جوعارى دارەجەلى ورتا مەكتەبىنىڭ وقۋشىسى شان تيانيۇي ەستەلىگىنە وسى ءسوزدى جازدى.
7 كۇندىك زەرتتەۋ - ۇيرەنۋ ساپارى قىسقا بولعانىمەن الايدا تابىسى مول بولدى، وقۋشىلار ساباقحانادا ءبىلىم ۇيرەنىپ، ساياحات بارىسىندا وتاننىڭ كورىكتى تاۋ - وزەنىن سەزىنىپ، جۇڭحۋا ۇلتى ورتاق تۇلعا تانىمىن بىرتىندەپ بەكەمدەپ، وتاندى ءسۇيۋ، ىنتىماقتاسۋ، كۇرەس جۇرگىزۋ تۇقىمىن كوڭىل تۇكپىرىنە ۇيالاتتى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
