7 - كەزەكتى ورتا ازيا ءوڭىرى ەكونوميكالىق سەلبەستىك اقىلماندار قويماسىن دامىتۋ تالقى مىنبەرى اشىلدى
2023.08.18 15:50 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ شياڭ 8 - ايدىڭ 16 - كۇنى ۇرىمجىدەن حابارلايدى. 8 - ايدىڭ 16 - كۇنى ”سيفرلى تەحنيكاعا قۇشاق اشىپ، ەكونوميكانىڭ باياندى دامۋىن جەبەۋدى“ نەگىزگى تاقىرىپ ەتكەن 7 - كەزەكتى ورتا ازيا ءوڭىرى ەكونوميكالىق سەلبەستىك اقىلماندار قويماسىن دامىتۋ تالقى مىنبەرى ۇرىمجىدە اشىلدى. ورتا ازيا ءوڭىرى ەكونوميكالىق سەلبەستىك اقىلماندار قويماسى وداعى مۇشەلەرىنىڭ ۋاكىلدەرى، مۇشە ەلدەردىڭ ۇكىمەت ءمانساپتىلارى، كوپ جاقتى دامۋ، سەلبەستىك سەرىكتەرىنىڭ ماماندارى، سونداي - اق كاسىپورىنداردىڭ، عىلىم سالاسىنىڭ جانە مەديالاردىڭ ۋاكىلدەرىنەن 150دەن استام ادام تالقى مىنبەرىنە قاتىناستى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت، ورتا ازيا وڭىرلىك ەكونوميكالىق سەلبەستىك شۋەيۋانىنىڭ باستىعى كابير جۋرازودا اشىلۋ سالتىنا قاتىناستى ءارى ءسوز سويلەدى.
ءيۇسۇپجان مامەت اۆتونوميالى رايوندىق پارتكوم مەن ۇكىمەت اتىنان تالقى مىنبەرىنە قاتىناسقان جۇڭگولىق، شەتەلدىك سيلى قوناقتاردى قارسى الاتىندىعىن ءبىلدىردى. ول بىلاي دەدى: بۇگىنگى شينجياڭنىڭ ەكونوميكالىق، قوعامدىق ىستەرىندە تاماشا دامۋ اۋقىمى، وراسان زور كومەسكى كۇشى جانە جارقىن بولاشاعى ايگىلەندى. شينجياڭ ورتا ازيا وڭىرلىك ەكونوميكالىق سەلبەستىك مەحانيزمى اياسىندا ءار ەلمەن بىرگە سيفرلى تەحنيكالىق اۋىس - كۇيىستى، سەلبەستىكتى ۇزدىكسىز تەرەڭدەتىپ، سيفرلى تەحنيكا ارقىلى ەكونوميكانىڭ باياندى دامۋىن جەبەپ، اشىق، تەڭ يگىلىكتەنەتىن سيفرلى تەحنيكا سالاسىنداعى حالىقارالىق سەلبەستىكتىڭ جاڭا جاعدايىن قول ۇستاسا قالىپتاستىرىپ، ءار ەلدىڭ بىرگە دامۋىن، العا باسۋىن جەبەۋدى قالايدى.
كابير جۋرازودا بىلاي دەدى: جۇڭگو شينجياڭىنىڭ وڭىرلىك ورىن باسىمدىعى وزگەشە، ول جۇڭگونىڭ باتىسقا ەسىك اشۋداعى الدىڭعى شەبى جانە ”ءبىر بەلدەۋ، ءبىر جول“ بويىنداعى ەلدەردى تۇتاستىراتىن ماڭىزدى توراپ. شۋەيۋان باسىمدىق رولىن بەلسەنە ساۋلەلەندىرىپ، ءار ەل قۇرىلىمدارىمەن بىرگە سيفرلى ەكونوميكانىڭ قامتىمدى دامۋىن ىلگەرىلەتىپ، دۇنيە جۇزىندەگى ءار ەلدى سيفرلى ەكونوميكانىڭ دامۋ ورايىنان بىرگە يگىلىكتەندىرەدى.
ازيا وركەندەتۋ بانكەسىنىڭ، جۇڭگو يمپورت - ەكسپورت بانكەسىنىڭ قاتىستى جاۋاپتىلارى، قازىنا مينيسترلىگىنىڭ قاتىستى تاراۋلارىنداعى جاۋاپتى جولداستار اشىلۋ سالتىنا قاتىناستى ءارى ارناۋ ءسوز سويلەدى.
تالقى مىنبەرى كەزىندە ماجىلىسكە قاتىناسقان مامان - وقىمىستىلار سيفرلى ستراتەگيا، سيفرلى باسقارۋ سياقتىلاردى ارقاۋ ەتە وتىرىپ تاقىرىپتىق لەكسيا جاسادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
