شينجياڭ قالا ـ قالاشىقتارداعى وتىندىق گاز حاۋىپ ـ قاتەرى، كومەسكى قاتەرىن جاپپاي ءبىر – بىرلەپ تەكسەرىپ، جونگە سالادى
2023.08.18 16:20 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق ءوندىرىس حاۋىپسىزدىگى كوميتەتىنەن ۇعىسۋىنشا، «شينجياڭ ۇيعۇر اۆتونوميالى رايونىنىڭ قالا ـ قالاشىقتاردىڭ وتىندىق گاز حاۋىپسىزدىگىن ارناۋلى رەتتەۋ ـ وڭاۋ قىزمەتىن اتقارۋ جوباسىن» (تومەندە قىسقارتىلىپ «جوبا» دەپ اتالادى») تاياۋدا باسىلىپ تاراتىلىپ، شينجياڭ ۇيعۇر اۆتونوميالى رايونىنىڭ قالا ـ قالاشىقتارىنداعى وتىندىق گاز حاۋىپسىزدىگى كومەسكى قاتەرىن ءبىر - بىرلەپ تەكسەرۋدى، جونگە سالۋدى جاپپاي كۇشەيتىپ، حالىق بۇقاراسىنىڭ باس اماندىعى مەن مال ـ مۇلىك حاۋىپسىزدىگىن قامتاماسىز ەتتى.
«جوبادا» مىنالار تالاپ ەتىلدى: شينجياڭداعى جەر ـ جەر، مەكەمە ـ ورىندار، تاراۋلار كاسىپورىنداردىڭ تۇلعالىق جاۋاپكەرشىلىگىن، تاراۋلاردىڭ باقىلاۋ ـ باسقارۋ جاۋاپكەرشىلىگىن جانە جەرگىلىكتى پارتيا، ۇكىمەت باسشىلارىنىڭ جاۋاپكەرشىلىگىن جاپپاي ناقتىلاندىرىپ، كاسىپورىن قىزمەتكەرلەرىنىڭ قىزمەت ورىن حاۋىپسىزدىگى جاۋاپكەرشىلىگى مەن شەبەرلىگىن كۇشەيتىپ، «نەگىزدى بەكەمدەپ»، تۇتاس تىزبەكتى ىسكە قوسىپ، كۇشتى شوعىرلاندىرا وتىرىپ گاز حاۋىپسىزدىگى حاۋىپ ـ قاتەرىندەگى كومەسكى قاتەرلەردى رەتتەۋ ـ وڭاۋ كەرەك. 3 اي ۋاقىت اينالاسىندا شوعىرلى قامال الۋدى ورىستەتىپ، جونگە سالۋ ەسەپ داپتەرىن ورناتىپ، الەۋمەتتىك حاۋىپسىزدىككە قاتىستى اس ـ سۋ جانە كورىنىس رايونى سياقتى ادام شوعىرلى ورىنداردى، پارتيا، ۇكىمەت ورگاندارىنىڭ كاسىپورىن، ءىسورىن، قالا مەن اۋىلدىڭ ءتۇيىندى ورىندارىنىڭ حاۋىپسىزدىك جاعىنداعى كورنەكتى حاۋىپ ـ قاتەر، كومەسكى قاتەرىن جويۋ؛ تاعى دا جارىم جىل مولشەرىندە شوعىرلى قامال الۋدىڭ ونىمدىلىگىن بەكەمدەپ، جوعارىلاتىپ، ”قايتالاي قاداعالاۋدى“ ۇيىمداستىرىپ ورىستەتىپ، كومەسكى حاۋىپ ـ قاتەرلەردى ءبىر – بىرلەپ تەكسەرىپ انىقتاۋدى جاپپاي ورىنداپ، وتىندىق گاز حاۋىپ ـ قاتەرىن باسقارۋ ـ مەڭگەرۋ جانە كومەسكى قاتەرلەردى ءبىر ـ بىرلەپ تەكسەرۋ، جونگە سالۋ سىندى قوس قابات ساقتانۋ مەحانيزمىن ورناتۋ؛ 2025 – جىلدىڭ سوڭىنا دەيىن، وتىندىق گازدى كىرگىزۋدى، باسقارۋدى قاتايتۋ، اۋىر ايىپ سالۋ سىندى وتىندىق گاز حاۋىپسىزدىگىن باسقارۋ مەحانيزمىن ورناتىپ، قاتىستى زاڭ - ەرەجەلەردىڭ ولشەم جۇيەسىن كەمەلدەندىرىپ، ماندىك حاۋىپسىزدىك دەڭگەيىن جوعارىلاتىپ، وتىندىق گاز حاۋىپسىزدىگىن باسقارۋ نەگىزىن بەكەمدەپ، حاۋىپسىزدىكتى باسقارۋدىڭ باياندى مەحانيزمىن نەگىزىنەن ورناتۋ كەرەك.
«جوبادا» مىنالار باسا دارىپتەلدى: جەر – جەر ءتۇيىندى كورنەكتىلەندىرىپ، سالالار بويىنشا شوعىرلى قامال الىپ، كاسىپورىنداردىڭ ، ”ماسەلەسى بار گاز“، ”ماسەلەسى بار گاز قۇتىسى“، ”ماسەلەسى بار كلاپان“، ”ماسەلەسى بار جۇمساق ترۋبا“ سياقتى جانار گاز جابدىقتارىن ٴوندىرۋ، گاز تولتىرۋ، تيجارات ەتۋ جانە ”ماسەلەسى بار قۇبىر تورابى“ سياقتى جانار گاز جەتكىزۋ حاۋىپسىزدىگى حاۋىپ ـ قاتەرى مەن جاسىرىن شىرعالاڭ قاتەرىن ىشكەرىلەي تەكسەرىپ، جونگە سالىپ، اس ـ سۋ كاسىپورىندارىنىڭ ”ماسەلەسى بار ورتاسى“ سياقتى حاۋىپسىزدىك حاۋىپ ـ قاتەرى مەن شىرعالاڭ كومەسكى قاتەرىن ىشكەرىلەي تەكسەرىپ، جونگە سالىپ، وتىندىق گازدى زاڭسىز تيجارات ەتەتىن ”قارا اپانداردى“، ”زاڭسىز گاز قۇتىسىن“ زاڭسىز تولتىرۋ جانە ساتۋ سياقتى زاڭعا، ەرەجەگە قايشى ارەكەتتەردى زاڭ بويىنشا تەز، قاتاڭ تەكسەرىپ ءبىر جاقتى ەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
