موڭعۇليادا تاعى دا وبا ىندەتىنە شالدىققان كۇدىكتى 3 ادام بايقالدى
2023.08.15 14:25 كەلۋ قاينارى : حالىق تورابى
شينحۋا اگەنتتىگىنىڭ 8 – ايدىڭ 14 - كۇنى ۇلانباتىردان بەرگەن حابارى. موڭعۇليا مەملەكەتتىك ادام مەن مالعا بىردەي جۇعاتىن اۋرۋدى زەرتتەۋ ورتالىعى 8 – ايدىڭ 14 - كۇنى ۇلانباتىر قالاسىندا وبا ىندەتىنە شالدىققان كۇدىكتى 3 ادامنىڭ جاڭادان قوسىلعانىن حابارلاندىردى. قازىر كۇدىكتى ناۋقاستار ىشكەرىلەي تەكسەرىلۋدە.
حابارلاندىرۋدا بىلاي دەلىندى: كۇدىكتى 3 ادام تاياۋدا ۇلانباتىر قالاسىنىڭ شىعىسىنداعى كەنت ولكەسى مەن سۋحباتور ولكەسىندە سۋىر ەتىن جەگەن، بۇل سىرتتان كىرگەن كۇماندى ناۋقاسقا جاتادى. قاتىستى تاراۋلار ىندەتكە ساياتىن جەرلەرگە شۇعىل توتەپ بەرۋ شارالارىن قولدانۋدا.
ۇلانباتىر قالاسى 8 – ايدىڭ 1 – كۇنى وبا ىندەتىنە دياگنوز قويىلعان ءبىر ناۋقاستى تۇراقتاندىرعان، بۇل ناۋقاس سۋىر ەتىن جەگەننەن كەيىن وبا ىندەتىنە شالدىققان.
موڭعۇليادا سۋىر اۋلاۋعا قاتاڭ تيىم سالىنعانىمەن، ءبىراق ءار جىلى كوپتەگەن ادامدار تاۋەكەلگە بەل بايلاپ، زاڭسىز اۋلايدى. موڭعۇلياداعى 21 ولكەنىڭ ىشىندە قازىر 17 ولكە وبا ىندەتىنىڭ قاتەرلى رايونى بولىپ وتىر. موڭعۇليا مەملەكەتتىك ادام مەن مالعا بىردەي جۇعاتىن اۋرۋلاردى زەرتتەۋ ورتالىعى حالىققا سۋىر اۋلاۋعا، جيىپ الىپ ساتۋعا، سۋىر ەتىن جەۋگە قاتاڭ تيىم سالۋدى ەسكەرتتى. ەگەر سۋىرعا جۇعىسقاننان كەيىن قىزۋى ورلەۋ جانە بەز ءىسىنۋ قاتارلى اۋرۋ بەلگىلەرى بايقالسا، جەرگىلىكتى ورىنداعى اۋرۋدى تىزگىندەۋ تاراۋلارىمەن شۇعىل بايلانىس جاساپ شارا قولدانۋ كەرەك.
وبا ءبىر ءتۇرلى باكتەريالى جۇقپالى اۋرۋ، ادەتتە تىشقان، سۋىر سياقتى كەمىرگىش جانۋارلاردىڭ دەنەسىندە پارازيتتىك تىرشىلىك ەتەتىن بۇرگە ارقىلى تارالادى، اۋرۋ قوزۋى شۇعىل، اۋرۋ بارىسى قىسقا، ءولۋ مولشەرى جوعارى، جۇعىمتالدىعى كۇشتى بولۋ سياقتى ەرەكشەلىكتەرگە يە، كلينيكادا بەز وباسى، وكپە وباسى قاتارلى تۇرلىشە تۇرلەرگە بولىنەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
