ا ق ش تەڭىز ارمياسى ورتالىق قولباسشىلىق شتابى: قىزىل تەڭىز رايونىنا ٴۇش مىڭ اسكەر جىبەرىلدى

2023.08.08 15:56 كەلۋ قاينارى : حالىق تورابى

　　جۇڭگو اقپارات تورابىنىڭ 8 – ايدىڭ 8 – كۇنى بەرگەن حابارى. ا ق ش ـ تىڭ «پارلامەند تاۋى گازەتىنىڭ» 8 – ايدىڭ 7 - كۇنگى حابارىنا قاراعاندا، ا ق ش تەڭىز ارمياسى ورتالىق قولباسشىلىق شتابى حابار جاريالاپ، ا ق ش ارمياسىنىڭ ٴۇش مىڭنان استام اسكەرىن قىزىل تەڭىز رايونىنا جىبەرگەندىگىن ايتقان.

　　حابارلارعا قاراعاندا، بۇل اسكەرلەر تەڭىز اسكەرلەرى مەن تەڭىز ارمياسىنىڭ قۇرلىقتا سوعىس جۇرگىزەتىن اسكەرلەرىن قامتيدى، ولار جەرگىلىكتى ۋاقىت 8 – ايدىڭ 6 – كۇنى «بادان» ٴنومىرلى دەسانتتىق شابۋىلداۋشى كەمەگە وتىرىپ قىزىل تەڭىزگە جەتكەن. حابارعا قاراعاندا، بۇل شابۋىلداۋشى كەمە 20 دان استام اينالمالى قاناتتى جانە تۇراقتى قاناتتى ۇشاق تيەي الادى.

　　ا ق ش 5 ـ كەمە قۇراماسىنىڭ مالىمدەمەشىسى حوكينس بىلاي دەدى: ا ق ش ـ تىڭ وسى رەت قىزىل تەڭىزگە اسكەر جىبەرۋى نەگىزىنەن يراننىڭ حورمۇز بۇعازىنىڭ ماڭىندا ساۋدا كەمەسىن ۇستاپ قالۋ ارەكەتىنە توتەپ بەرۋ ءۇشىن بولىپ تابىلادى.

　　حاباردا ا ق ش بىرىككەن اگەنتتىگىنىڭ حابارىنان سيتات كەلتىرىلىپ بىلاي دەلىندى: ا ق ش 2018 – جىلى 5 – ايدا يران يادرو كەلىسىمىنەن ءوز بەتىمەن شەگىنىپ شىعاتىندىعىن جاريالاپ ءارى يراندى جازالاۋدى ساتىعا ءبولىپ جاپپاي قالپىنا كەلتىرگەننەن بەرى، وڭىرلىك جاعداي ۇزدىكسىز ناشارلادى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved