شينجياڭداعى جوعارى مەكتەپتەر 120 مىڭنان استام جۇمىس ورنىن اشتى
2023.08.08 15:53 كەلۋ قاينارى : حالىق تورابى
بىرنەشە كۇننىڭ الدىندا، ءتىلشىنىڭ شينجياڭ ۇيعۇر اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىنشا، بيىل جىل باسىنان بەرى، شينجياڭنىڭ جەر - جەرىندەگى جوعارى مەكتەپتەر كاسىپورىندارعا بارىپ، جۇمىس ورنىن اشىپ، جۇمىسقا ورنالاستىرۋدى جەبەۋ ارناۋلى قيمىلىن ىشكەرىلەي ورىستەتكەن، قازىرگە دەيىن ءارقايسى جوعارى مەكتەپتەر جالپى 6237 كاسىپورىندى ارالاپ، 122 مىڭ 300 جۇمىس ورنىن اشقان.
شينجياڭ ىلە پەداگوگيكا داشۋەسى ەلەكترون جانە ينجەنەريا شۋەيۋانى ءبىر ۇيىرمە ۇيىمداستىرىپ، شاپشال سىبە اۆتونوميالى اۋدانى سياقتى ورىندارعا بارىپ، كاسىپورىندارعا بارىپ، قىزمەت ورنىن كەڭەيتۋ قيمىلىن ورىستەتتى. ۇيىرمە مۇشەلەرى كاسىپورىننىڭ ءوندىرىس سەحىن ەكسكۋرسيالاپ، مەكتەپ ٴبىتىرىپ سوندا جۇمىسقا ورنالاسقان وقۋشىلاردىڭ قىزمەت جاعدايىن ۇعىسىپ، كاسىپورىن جاۋاپتىلارىمەن مەكتەپ، كاسىپورىن، ءوندىرىس، وقىتۋ، زەرتتەۋ سەلبەستىگى، پراكتيكا، جاتتىعۋ بازاسىن قۇرۋ جونىندە كەڭەس وتكىزدى.
شينجياڭ اقسۋ كاسىپتىك ـ تەحنيكالىق شۋەيۋانى ”سىرتقا شىعارۋ“ مەن ”شاقىرىپ اكەلۋدى“ ۇشتاستىرۋعا تاباندى بولىپ، ادام ىستەتۋشى ورىندارمەن بىرگە وقۋ تاۋىسقان وقۋشىلاردىڭ پراكتيكا جاساپ جۇمىستانۋى، تاپسىرىستىق تاربيەلەۋ سياقتى جاقتاردا سەلبەستىك ورتاق تانىمىن قاراستىردى. بيىل 107 كاسىپورىندى ارالاپ، 5000 نان استام جۇمىس ورنىن كەڭەيتتى.
جۇڭگو وڭتۇستىك اۆياتسيا توبى شەكتى سەرىكتەستىگى ادام كۇشى بايلىعى ءبولىمىنىڭ قاتىستى قىزمەتكەرلەرى شينجياڭ سانجى شۋەيۋانىنا بارىپ قىزمەت تەكسەرىپ، پىكىر اۋىستىردى. سانجى شۋەيۋانى وسى سەرىكتەستىككە مەكتەپ تاۋىسقان 50 نەشە ۇزدىك وقۋشى جىبەردى. ەكى جاق ءپان زەرتتەۋ، دارىندىلاردى تاربيەلەۋ، ءوندىرىس، وقىتۋ، زەرتتەۋ، قولدانۋ سياقتى جاقتاردا تىڭ قامال الۋعا قۇلشىنادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
