پاكيستاننىڭ وڭتۇستىگىندە ءبىر پويەز رەلستەن شىعىپ، 22 ادام ءولىپ، 50 ادام جارالاندى
2023.08.07 15:55 كەلۋ قاينارى : حالىق تورابى
شينحۋا اگەنتتىگىنىڭ 8 – ايدىڭ 6 – كۇنى يسلامابادتان بەرگەن حابارى. پاكيستاننىڭ وڭتۇستىگىندەگى سيندى ولكەسىنىڭ ءمانساپتىسى 8 – ايدىڭ 6 – كۇنى بىلاي دەدى: وسى ولكەنىڭ سانكەر رايونىندا سول كۇنى تۇستە جولاۋشىلار پويەزىنىڭ رەلستەن شىعۋ شىرعالاڭى تۋىلىپ، 22 ادام قازا بولىپ، 50 ادام جارالانعان.
سۋرەتتە: 8 – ايدىڭ 6 – كۇنى، ادامدار پاكيستاننىڭ وڭتۇستىگىندەگى سيندى ولكەسى سانكەر رايونىنداعى پويەزدىڭ رەلستەن شىعۋ شىرعالاڭى تۋىلعان ناق مايدانعا جينالۋدا. شينحۋا اگەنتتىگىنىڭ حابارى
ناق مايدانداعى قۇتقارۋ قىزمەتىنە جاۋاپتى ساقشى چانديو شينحۋا اگەنتتىگىنىڭ تىلشىسىنە بىلاي دەدى: 10 ۆاگون تىركەگەن جۇردەك پويەز سول جەردەگى سەرحاري پويەز بەكەتىنەن شىعىپ كوپ وتپەي رەلستەن شىعۋ شىرعالاڭى تۋىلعان. پاكىستان ارمياسى، ساقشىلارى جانە قۇتقارۋ قىزمەتشىلەرى ناق مايدانعا بارىپ قۇتقارۋ جۇرگىزدى. قازىر ءالى دە كوپتەگەن جولاۋشىلار ۆاگوننىڭ نەمەسە پويەزدىڭ استىندا قامالىپ قالعان. جارالانعاندار شيپاحاناعا جەتكىزىلىپ ەمدەلدى، ءبىر ءبولىم جارالانۋشىلاردىڭ جاعدايى قاتەرلى بولىپ، ولگەن ادام سانى ونان ارى كوبەيۋى مۇمكىن دەپ مەجەلەنىپ وتىر.
ۇعىسۋعا قاراعاندا، بۇل پويەز سول كۇنى تۇستەن بۇرىن سيندى ولكەسىنىڭ ورتالىعى كاراچيدان اتتانىپ، باتىس سولتۇستىك كايبەر - پۋشتۋ ولكەسىنە جول العان. شىرعالاڭنىڭ سەبەبى تەكسەرىلۋ ۇستىندە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
