باييۇنشان قاسبوياۋ تامىرى سياقتى جۇڭي شيپاگەرلىگى ءدارى ماتەريالدارى 600مىڭ مۋعا جۋىق جەرگە ەگىلدى
قاشقاردا بيولوگيالىق ءدارى - دارمەك كاسىپ سالاسى جەدەل دامىدى
2023.08.03 16:31 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ياۋ تۇڭ 8 - ايدىڭ 1 - كۇنى كونەشاردان حابارلايدى. قازىر كونەشار اۋدانى باييۇنشان قاسبوياۋ تامىرىنىڭ (بانلانگىن) ءوندىرىس، ساپا باسقارۋىن ارناعا ءتۇسىرۋ ەگىمشىلىك بازاسىنداعى قاسبوياۋى جايقالا ءوسىپ، ءدارى ءشوپ ەگەتىن ديقاندار اتىزدا زياندى جاندىك، دەرت - دەربەزدەن ساقتانۋ جانە ونى جويۋ جۇمىستارىن جۇرگىزۋدە. بيىل قاشقار ايماعى اۋىل شارۋاشىلىعى كاسىپ سالاسىنىڭ دامۋ ارناسىن رەتتەپ ساپالىلاندىرىپ، 594 مىڭ 400 مۋ جەرگە قاسبوياۋ، بادەن، ەتتى سۇڭعىلا، بارقىت ءشوپ، تىكەن جيدە سياقتىءتۇرلى جۇڭي شيپاگەرلىگىءدارى ماتەريالدارىن ەكتى.
قاشقاردا قاسبوياۋ ەگىمشىلىك بازاسىن قۇرعان گۋاڭجوۋ ءدارى - دارمەك توبىنا قاراستى گۋاڭجوۋ باييۇنشان حىجيحۋاڭپۋ جۇڭي شيپاگەرلىگى ءدارى - دارمەك شەكتى سەرىكتەستىگى ەلىمىز بويىنشا ەڭ ءىرى قاسبوياۋ تامىرىن وندىرەتىن كاسىپورىنداردىڭ ءبىرى. ”وڭتۇستىك شينجياڭ قاسبوياۋ ەگۋگە ەرەكشە ۇيلەسەدى“. وسى سەرىكتەستىكتىڭ ورىنباسار باس ديرەكتورى چىڭ يۇڭحۇڭ بىلاي دەدى: بيىل سەرىكتەستىگىمىزدىڭ نىساناسى 12 مىڭ مۋلىق كولەمدەنگەن قاسبوياۋ ەگۋ بازاسىن قۇرۋ، سالىنىپ بولعاننان كەيىن مەجەمەن جىلىنا 4000 توننا قاسبوياۋ تامىرى ءدارى ماتەريالىن وندىرەدى.
بيولوگيالىق ءدارى - دارمەك كاسىبىن اناعۇرلىم ويداعىداي دامىتۋ ءۇشىن، قاشقار ايماعىنداعى ءارقايسى اۋدان، قالا جەردى اينالىمعا سالۋدى بەلسەنە، ورنىقتى ىلگەرىلەتىپ، جۇڭي شيپاگەرلىگى ءدارى - دارمەك ماتەريالدارىنداعى باستاماشى كاسىپورىنداردى ەنگىزىپ، ”كاسپورىن + بازا + ەگىنشى وتباسى“ سىندى ءوندىرىس، تيجارات ۇلگىسىن قالىپتاستىرىپ، ەگۋدەن ۇلگى كورسەتۋ ورىستەتتى. گۋاڭجوۋ ءدارى - دارمەك توبى شينجياڭعا كومەكتەسۋ ارقىلى ساۋداگەر شاقىرىپ قارجى ەنگىزۋگە دانەكەر بولعان باستاماشى كاسىپورىنداردىڭ ءبىرى.
”جۇڭي شيپاگەرلىگىندە، دارىگەرلىگىندە باستاماشى كاسىپورىنداردىڭ قولداۋى تۇرعان جەردە، ءبىز بولاشاق دامۋعا كۇشتى سەنىم ارتامىز“. قاشقار جۇڭحىشيڭ وسى زامان ءدارى - دارمەك كاسىبى عىلىم - تەحنيكا شەكتى سەرىكتەستىگىنىڭ باس ديرەكتورى چىن يانمين بىلاي دەپ تانىستىردى: سەرىكتەستىگىمىز گۋاڭجوۋ ءدارى - دارمەك توبىمەن 1000 توننادان استام ءدارى ماتەريالدارىن ساتىپ الۋ تاپسىرىسىنا قول قويىستى.
ءبىرتالاي كاسىپورىننىڭ ەككەن قىزىل ميا، كۇرەڭكەي، روزا گۇلى سياقتىلارىنىڭ مۋ باسىندىق پايداسى 5000 يۋان اينالاسىنا جەتكەنىنە ىلەسە، اناعۇرلىم كوپ ەگىنشى - مالشى جۇڭي شيپاگەرلىگى ءدارى - دارمەك ماتەريالدارىن ەگۋ، وڭدەۋ، ءوندىرۋ بارىسىنا ىرىقتىلىقپەن ات سالىستى.
كونەءشار اۋدانى زەمىن اۋىلى ىنتىماق قىستاعىنداعى ءدارى ءشوپ ەگەتىن ديقان انيحەنىم ءالي ەگىمشىلىك بازاسىندا جۇمىس ىستەپ، ايىنا 3500 يۋان كىرىس كىرگىزەدى. ”جۇڭي شيپاگەرلىگى ءدارى ماتەريالدارىنىڭ ەكونوميكالىق قۇنى وتە جوعارى، تەحنيكانى يگەرگەن سوڭ، قاسبوياۋىن ءوزىم ەگەمىن“، - دەدى انيحەنىم.
”كاسىپ سالاسىن دانەكەر ەتىپ، شينجياڭنىڭ قاسبوياۋ تامىرى ءدارى ماتەريالدارى بايلىعىن گۋاڭدۇڭ − شياڭگاڭ − اۋمىن ۇلكەن شىعاناق رايونىنىڭ حالىقارالانعان بايلىعىمەن بايلانىستىرىپ، ەل ءىشى، حالىقارا سىندى قوس اينالىمنىڭ تاماشا ىقپالداستىعىن قالىپتاستىرامىز“. باييۇنشان حىحۋاڭ جۇڭي شيپاگەرلىگى ءدارى - دارمەك شەكتى سەرىكتەستىگىنىڭ ءدارى - دارمەك ساتۋ ورىنباسار باس باقىلاۋشىسى، بازار ءبولىمىنىڭ باستىعى ۋاڭ چۇنيۇي مىنالاردى ءبىلدىردى: جۇڭي شيپاگەرلىك، دارىگەرلىك كاسىپ سالاسىنىڭ باسىمدىعىن ۇزدىكسىز ساۋلەلەندىرىپ، كوپ جاقتى سەلبەستىكتى اناعۇرلىم تەرەڭدەتىپ، سەلبەسىپ جاڭالىق اشاتىن، باياندى، جوعارى ساپالى داميتىن كاسىپ سالاسى ەكولوگياسىن قالىپتاستىرىپ، شينجياڭنىڭ اۋىل - قىستاقتارىن گۇلدەندىرۋگە اناعۇرلىم زور ۇلەس قوسۋعا قۇلشىنامىز.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
