سىرتقى ىستەر مينيسترلىگىنىڭ مالىمدەمەشىسى ا ق ش ۇكىمەتىنىڭ جۇڭگونىڭ تايۋان رايونىنا اسكەري كومەك بەرۋدى ۇيعارعاندىعى جونىندە تىلشىلەردىڭ سۇراۋىنا جاۋاپ بەردى

2023.08.03 15:46 كەلۋ قاينارى : حالىق تورابى

　　8 - ايدىڭ 2 – كۇنى، سىرتقى ىستەر مينيسترلىگىنىڭ مالىمدەمەشىسى ا ق ش ۇكىمەتىنىڭ جۇڭگونىڭ تايۋان رايونىنا اسكەري كومەك بەرۋدى ۇيعارعاندىعى جونىندە تىلشىلەردىڭ سۇراعىنا جاۋاپ بەردى.

　　ءبىر ءتىلشى بىلاي دەپ سۇرادى: ا ق ش - تىڭ اقساراي تورابى تاياۋدا حابار جاريالاپ، جۇڭگونىڭ تايۋان رايونىنا 345 ميلليون ا ق ش دوللارىندىق اسكەري كومەك بەرۋدى ۇيعارعاندىعىن ايتقان. بۇل بايدەن ۇكىمەتىنىڭ تۇڭعىش رەت ”پرەزيدەنتتىڭ ۇقىعىن“ ىستەتىپ تايۋانعا كومەك بەرۋى. جۇڭگو جاق بۇعان قانداي باعا بەرەدى؟

　　مالىمدەمەشى بىلاي دەدى: ا ق ش - تىڭ جۇڭگونىڭ تايۋان رايونىن قارۋ - جاراقپەن قامداۋى ءبىر جۇڭگو پرينسيبى مەن جۇڭگو - ا ق ش ءۇش بىرلەسكەن مازمۇنداماسىنا، وتە - موتە، ”17 – تامىز“ مازمۇنداماسىنىڭ بەلگىلەمەسىنە اۋىر قايشىلىق جاساپ، جۇڭگونىڭ يەلىك ۇقىعى مەن حاۋىپسىزدىك مۇددەسىنە اۋىر زيان جەتكىزىپ، جۇڭگو - ا ق ش قاتىناسى مەن تايۋان بۇعازىنىڭ بەيبىتشىلىگى مەن ورنىقتىلىعىن اۋىر دارەجەدە بۇلدىرەدى. جۇڭگو بۇعان كۇشتى نارازىلىق بىلدىرەدى، باتىل قارسى تۇرادى، ا ق ش - قا قاتاڭ نارازىلىق بىلدىرەدى.

　　”تايۋان ماسەلەسى ‐ جۇڭگونىڭ وزەكتى مۇددەسىنىڭ وزەگى، جۇڭگو - ا ق ش قاتىناسىنىڭ اتتاپ وتۋگە بولمايتىن ءبىرىنشى قىزىل سىزىعى. ءبىز ا ق ش – تى ءبىر جۇڭگو پرينسيبى مەن جۇڭگو مەن ا ق ش – تىڭ ءۇش بىرلەسكەن مازمۇنداماسىنىڭ بەلگىلەمەسىنە شىنايى بويسۇنىپ، ءارقانداي جەلەۋمەن، ءارقانداي تاسىلمەن ا ق ش پەن تايۋاننىڭ اسكەري بايلانىسىن كۇشەيتىپ جانە تايۋاندى قارۋلاندىرىپ، تايۋان بۇعازىنىڭ شيەلەنىستى جاعدايىن تۋدىراتىن فاكتوردى توقتاتىپ، ’تايۋاندى دەربەستەندىرۋدى‘ كوزدەيتىن بولشەكتەۋشى كۇشتەردىڭ ’قارۋ ارقىلى دەربەستەندىرۋىن‘ ويىن ەركىنە جىبەرۋدى، قولداۋدى توقتاتۋعا قۋزايمىز. ءارقانداي ادام جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋداعى بەرىك بەكىمىن، بەرىك جىگەرىن جانە قۇدىرەتتى قۋاتىن تومەن مولشەرلەمەۋى كەرەك“ دەدى اقپارات مالىمدەمەشىسى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved