شينجياڭ ءوندىرىس - قۇرىلىس بيڭتۋانى پارتكومىنىڭ بۇرىنعى تۇراقتى مۇشەسى، بۇرىنعى ورىنباسار سىليڭيۋانى جياۋ شياۋپيڭ تارتىپكە، زاڭعا اۋىر دارەجەدە قايشىلىق جاساعاندىقتان پارتيادان شىعارىلدى جانە ۇكىمەت قىزمەتىنەن بوساتىلدى
2023.07.28 16:05 كەلۋ قاينارى : حالىق تورابى
حالىق گازەتىنىڭ 7 - ايدىڭ 27 - كۇنى بەرگەن حابارى. ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى شينجياڭ ءوندىرىس - قۇرىلىس بيڭتۋانى پارتكومىنىڭ بۇرىنعى تۇراقتى مۇشەسى، بۇرىنعى ورىنباسار سىليڭيۋانى، جۇڭگو شينجيان توپ سەرىكتەستىگىنىڭ بۇرىنعى ورىنباسار ديرەكتورى جياۋ شياۋپيڭنىڭ تارتىپكە، زاڭعا اۋىر دارەجەدە قايشىلىق جاساۋ دەلوسى جونىندە دەلو تۇرعىزىلىپ، تەكتەۋ جانە تەكسەرۋ جۇرگىزدى.
تەكسەرۋگە قاراعاندا، جياۋ شياۋپيڭ مۇرات - سەنىمنەن ايرىلىپ، اسىلگى ماقسات پەن بورىشتان بەزگەن، ساياسي تانىمنان جۇرداي بولىپ، جاڭا دامۋ تانىمىنا قايشى كەلىپ، كومىر قىشقىل گازىن ىعىستىرۋدىڭ ەڭ جوعارعى شەگىنە جەتىپ، كومىر قىشقىل گازىن بەيتاراپتاندىرۋعا جانە ستراتەگيالىق نىسانانى اتقارۋعا كەدەرگىلىك جاساعان؛ پارتيا ورتالىق كوميتەتىنىڭ چينليڭ ەكولوگيالىق ورتاسىن قورعاۋ جونىندەگى ماڭىزدى تالاپتارىمەن ساناسپاي، ءوز بىلگەنىنشە ىستەپ، ەرەكشە قارىم - قاتىناسى بار ادامداردىڭ چينليڭ وڭىرىندە شاعىن سۋ ەلەكتر ستانسياسىن سالۋىنا قولداۋ كورسەتىپ، چينليڭ ءوڭىرىنىڭ ەكولوگياسىن بۇلدىرگەن؛ پارتيا ورتالىق كوميتەتىنىڭ شەشىمدەرىن، ورنالاستىرۋلارىن اتقارۋدا فورماسىن وزگەرتىپ، اۋەننەن جاڭىلعان، ۇكىمەتتىڭ كومەسكى قارىز حاۋپىن اسقىندىرعان، فينانس حاۋىپسىزدىگىنە كومەسكى قاتەر تۋدىرعان. ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلىپ، بەلگىلەمەگە قايشى تۇردە زاتتاي، اقشالاي تارتۋ تارالعى، تۇتىنۋ كارتۋچكاسىن العان، ۇكىمەت قىزمەتىن ءادىل اتقارۋعا ىقپال جاساۋ ىقتيمالدىعى بار قوناعاسىعا بارعان؛ ۇيىمدىق پرينسيپكە قايشى كەلىپ، كادرلاردى تاڭداپ مىندەتكە قويۋ بارىسىندا تۋىستارىنىڭ مۇددەسىن كوزدەگەن؛ بەلگىلەمەگە قايشى تۇردە جارنا ۇقىعىن قابىلداعان، ساۋدامەن اينالىسىپ، كاسىپورىن قۇرعان، جارنا بازارىنا شىقپاعان سەرىكتەستىكتىڭ جارناسىنا يە بولعان، قوسىمشا جۇمىس ىستەپ، ەڭبەكاقىعا يە بولعان، تۋىستارىنىڭ، ەرەكشە قارىم - قاتىناسى بار ادامداردىڭ مۇددەسىن كوزدەگەن؛ ۇقىق پەن اقشا ساۋداسىنا بەرىلىپ، قىزمەت مىندەتىندەگى قولايلىلىقتاردان پايدالانىپ، قارىز الۋدى تەكسەرىپ ماقۇلداۋ، قارىز ىستەرىنە بايلانىستى قايتادان جاساقتاۋ قاتارلى جاقتاردا باسقالاردىڭ مۇددەسىن كۇيتتەگەن ءارى ولاردان زاڭسىز تۇردە قوماقتى مال - مۇلىك قابىلداعان.
جياۋ شياۋپيڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىستىق جاقتاعى تارتىبىنە اۋىر دارەجەدە قايشىلىق جاساپ، قىزمەت جاعىندا زاڭعا اۋىر دارەجەدە قايشى كەلگەن ءارى پارا الۋ قىلمىسىن وتكىزدى دەگەن كۇمان تۋدىرعان، ونىڭ ۇستىنە، پارتيا 18 - قۇرىلتايىنان كەيىن دە ايىلىن جيماعان، قولىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسى ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىن اكىمشىلىك جاقتان جازالاۋ زاڭى» قاتارلى قاتىستى بەلگىلەمەلەرگە نەگىزدەلىپ، ورتالىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىس اشىپ زەرتتەۋ جانە ج ك پ ورتالىق كوميتەتىنە جولداپ بەكىتۋىنەن وتكىزۋ ارقىلى، جياۋ شياۋپيڭگە پارتيادان شىعارۋ جازاسىن بەرۋدى ۇيعاردى؛ مەملەكەتتىك باقىلاۋ كوميتەتى وعان ۇكىمەت قىزمەتىنەن بوساتۋ جازاسىن بەردى؛ ونىڭ تارتىپكە، زاڭعا قايشى قول جەتكىزگەن تابىستارىن ءمۇسادىرالادى؛ ول قىلمىس وتكىزدى دەگەن كۇمان تۋدىرعان ماسەلەلەردى پروكۋراتۋرا ورگاندارىنىڭ زاڭ بويىنشا تەكتەپ، شاعىم ايتۋىنا جوتكەپ بەردى، وسىعان قاتىستى مال - مۇلكى دە بىرگە جوتكەلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
