قازاقستانعا ساياحاتتاۋعا قولايلى بولدى، 14 كۇنگە ۆيزاسىز وتۋگە بولادى
انار بۇلت \ شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشىسى قۋانىش ءناسيحات
2023.07.21 13:40 كەلۋ قاينارى : حالىق تورابى
سۋرەتتە: جۇڭگولىق ساياحاتشىلار جۇڭگو - قازاقستان حالىقارالىق تاس جول جولاۋشى تاسىمالى (ساياحات) كەزەكشى اۆتوبۋسىمەن شەكارادان شىعىپ، قازاقستاننىڭ شىعىس قازاقستان وبلىسى زايسان اۋدانىنا بارىپ ساياحاتتاۋ، تىنىعىپ ەمدەلۋ ساپارىن باستاۋعا دايىندالۋدا.
جۇڭگولىق 41 ساياحاتشى 7 - ايدىڭ 20 - كۇنى جۇڭگو - قازاقستان حالىقارالىق تاس جول جولاۋشى تاسىمالى (ساياحات) كەزەكشى اۆتوبۋسىمەن جەمەنەي وتكەلى ارقىلى شەكارادان شىعىپ، قازاقستاننىڭ شىعىس قازاقستان وبلىسى زايسان اۋدانىنا بارىپ ساياحاتتاۋ، تىنىعىپ ەمدەلۋ ساپارىن باستادى.
”مەن جەمەنەي وتكەلى ارقىلى جولاۋشىلاردى كەدەننەن وتكىزۋدىڭ قالپىنا كەلتىرىلگەنىن ينتەرنەت تەكشەسىنەن ۇعىپ، قاتتى قۋاندىم. قازىر قازاقستان ءبىزدىڭ جۇڭگو ازاماتتارىنا جەكە ءىس، ساۋدا ىستەرى جانە ساياحاتتاۋ قاتارلى تۇرلەر بويىنشا شەكارادان 14 كۇنگە ۆيزاسىز وتۋگە رۇقسات بەرۋ ساياساتىن اتقاردى، پاسپورتتى كورسەتىپ قانا كەدەننەن وتۋگە بولادى، وتە قولايلى“، — دەدى ۇرىمجىلىك ساياحاتشى ۋاڭ فەي.
7 - ايدىڭ 17 - كۇنى، جەمەنەي وتكەلىندە جولاۋشىلاردى كەدەننەن وتكىزۋ جاپپاي قالپىنا كەلتىرىلدى، ىلە - شالا، جەمەنەي اۋدانى التاي تاۋىن اينالىپ جۇڭگو - قازاقستان - رەسەي - موڭعۇليا ەلدەرىنە 12 كۇن شەكارا اتتاپ ساياحاتتاۋ جەلىسى، شىعىس قازاقستان وبلىسىندا شەتەلدىڭ كورىكتى كورىنىسىن تاماشالاۋ 5 كۇندىك تاڭداۋلى ساياحات جەلىسى، جەمەنەي وتكەلىنەن قازاقستاننىڭ شىعىس قازاقستان وبلىسى زايسان اۋدانىنا باراتىن 3 كۇندىك ساياحات جەلىسى قاتارلى قيمىلداردى ورنالاستىردى.
جۋىردا، ەل ىشىندەگى ساياحات سەرىكتەستىكتەرىنىڭ جاۋاپتىلارى دا قازاقستانعا بارىپ، ساياحات جەلىلەرىن تەكسەرىپ، تاماقتانۋ، جاتىن ورىن، ءجۇرىس - تۇرىس، ساياحاتتاۋ، زات ساتىپ الۋ، كوڭىل اشۋ قاتارلى جاقتار تۋرالى تەكسەرۋ جۇرگىزىپ، كەيىنگى ۋاقىتتا ساياحات ۇيىرمەسىن شەكارادان شىعارۋعا دايىندىق جاسادى.
”مەن ساياحات جەلىسىن تەكسەرۋ ءۇشىن جەمەنەيگە ارنايى كەلدىم، جەمەنەي وتكەلى ارقىلى شەكارادان شىعىپ ساياحاتتاۋدى اناعۇرلىم كوپ ساياحاتشىلارعا تانىستىرۋدى، اناعۇرلىم كوپ ساياحاتشىلاردى جەمەنەي وتكەلى ارقىلى شەكارادان ءوتىپ، شەتەلدىڭ كوركىن تاماشالاۋعا ۇيىمداستىرۋدى ويلايمىن“، — دەدى شينجياڭداعى جۇڭگو ساياحات مەكەمەسى جيارى حالىقارالىق ساياحات سەرىكتەستىگىنىڭ شەكارادان شىعۋ ىستەرىنە جاۋاپتىسى چىن جىنحۋا.
جەمەنەي اۋداندىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ مادەنيەت - ساياحات كاسىپ سالاسى ءبولىمىنىڭ ورىنباسار مەڭگەرۋشىسى ليۋ شۋرۇڭ: ”ءبىز شەكارا ءىشى - سىرتىنداعى ەكى بازاردىڭ بايلىق ابزالدىلىعىن ويداعىداي پايدالانىپ، جەمەنەي اۋدانىنىڭ ءتورت ماۋسىمدىق ساياحاتىن جەدەل ىلگەرىلەتۋىمىز كەرەك“، — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
