شينجياڭ جەمەنەي وتكەلىندە شەكارادان كىرىپ - شىعاتىن جولاۋشى تاسىمالى اۆتوموبيلدەرىن كەدەننەن وتكىزۋ رەسمي قالپىنا كەلتىرىلدى

2023.07.18 13:44 كەلۋ قاينارى : حالىق تورابى

　　سۋرەتتە: قازاقستاننان كەلگەن اۆتوبۋس شەكارالىق تەكسەرۋدەن ءوتۋدى كۇتۋدە.

　　جۇڭگو اقپارات اگەنتتىگىنىڭ 7 - ايدىڭ 17 - كۇنى بەرگەن حابارى (لي سىن، قۋانىش ناسيحات، جاۋ جينلۇڭ) شينجياڭ جەمەنەي وتكەلى ارقىلى شەكارادان كىرىپ - شىعاتىن جولاۋشى تاسىمالى اۆتوموبيلدەرىن كەدەننەن وتكىزۋ 7 - ايدىڭ 17 - كۇنى رەسمي قالپىنا كەلتىرىلدى، شەكارادان كىرگەن 140 نەشە جولاۋشى كەدەننەن ءساتتى ءوتتى.

　　التاي ايماعى شىڭگىل اۋدانى شاعانعول اۋىلىنىڭ تۇرعىنى گۇلجاز كادىرحان قىزى سول كۇنى شەكارادان كىرگەن جولاۋشىلاردىڭ ءبىرى، ول: ”مەن 7 - ايدىڭ 12 - كۇنى شينجياڭ قورعاس وتكەلى ارقىلى شەكارادان شىققان بولاتىنمىن، جەمەنەي وتكەلى جولاۋشى تاسىمالى اۆتوموبيلىن كەدەننەن وتكىزۋدى قالپىنا كەلتىردى دەگەندى ەستىپ، دەرەۋ وسىلاي كەلدىم، شىنىمەن دە وتە كوڭىلدىمىن، بۇل جەردەن ۇيگە قايتۋىم اناعۇرلىم جاقىن بولادى“، — دەدى.

　　جەمەنەي شەكارادان كىرىپ - شىعۋ ورنى شەكارالىق قورعانىس تەكسەرۋ بەكەتى شەكارالىق قورعانىس باسقارماسىنىڭ ورىنباسار باستىعى مىڭ يۋاننىڭ ايتۋىنشا، اتالعان بەكەت ساياساتتى رەتتەۋ شارالارىنا وكشەلەي ىلەسىپ، جولاۋشى سانى مەن تۋىلۋى مۇمكىن بولاتىن جاعدايلارعا عىلىمي تۇردە تۇجىرىم جاساپ، شەكارادان كىرىپ - شىعۋ ءتارتىبىن ۇزدىكسىز جاقسارتىپ، وتكەلدىڭ حاۋىپسىزدىگىن، ءتارتىبىن، كەدەننەن وتكىزۋدىڭ ۇتىمدىلىعىن كۇش سالا قامتاماسىزداندىرىپ، جەرگىلىكتى ورىننىڭ ەكونوميكاسىنىڭ دامۋى مەن ەكى ەلدىڭ شەكاراسىنداعى تۇرعىنداردىڭ كىرىسىن ارتتىرۋىنا، تابىس تابۋىنا شارت - جاعداي جاراتتى.

　　جەمەنەي وتكەلى كوميتەتىنىڭ مەڭگەرۋشىسى نۇرمۇقامەتتىڭ ايتۋىنشا، ءبىرىنشى توپتا شەكارادان شىققان جولاۋشىلار نەگىزىنەن شەكارادان شىعىپ ساياحاتتايتىندار مەن تۋىسشىلايتىندار. قازىر بەلگىلەمەگە نەگىزدەلگەندە، جەكە ىسپەن، ساۋدالىق قيمىل نەمەسە ساياحات قاتارلى ىستەرمەن جۇڭگو ازاماتتارىنىڭ قازاقستان شەكاراسىنان ۆيزاسىز وتۋىنە بولادى ءارى 14 كۇن تۇراقتاپ تۇرۋىنا بولادى.

　　بيىل جىل باسىنان بەرى، شينجياڭداعى قورعاس، الاتاۋ ساعاسى، ەركەشتام، تايكەشكەن، تورعات قاتارلى وتكەلدەر جولاۋشى تاسىمالى اۆتوموبيلدەرىن كەدەننەن وتكىزۋدى ىلگەرىندى - كەيىندى قالپىنا كەلتىردى. شينجياڭ 8 مەملەكەتپەن شەكارالاسادى، شەتەلگە اشىق ۇستالاتىن 20 وتكەل بار، ونىڭ 17 سى قۇرلىقتىق وتكەل، ۇشەۋى اۆياتسيالىق وتكەل.

　　كەلۋ قاينارى: حالىق تورابى

سۋرەتتە: جولاۋشىلار كەدەندەگى تەكسەرۋدەن تارتىپپەن وتۋدە. لي سىن فوتوسى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved