گۋيۋانشياڭ الەۋمەتتىك اۋماعى:
نيەتتەس، ساپارلاس بولىپ، باقىتتى مەكەندى بىرگە قۇردى
□ انار بۇلت \ شينجياڭ گازەتىنىڭ ءتىلشىسى رىن چۇنشياڭ
2023.07.17 16:11 كەلۋ قاينارى : شينجياڭ گازەتى
ءۇرىمجىنىڭ جازى شىلىڭگىر ىستىق، كەشكە تاياۋ ىستىق لەپتىڭ بەتى ءسال قايتا باستادى، الايدا تيانشان رايونىنداعى گۋيۋانشياڭ الەۋمەتتىك اۋماعىندا ”ىستىق جالىن“ باسەيە قويعانى جوق. اعاش ساياسى استىندا الەۋمەتتىك اۋماقتاعى شاعىن الاڭدا شادىمان كۇلكى داۋىسى كوتەرىلدى، ءار ۇلت تۇرعىندارى ءان ايتىپ، بيگە باسىپ، ءدامدى تاعامداردان بىرگە اۋىز ءتيدى. 6 - ايدىڭ 25 - كۇنى كەشتە الەۋمەتتىك اۋماق وتباسىلار قوناعاسى ءدال وسى ارادا دۋماندى وتكىزىلدى.
ءبىر جىلدىڭ الدىندا، باس شۋجي شي جينپيڭ گۋيۋانشياڭ الەۋمەتتىك اۋماعىنا كەلىپ، ءار ۇلت بۇقاراسىمەن بەتپە - بەت اڭگىمەلەسىپ، بىرگە اڭگىمە دۇكەنىن قۇرىپ، بۇگىنگى مەن كەشەگى تۋرالى اڭگىمەلەسىپ، حال - جاعداي ۇعىسقان ەدى. باس شۋجي بىلاي دەپ باسا دارىپتەدى: ۇلتتار ىنتىماعى − ەلىمىزدەگى ءار ۇلت حالقىنىڭ جان تامىرى، شينجياڭداعى ءار ۇلت − جۇڭحۋا ۇلتى ۇلى شاڭىراعىنىڭ بولىنبەس مۇشەسى، تىنىش، ىنتىماقتى اسا تاماشا جاعدايدى بارىنشا قادىرلەپ، 56 ۇلت جۇدىرىقتاي جۇمىلىپ، قۇنىتتى دا ۇقىپتى بولىپ، ءبىر نيەتپەن كۇش بىرىكتىرىپ، اسقاق جىگەرمەن قايراتتانا ۇمتىلىپ، پارتيانىڭ باسشىلىعىندا ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن جالعاستىرا كۇرەس جۇرگىزۋ كەرەك.
باس شۋجيدىڭ تەرەڭ سۇيىسپەنشىلىكپەن قامىمىزدى جەگەن ىقىلاستى تاپسىرماسى ءار ۇلت بۇقاراسىنىڭ جۇرەگىن جىلىتتى، سونداي - اق كوپشىلىكتى ايرىقشا جەلپىندىردى. ءبىر جىلدان بەرى، گۋيۋانشياڭ الەۋمەتتىك اۋماعى باي مازمۇندى قيمىلدار ارقىلى ۇلتتار ىنتىماعى، العاباسارلىعى بويىنشا وزات ورىن قۇرۋ قىزمەتىن ىشكەرىلەي ورىستەتتى، ءار ۇلت تۇرعىندارى بىرگە تۇرۋ، بىرگە ۇيرەنۋ، بىرگە قىزمەت ىستەۋ، بىرگە كوڭىل اشۋ بارىسىندا ارالاستى، ىشتەستى، توعىستى.
68 جاستاعى لي ليمين ءبىر تاباق مايعا پىسىرىلگەن توقاشىن كوتەرىپ، جۇپ قۇراعان تۋىسى ابدوللا نۇرمامەتپەن ءبىر ۇستەلگە وتىردى. ”سەنىڭ الدىڭعى جولى دايىنداعان حۋاڭميانىڭ توتەنشە ءدامدى ەكەن، بۇگىن مەنىڭ قولىمنان ءدام تاتىپ كور“. ول مايعا پىسىرىلگەن توقاشتى وزىنەن 10 جاس كىشى ىنىسىنە ءبولىپ بەردى، ابدوللا اكەلگەن گانبيان قۋىرما لاعىماننان ءدام تاتتى. ”سەنىڭ پىسىرگەنىڭ توتەنشە ءدامدى ەكەن، سەن جاساعان پالاۋدى دا ۇناتىپ جەيمىن“، - دەدى.
ءار ۇلت تۇرعىندارى ۇستەلدى اينالا وتىرىپ، ءبىر وتباسىنىڭ ادامدارىنداي شاتتىققا شومدى. گۋيۋانشياڭ الەۋمەتتىك اۋماعىنىڭ ءدال وسىنداي وتباسىلار قوناعاسىن وتكىزگەنىنە 10 جىلعا تايادى، ءار جولعى مەرەكە - مەيرامدا ءار ۇلت تۇرعىندارىنىڭ ءبىر ارادا باس قوسۋى داستۇرگە اينالعان.
لي ليمين كەزىككەندەردىڭ بارلىعىنا ابدوللانىڭ وزىنە قارايلاسقانىن اۋزىنان تاستاماي ايتىپ جۇرەدى، ادەتتە ونىڭ ۇيىندەگى ۇلكەندى - كىشىلى جۇمىستاردىڭ بارلىعىندا ابدوللا ءار دايىم كومەكتەسىپ تۇرادى. بىرنەشە كۇننىڭ الدىندا ونىڭ ۇيىندەگى گاز وشاعى جانباي قالادى، ونىڭ اۋلادا اڭگىمەلەسىپ وتىرعاندا ءسوز سىرالعىسى رەتىندە ايتقان سوزىنە ابدوللا ءمان بەرىپ، ونى ەرتىپ توتە ۇيىنە بارىپ تەكسەرىپ انىقتاعاننان كەيىن بارىپ كوڭىلى جاي تابادى.
لي ليمين تەبىرەنە بىلاي دەيدى: الەۋمەتتىك اۋماعىمىزدا كورشىلەر ارا قارىم - قاتىناس ەجەلدەن توتەنشە جاقسى، كوپشىلىك بوس ۋاقىتتارىندا ءبىر - ءبىرىنىڭ ۇيىنە قىدىرىپ، اڭگىمەلەسىپ تۇرادى، جاقسى كورشىلەردىڭ سەرىك بولۋىندا، كومەكتەسۋىندە مەن ەشقاشان جالعىزسىراعان ەمەسپىن.
دۋماندى وتباسىلار قوناعاسى سوڭعى مارەسىنە تاياپ قالعانىمەن، الاڭ ماڭىنداعى ”گۋيۋانداعى“ شاتتىققا شومعان بەينەنىڭ لەبى قايتا قويماعان ەدى. ”گۋيۋان“ گۋيۋانشياڭ الەۋمەتتىك اۋماعىنىڭ بيىل 3 - ايدا جاڭادان سالعان كوڭىل اشاتىن قيمىل الاڭى، تۇرعىندار وسى ارادا شاحمات ويناپ، اڭگىمەلەسىپ، بالالار التىباقان تەۋىپ، قوقاق وينايدى.
ابىلەت تۇرسۇن وتباسىلار قوناعاسىنا قاتىناسىپ بولعاننان كەيىن ”گۋيۋانعا“ كەلىپ كونە كورشىلەرىنىڭ شاحمات ويناعانىن تاماشالاپ، باس شۋجيدىڭ ۇيىنە بارعان كەزدەگى كورىنىستى ەسكە الىپ، جانارى جاسقا تولدى، باس شۋجيدىڭ قامقورلىعى ونى جانە وتباسىنداعىلاردى شەكسىز مەيىرگە بولەدى، ءبىر جىلدان بەرگى وزگەرىستەر ءسوز بولعاندا، ونىڭ جۇزىنەن كۇلكى ويناپ شىعا كەلدى.
ابىلەتتىڭ ۇلكەن نەمەرە قىزى بىلتىر شاڭحايداعى ءبىر داشۋەگە قابىلدانادى، ەكى كىشكەنە نەمەرەسى ءبىرىنشى جىلدىقتا وقيدى، بالالارىنىڭ ءبارى تاماشا وقۋ - اعارتۋدى قابىلداعانىنا جۇبايى ەكەۋى قاباعات قۋانىشتا.
ابىلەت بىلاي دەدى: الەۋمەتتىك اۋماقتا دا وزگەرىس كوپ، بىلتىر باس شۋجي كەلگەن كەزدە مىنا اعاش ساياسىنىڭ استىندا تەك كىشكەنە تاس ۇستەل - ورىندىق عانا بار بولاتىن، قازىر قاراڭىزشى، جاڭادان سايا بولاتىن اعاش قالتقى جاسادى، ۇستەل - ورىندىق بەكىتتى، ۇلكەندەر مەن بالالاردىڭ بارلىعىنىڭ وينايتىن جەرى بار، قانداي جاقسى!
”گۋيۋاننىڭ“ سالىنۋى گۋيۋانشياڭ الەۋمەتتىك اۋماعىنىڭ ءۇش ءتۇرلى تىزىمدىكتى تياناقتاندىرۋ جەتىستىكتەرىنىڭ ءبىرى. الەۋمەتتىك اۋماقتىڭ ءبىر بەكەتتىك حالىققا قولايلى قىزمەت وتەۋ زالىندا تىلشىلەر كورسەتپە تام قابىرعاسىندا ورىندالىپ بولعان ءۇش ءتۇرلى تىزىمدىكتىڭ بارعان سايىن كوبەيگەنىن كوردى.
ءبىر جىلدان بەرى گۋيۋانشياڭ الەۋمەتتىك اۋماعى تۇرعىندار ۋاكىلدەرىن جيىپ، قولامتالى، قيىن ماسەلەلەردى تالقىلاپ اقىلداستى، ءۇش ءتۇرلى تىزىمدىكتى رەتتەپ، جاڭالاپ، تۇرعىنداردى ۋايىمداتقان ىستەردى، مازالاعان ىستەردى، الاڭداتقان ىستەردى ءبىر - بىرلەپ ويداعىداي شەشتى. قازىر 300 شارشى مەتردەن استام تۇرعىندار قيمىل ورتالىعى وزگەرتىلىپ سالىنىپ بولدى، حاتكەرلىك، سۋرەت ءۇيى سالىندى، مادەنيەت كوڭىل اشۋ ءدالىزى قۇرىلدى، 15 مينۋتتىق حالىققا قولايلى قىزمەت وتەۋ شەڭبەرى دە قالىپتاستى.
گۋيۋانشياڭ الەۋمەتتىك اۋماعى پارتيا باس ياچەيكاسىنىڭ شۋجيى جاڭ ياۋ - ۋىن باس شۋجيدىڭ تاپسىرماسىن قاي - قاشان دا ەسىندە بەرىك ساقتادى. ”باس شۋجي الەۋمەتتىك اۋماق قىزمەتىنە ايرىقشا ءمان بەرەدى، ول بىزگە الەۋمەتتىك اۋماقتىڭ توتەنشە ماڭىزدى ەكەندىگىن قاداعالادى، تال - تال ءجىپتى ءبىر ينە ساباقتاستىرادى، كوپتەگەن قىزمەتتىڭ بارلىعى الەۋمەتتىك اۋماقتىڭ ارقاسىندا ورىندالادى. ءبىز قىزمەتتى نەگىزگى ساتىعا ءتۇسىرىپ، ءسوز جوق، حالىقپەن ەتەنە بولىپ، ءار ۇلت تۇرعىندارىنىڭ ارمانىن، ويىن، تىلەگىن ۇعىسىپ، قىزمەتىمىزدى كوپشىلىكتىڭ قاجەتىنە قاراي ىستەۋىمىز كەرەك“. ول بىلاي دەدى: ءبىر جىلدان بەرى الەۋمەتتىك اۋماق قىزمەتكەرلەرى باس شۋجيدىڭ ىقىلاستى تاپسىرماسىن نەگىزگى ساتى الەۋمەتتىك اۋماعىن جونگە سالۋدىڭ قۋاتتى قوزعاۋشى كۇشىنە اينالدىرىپ، الەۋمەتتىك اۋماقتى جونگە سالۋدى ەگجەي - تەگجەيلىلەندىرۋ، كوپ نەگىزدەندىرۋ، زەردەلىلەندىرۋ جاعىندا جاڭالىق اشۋدا جانە ونى ىلگەرىلەتۋدە زور ىلگەرىلەۋشىلىككە قول جەتكىزدى.
نازاردى ”قارتتارعا“ شوعىرلاندىردى، الەۋمەتتىك اۋماق كادرلارى قارتتاردىڭ ۇيىنە بارىپ زەردەلى تەلەفون ىستەتۋدى ۇيرەتىپ، قارتتاردىڭ سيفرلى داۋىرگە جاناسۋىنا كومەكتەستى. حالىققا قولايلى شارالاردى جالپىلاستىرعاننان كەيىن، ％90 جۇمىستى الەۋمەتتىك اۋماقتا ءبىر جايلى ەتۋ جۇزەگە اسىرىلدى. نازاردى ”بالالارعا“ شوعىرلاندىردى، وسى جازدىق دەمالىستا الەۋمەتتىك اۋماق شينجياڭ قازىنا - ەكونوميكا داشۋەسىنىڭ جۇڭگو ءتىل مادەنيەتى شۋەيۋانىمەن بىرلەسىپ، 20 نەشە ستۋدەنت ەرىكتى الەۋمەتتىك اۋماقتىڭ ”اشىق - جارقىن ازامات“ جاستار - ورەندەر ۇيىنە كەلىپ، ولەڭ جاتتاۋ، حاتكەرلىك، سۋرەت سالۋ، دويبى ويناۋ ءتۇرى سياقتى قيمىلداردى ورىستەتتى.
6 جاستاعى ءزۇبايدا اجىمامەت مانەرىمەن، اۋەنى مەن سەزىمىن سايكەستىرىپ جاڭادان ۇيرەنگەن «فىڭچياۋ كولىندەگى كەش» اتتى بايىرعى زامان ولەڭىن جاتقا وقىدى. وسى جازدىق دەمالىستا ول ءار كۇنى الەۋمەتتىك اۋماقتىڭ ولەڭ ساباعىنا قاتىناسىپ ءجۇر، ول ولەڭ ۇيرەتۋشى مۇعالىمى ۋاڭ شياۋتۇڭنىڭ قاسىنان ايرىلماي، انانى - مىنانى سۇراعاندى ۇناتادى.
ۋاڭ شياۋتۇڭ شينجياڭ قازىنا - ەكونوميكا داشۋەسىنىڭ جۇڭگو ءتىل مادەنيەتى شۋەيۋانىنىڭ 3 - جىلدىق وقۋشىسى، بالالارعا ولەڭ، قيما سۋرەت، حاتكەرلىك ۇيرەتەدى، بالالاردىڭ بەت الپەتىنەن، جانارلارىنان ولاردىڭ جۇڭحۋانىڭ تاڭداۋلى ءداستۇرلى مادەنيەتىنە ايرىقشا قىزىعاتىنىن بايقادى. ۋاڭ شياۋتۇڭ بىلاي دەدى: بالالار وتە تەز ۇيرەنەدى، ولاردىڭ ءوز ونەرلەرىن كورسەتۋگە اۋەستىگى، وزدەرىنە توتەنشە سەنىمدى بەينەسى مەنى اسەرلەندىردى.
قاس قارايعان شاق، اۋلانىڭ ىشىندە فۋتبول تەپكەن بالالار شارشاعاندارىن ۇمىتىپ جۇگىرىپ ءجۇر، قارتتار نۇر شاشقان سارى ءتۇستى شىراق استىندا اڭگىمە دۇكەن قۇرۋدا. اۋلانىڭ سىرتىندا كوشە بويىنداعى دۇكەندەردىڭ شىراعى سامالاداي سامسىعان، كوشە بويىندا تۇرعىندار سالقىنداپ وتىر، جاقىن ماڭداعى جاياۋلار كوشەسىندە ساياحاتشىلار قايشالىسادى. مەيىرىمدى، دۋماندى تىرشىلىك تىنىسىندا ادامداردىڭ جۇزىنەن قۋانىش لەبى ەسىپ، اڭگىمەلەرىنەن سەنىمدىلىك مەن مۇندالاپ، گۋيۋانشياڭنىڭ باقىتتى تۇرمىسىن ەستەلىككە الۋدا.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
