ءورت كەتكەن ۇيدەگى بالانى قۇتقارىپ شىقتى
2023.07.17 15:24 كەلۋ قاينارى : حالىق تورابى
جۋىردا ينتەرنەتتە تارالعان كەسكىندى كورگەندەردىڭ بارلىعى اسەرلەندى، كەسكىندەگى تەرەزەگە ورمەلەپ شىعىپ بالانى قۇتقارعان ازاماتتىڭ ەرلىگىنە تاڭ قالدى.
7 - ايدىڭ 13 - كۇنى تۇستەن كەيىن، جينان قالاسىنداعى ءبىر تۇرعىندار اۋماعىنداعى 2- قاباتتاعى ۇيگە ءورت كەتىپ، قويۋ ءتۇتىن بۋداقتاپ، ءورت بارعان سايىن ۇلعايدى، ءبىر قىز بالا تەرەزەنىڭ جاقتاۋىندا قايتەرىن بىلمەي جىلاپ وتىردى.
وسىنداي قيىن - قىستاۋ ساتتە كورشى جىگىت شىعا كەلىپ، ەشقانداي قورعانۋ شاراسى جوق جاعدايدا ول تەرەزەنىڭ سىرتىنان قۇر قول ورمەلەپ، ەكىنشى قاباتتاعى اۋا تەڭشەگىش ورناتىلعان تار قۋىسقا جەتىپ، بالانىڭ قاسىنا باردى.
ول بالانى قۇتقارعان سوڭ، ەكەۋى اۋا تەڭشەگىش ورناتىلعان قۋىسقا قايتىپ كەلىپ، ءورت وشىرۋشىلەردىڭ كەلۋىن كۇتەدى، وسى بارىستا جىگىت بالاقايدىڭ بىلەگىنەن مىقتاپ ۇستاپ وتىرادى، ەكەۋى حاۋىپسىز ورىنعا جوتكەلگەن سوڭ كوپ وتپەي، تەرەزەنىڭ ىشكى جاعىندا قوپارىلىس تۋىلادى، ءورت ءوشىرۋشى قىزمەتكەرلەر تەز اردا ورت كەتكەن جەرگە كەلىپ جەتەدى، ولار ساتى قويعان سوڭ، جىگىت الدىمەن ساتىنى ۇستاپ تۇرىپ، بالا حاۋىپسىز ورىنعا جەتكەن سوڭ، ءوزى دە ساتىمەن جەرگە تۇسەدى.
15 مينۋت شۇعىل قۇتقارۋ ارقىلى ءورت جالىنى ءوشىرىلدى، ءورت 2 - قاباتتاعى بولمە ىشىندە ەلەكترلى ۆەلوسيپەتتى زاريادتاۋدىڭ سەبەبىنەن تۋىلعان ەكەن، ءورت اپاتىندا ءولىم - ءجىتىم، جارالانۋ جاعدايى تۋىلمادى، قىز بالانىڭ وتباسىنداعى ءۇش ادام ەمحاناعا جەتكىزىلدى.
ورتتە بالاقايدى قۇتقارعان جىگىت بۇگىن اقىرى تابىلدى، ونىڭ ەسىمى شۇي لياڭ، بيىل 31 جاستا، اسكەري مىندەتتەن بوساعان اسكەر، كەزىندە قارۋلى ساقشى گانسۋ باس اترەتى گاننان بولىمشە اترەتىندە مىندەت وتەگەن.
شۇي لياڭ تىلشىگە: ۇيدەگىلەر سول كەزدە ەشقانداي حاۋىپسىزدىك شارالارىنىڭ قولدانىلماعانىن بىلگەن سوڭ قاتتى قورىقتى، — دەيدى.
شۇي لياڭنىڭ قايىن اپاسى بۇل ءىستى بىلگەن سوڭ، جانارىنان جاس پارلاپ: ”حاۋىپكە ۇشىراعان ادامعا كومەكتەسكەن دەگەن، ارينە، جاقسى ءىس، ۇيدەگى بىرەۋى 6 جاستاعى، ەندى بىرەۋى تەك ءبىر جاستاعى بالالارىن ويلاسام شوشىپ كەتەمىن، ءبىر ءتاۋىرى بالانى دا قۇتقارىپتى، ءوزى دە امان - ەسەن ەكەن، كورشىلەرىم كۇيەۋ بالاڭ جاقسى ەكەن دەپ ماقتادى“، — دەدى.
شۇي لياڭ بالانى قۇتقارۋ ونىڭ ىستەۋگە ءتيىستى ءىسى ەكەنىن، اۋىزعا الۋعا تاتىمايتىنىن ايتتى: ”مەن اسكەري مىندەتتەن بوساعان اسكەرمىن، وسىنداي وڭ ەنەرگيانى ۇزدىكسىز جالعاستىرا بەرۋدى ءۇمىت ەتەمىن“، — دەدى.
قۇتقارىلعان قىز بالانىڭ اكەسى بۋلىعا ءتىل قاتىپ: ءورت كەتكەن كەزدە بالام مەن ايەلىمنىڭ ”قۇتقارىڭدار“ دەگەن داۋىسىن ەستي المادىم دا، ءبارى دە بىتكەن ەكەن دەگەن ويعا كەلدىم. ول مەنىڭ قىزىما ەكىنشى رەت ءومىر سيلادى، ەگەر مۇمكىندىك بولسا، شۇي لياڭدى بالاما وكىل اكە ەتسەم دەيمىن، — دەدى.
ول ساۋىت كيمەگەنىمەن، ناعىز باتىردىڭ ءوزى ەكەن.
شۇي لياڭنىڭ ارەكەتى ماقتاۋعا تاتيدى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
