ۇيرەنۋ ارقىلى ىسكەرلىكتى جەبەپ، تياناقتاندىرۋدى مىقتى يگەرەتىن تاماشا جاعداي قالىپتاستىردى
− نەگىزگى تاقىرىپتىق تاربيەنى ىلگەرىلەتۋدە ناقتى ونىمدىلىككە قول جەتتى
جۇڭيىن
2023.07.14 15:59 كەلۋ قاينارى : حالىق تورابى
”ىستەۋ بەتالىسىن دۇرىستاپ، ىستەۋ قوزعاۋشى كۇشىن ارتتىرىپ، ىستەۋدىڭ بىرىككەن كۇشىن قالىپتاستىرۋ كەرەك“، باس شۋجي شي جينپيڭ جۋىقتا جياڭسۋدا قىزمەت تەكسەرگەندە ”ۇيرەنۋ ارقىلى ىسكەرلىكتى جەبەۋدى“ توڭىرەكتەي وتىرىپ ايقىن تالاپتاردى ورتاعا قويىپ، ” تياناقتاندىرۋدى مىقتى يگەرۋدىڭ تاماشا جاعدايىن قالىپتاستىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، بەلسەندىلىكپەن، ىرىقتىلىقپەن تياناقتاندىرۋدى يگەرىپ، كوپتىڭ كۇشىن شوعىرلاندىرا وتىرىپ تياناقتاندىرۋدى يگەرىپ، شەگە قاعۋ رۋحىمەن تياناقتاندىرۋدى يگەرىپ، نازاردى ءىس جۇزىندىك ماسەلەلەرگە شوعىرلاندىرا وتىرىپ تياناقتاندىرۋدى يگەرىپ، تياناقتاندىرۋدى يگەرۋدە جاڭا ناقتى ونىمدىلىككە قول جەتكىزۋ كەرەك“ دارىپتەدى.
تياناقتاندىرۋدى يگەرۋ − پارتيانىڭ ساياسي لۋشيانىنىڭ، يدەيالىق لۋشيانىنىڭ، بۇقارالىق لۋشيانىنىڭ ءتۇبىرلى تالابى ءارى باسشى كادرلاردىڭ پارتيالىلىعى مەن ساياسي ناتيجە كوزقاراسىن ولشەيتىن ماڭىزدى بەلگى. بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرى دامۋىنىڭ نىسانالىق مىندەتتەرىن، ستراتەگيالىق ورنالاستىرۋلارىن، كەلەلى شارالارىن جالپى تۇلعالىق جاقتان يگەرىپ، ءوز ءوڭىرىنىڭ، ءوز تاراۋىنىڭ ناقتى ءىس جۇزىندىگىمەن تىعىز ۇشتاستىرىپ، ويداعىداي دايەكتىلەندىرىپ، تياناقتاندىرۋدىڭ ناقتى جوباسىن، ناقتى شاراسىن ويداعىداي اتقارىپ، پارتيا 20 - قۇرىلتايىنىڭ رۋحىن شىن مانىندە تىڭعىلىقتى تياناقتاندىرۋ كەرەك، سوندا عانا جاپپاي سوتسياليستىك وسىزاماندانعان مەملەكەت قۇرۋدا جاقسى باستاما باستاپ، جاقسى قادام تاستاۋعا بولادى. ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىس قاتار ءومىر سۇرەتىن، تۇراقسىز، بولجاۋسىز فاكتورلار كوبەيگەن مەزگىلگە قادام تاستاعانىن، توتەپ بەرۋگە ءتيىستى حاۋىپ - قاتەر، سىن - سايىس، ساقتانۋ جانە شەشۋ قاجەت بولعان قايشىلىقتار مەن ماسەلەلەر بۇرىنعىدان دا اۋىر، كۇردەلى بولاتىنىن جەتە تانۋ كەرەك. وسى رەتكى نەگىزگى تاقىرىپتىق تاربيە ارقىلى قالىڭ پارتيا مۇشەلەرى، كادرلار شي جينپيڭ جاڭا ءداۋىر جۇڭگوشا سوتسياليزم يدەياسىنان قايراتتانا العا ۇمتىلاتىن اقىل - پاراسات پەن كۇش - قۋات قابىلداپ، وندا قامتىلعان باسشىلىق ءادىسىن، يدەيالىق ءادىستى، قىزمەت ءادىسىن قانىق يگەرىپ، مىندەت اتقارىپ، جاۋاپكەرلىكتى ادا ەتۋ قابىلەتى مەن ورەسىن ۇزدىكسىز جوعارىلاتىپ، ءسوزسىز جەڭىسكە جەتۋ سەنىمىن بەكەمدەپ، ستراتەگيالىق سەرگەكتىكتى ساقتاپ، كۇرەس رۋحىن ساۋلەلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن بۇلجىتپاي دايەكتى تياناقتاندىرىپ، جۇڭگو ۇلگىسىندەگى وسىزامانداندىرۋدا تىڭ ىلگەرىلەۋشىلىككە، تىڭ تابىستارعا قول جەتكىزۋدى ىلگەرىلەتۋى كەرەك.
تياناقتاندىرۋدى بەلسەندى، ىرىقتى تۇردە يگەرۋ كەرەك. يدەيا − ارەكەتتىڭ جەتەكشىسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىن، ءادىسناماسىن جانە وعان سىڭىرىلگەن مايدان، كوزقاراس، ادىستەردى جاپپاي يگەرىپ، پارتيا 20 - قۇرىلتايىنىڭ پارتيا مەن مەملەكەت ىستەرىنىڭ دامۋى جونىندەگى كەلەلى باعىت - ساياساتتارى مەن ستراتەگيالىق ورنالاستىرۋلارىنىڭ تاريحي، نازاريالىق، امالياتتىق لوگيكاسىن تەرەڭ ءتۇسىنىپ، ەلىمىزدىڭ دامۋى ءدوپ كەلىپ وتىرعان جاڭا ستراتەگيالىق ورايمەن، جاڭا ستراتەگيالىق مىندەتپەن، جاڭا ستراتەگيالىق كەزەڭمەن، جاڭا ستراتەگيالىق تالاپپەن، جاڭا ستراتەگيالىق ورتامەن تىعىز بايلانىستىرا وتىرىپ، جاپپاي سوتسياليستىك وسىزاماندانعان مەملەكەت قۇرۋدىڭ ءتۇرلى نىسانالىق مىندەتتەرىن جۇزەگە اسىرۋدىڭ جاپالىلىعى مەن كۇردەلىلىگىن جەتە تانىپ، دايەكتى تياناقتاندىرۋ سانالىلىعى مەن تاباندىلىعىن كۇشەيتۋ كەرەك. پارتيانىڭ جاڭالىق جاراتۋ نازارياسىنان پايدالانىپ جاڭا احۋالداردى زەرتتەۋ، جاڭا ماسەلەلەردى شەشۋ، امالياتتى شىعار ءتۇيىن ەتىپ كاسىپ جانە قىزمەتتەردى جوسپارلاۋ، زاتتىڭ ءمانىن، دامۋ زاڭدىلىعىن، قىزمەتتىڭ ماڭىزدى ءتۇيىنىن، ساياساتتىڭ ولشەمىن يگەرۋگە شەبەر بولۋ، قىزمەتتىڭ عىلميلىعىن، بولجامپازدىعىن، بەلسەندىلىگىن، جاسامپازدىعىن كۇشەيتىپ، ورتاعا قويىلعان امال، ساياسات، جوبالاردىڭ امالياتقا، وبەكتيۆ زاڭدىلىققا، عىلمي رۋحقا سايكەسۋىنە مۇمكىندىك جاراتىپ، دامۋدىڭ ىرىقتىلىق ۇقىعىن مىقتى يگەرۋ كەرەك
كۇش توپتاپ تياناقتاندىرۋدى مىقتى يگەرۋ كەرەك. ەكونوميكالىق، قوعامدىق دامۋ − جۇيەلى ينجەنەريا، جۇيە كوزقاراسى مەن جالپى جاعداي تانىمىن كۇشەيتىپ، ساپالى دامۋ سىندى ماڭداي الدى مىندەتتى مىقتاپ يگەرىپ، ىشكى سۇرانىستى كۇش سالا كەڭەيتىپ، قامداۋ جاعىنداعى قۇرىلىمدىق رەفورمانى تەرەڭدەتىپ، وسىزاماندانعان كاسىپ سالاسى جۇيەسىن جەدەل قۇرىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، عىلىم - تەحنيكا، وقۋ - اعارتۋ ارقىلى مەملەكەتتى گۇلدەندىرۋ ستراتەگياسىن، دارىندىلار ارقىلى مەملەكەتتى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن اتقارىپ، دامۋ بارىسىندا حالىق تۇرمىسىن قامتاماسىز ەتۋ جانە جاقسارتۋ، جاسىل دامۋدى ىلگەرىلەتۋ، كورىكتى جۇڭگو قۇرىلىسىن ىلگەرىلەتۋ، مەملەكەتتى جاپپاي زاڭمەن جونگە سالۋدى ىلگەرىلەتۋ، سوتسياليستىك مادەنيەتتە قۋاتتى ەل قۇرۋ، قوعام ورنىقتىلىعىن قورعاۋ سياقتى جاقتارداعى قىزمەتتەردى ىلگەرىلەتىپ، ساپالى دامۋدى بىرگە جەبەيتىن قۇدىرەتتى بىرىككەن كۇش قالىپتاستىرۋ كەرەك. ءوز قىزمەت جاۋاپكەرلىگى كولەمىنە جاتاتىن مىندەتتەردى ايقىنداپ، كورنەكتى ولقىلىقتار مەن ءالسىز بۋىنداردى مىقتى يگەرىپ، ماڭىزدى - ماڭىزسىزىن، شۇعىل - شۇعىل ەمەسىن ايقىن ايىرىپ، ساياساتتاردى سايكەستىرۋدى، سايكەسە قامال الۋدى، باقىلاۋ - تەكسەرۋدىڭ تياناقتانۋىن كۇشەيتىپ، ءتۇرلى نىسانا - مىندەتتەردىڭ ۋاعىندا، ساپالى ورىندالۋىنا كەپىلدىك ەتۋ كەرەك. كوپتىڭ كۇشىن شوعىرلاندىرىپ، كوپتىڭ اقىل - پاراساتىن توعىستىرىپ، اركىم ءوز مىندەتىن وتەپ، ءوز جاۋاپكەرلىگىن ارقالاپ، ءوزارا سايكەسىپ، ءبىر باعىتتا ويلاپ، ءبىر باعىتتا كۇش سالىپ، رەفورمانىڭ، دامۋدىڭ، ورنىقتىلىقتىڭ ءتۇرلى مىندەتتەرىن تياناقتاندىرىپ، بۇقاراعا تيىمدىلىك جەتكىزەتىن ءتۇرلى قىزمەتتەردى ناقتىلاندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ نەگىزگى ساتىدا تەرەڭ تامىر تارتۋىن ىلگەرىلەتۋ كەرەك.
شەگە قاعۋ رۋحىمەن تياناقتاندىرۋدى مىقتى يگەرۋ كەرەك. ءىس تىندىرۋدا شەگە قاعۋ رۋحى بولۋ كەرەك. پارتيانىڭ 18 - قۇرىلتايىنان بەرى پارتيامىزدىڭ پارتيانىڭ جاپپاي باسشىلىعىن كۇشەيتۋ، جاپپاي دوڭگەلەك داۋلەتتى قوعام قۇرۋ، كەدەيلىكتەن ارىلتۋدان قامال الۋ شايقاسىندا جەڭىسكە جەتۋ، عىلىم - تەحنيكادا قامال الۋدى كۇشەيتۋ، ۇگىت، يدەيا، مادەنيەت جاعىنداعى جەتەكشىلىك ۇقىعىن يگەرۋ، حالىق تۇرمىسىن قامتاماسىزداندىرۋ جانە جاقسارتۋ، ىندەتتەن ساقتانۋ - تىزگىندەۋدى ءونىمدى ورىستەتۋ، ەكولوگيالىق ورتانى وڭاۋدى كۇشەيتۋ، كەلەلى رەفورمانى ىلگەرىلەتۋ، ”ءتورت ءتۇرلى بۇرىس ستيلدى“ تاباندىلىقپەن تۇزەتىپ، جاڭا سالت ورناتۋ، شىرىكتەسۋگە قارسى تۇرۋ كۇرەسىنىڭ ۇستەم جەڭىسكە جەتۋىن جانە جاپپاي بەكەمدەلۋىن ىلگەرىلەتۋ سياقتى جاقتاردا كورنەكتى ناتيجەلەرگە قول جەتكىزۋىنىڭ تەتىگى شەگە قاعۋ رۋحىمەن ورنالاستىرۋدى، تياناقتاندىرۋدى، باقىلاۋ - تەكسەرۋدى مىقتى يگەرىپ، تولىق جەڭىسكە جەتپەيىنشە استە شەگىنبەۋىنە بولدى. العا باسۋ جولىندا قالىڭ پارتيا مۇشەلەرى، كادرلار ”مەملەكەتتىڭ زور ءىسىن“ كوكەيدە ساقتاپ، جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتىن تىعىز ارقاۋ ەتىپ، تاسقا تاڭبا، تەمىرگە ءىز قالدىراتىن ارىنمەن شەگە قاعۋ رۋحىن ساۋلەلەندىرىپ، قاجىماي - تالماي تياناقتاندىرۋدى يگەرىپ، نىق قاداممەن ىلگەرىلەپ، ءبىر تاۋدان اسقاننان كەيىن تاعى ءبىر شىڭعا شىعىپ، ءبىر جىرادان اسقاننان كەيىن تاعى دا ءبىر جىرادان اسىپ، قيىن ماسەلەلەردى شەشۋ ارقىلى قىزمەتتە ۇزدىكسىز جاڭا جاعداي اشۋى كەرەك.
نازاردى ءىس جۇزىندىك ماسەلەلەرگە شوعىرلاندىرىپ، تياناقتاندىرۋدى يگەرۋ كەرەك. ماسەلەنى نىشان ەتۋدە تاباندى بولۋ − ماركسيزمنىڭ ايقىن ەرەكشەلىگى ءارى پارتيامىزدىڭ ماڭىزدى يدەيالىق ءادىسى جانە قىزمەت ءادىسى. ىشكەرىلەي تەكسەرىپ - زەرتتەۋ جۇرگىزىپ، ماسەلە تانىمىن كۇشەيتىپ، كۇردەلى ماسەلەلەردەن زاتتاردىڭ زاڭدىلىعىن يگەرۋگە، بەلەڭ بەرگەن ماسەلەلەردەن زاتتاردىڭ اۋقىمىن، كەزدەيسوق ماسەلەلەردەن زاتتاردىڭ سوزسىزدىگىن تانۋعا شەبەر بولىپ، جاعدايدى شىن مانىندە انىقتاپ، ماسەلەنى ءدال تاۋىپ، شارالاردى شىنايى كورسەتىپ، تەكسەرۋ - زەرتتەۋ جەتىستىكتەرىن ماسەلەنى شەشۋدىڭ، قىزمەتتى جاقسارتۋدىڭ ءىس جۇزىندىك شاراسىنا اينالدىرۋ كەرەك. نازاردى ماسەلەگە شوعىرلاندىرىپ، قيىندىقتان تايسالماي العا ۇمتىلىپ، ءىس جۇزىندىك جاعدايمەن تىعىز ۇشتاستىرىپ، ويلاۋ كۇيىن بۇزىپ، يدەيا مەن كوزقاراستا بۇرىلىس جاساپ، ءوز ءوڭىرىنىڭ، ءوز تاراۋىنىڭ، ءوز ورنىنىڭ ساپالى دامۋىنا ىقپال جاسايتىن جانە ونى تەجەيتىن ماسەلەلەر مەن ولقىلىقتاردى جانە ونىڭ قاينارىن ءجىتى قاداعالاپ، نىسانالى ەمدەپ، قارقىن مەن ساپا، دامۋ مەن حاۋىپسىزدىك، دامۋ مەن قورشاعان ورتانى قورعاۋ، دامۋ مەن ىندەتتەن ساقتانۋ سياقتى كەلەلى قاتىناستاردى دۇرىس ءبىر جاقتى ەتىپ، ساپالى دامۋدى ىلگەرىلەتۋدىڭ جۇيەلىلىگىن، تۇتاستىعىن، سايكەسىمدىلىگىن ۇزدىكسىز جوعارىلاتۋ كەرەك. ماسەلەلەردى رەتتەۋ - تۇزەتۋدى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، تەكسەرۋ - زەرتتەۋدە بايقالعان ماسەلەلەردى، دامۋدى ىلگەرىلەتۋدە جولىققان ماسەلەلەردى، بۇقارانىڭ اڭىسى كۇشتى بولعان ماسەلەلەردى جۇيەلى سالالاپ، وزىمەن بايلانىستىرىپ، قىزمەت جاۋاپكەرلىگىمەن بايلانىستىرىپ، قىزمەتپەن بايلانىستىرىپ، رەتتەۋ - تۇزەتۋدى ءبىر - بىردەن ويداعىداي يگەرىپ، حالىق بۇقاراسىنا ماسەلەنى شەشۋدىڭ ءىس جۇزىندىك ناتيجەسىن شىنايى سەزىندىرۋ كەرەك.
شىنايى يگەرگەندە عانا قامال الىپ، قيىنشىلىقتاردى جەڭۋگە، ناقتى ىستەگەندە عانا ارماندى جۇزەگە اسىرۋعا بولادى. ۇيرەنۋدى، وي جۇگىرتۋدى، قولدانۋدى ساباقتاستىرۋدا، تانىمدى، سەنىمدى، ارەكەتتى بىرلىككە كەلتىرۋدە تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۇدىرەتتى كۇشىنە اينالدىرىپ، ۇيرەنۋ ارقىلى رۋحتى سومداۋدا، ۇيرەنۋ ارقىلى اقىل - پاراساتتى ارتتىرۋدا، ۇيرەنۋ ارقىلى ستيلدى دۇرىستاۋدا، ۇيرەنۋ ارقىلى ىستەۋدى جەبەۋدە تاباندى بولىپ، شىنايى يگەرەتىن ناقتى كۇشتى، باتىل يگەرەتىن مىعىم كۇشتى، شەبەرلىكپەن يگەرەتىن شەبەرلىكتى، ۇنەمى يگەرەتىن قايسارلىقتى ساقتاپ، پارتيانىڭ 20 - قۇرىلتايىندا جاسالعان كەلەلى شەشىمدەر مەن ورنالاستىرۋلاردى نىق قاداممەن ناقتى ارەكەتكە اينالدىرىپ، ناقتى ونىمدىلىككە قول جەتكىزسەك، ءبىز، ءسوز جوق، ۇلى جوبانى تاماشا رەالدىققا اينالدىرا الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
