نۇرلان ءابىلماجىن اقسۋ ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
زەيىن - زەردەنى، كۇش - قۋاتتى ۇيىستىرىپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك
2023.07.14 15:30 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يۇنمەي، ەرىكتى ءتىلشى گو بيڭ 7 - ايدىڭ 12 - كۇنى كۇشاردان حابارلايدى. 7 - ايدىڭ 11 - كۇنى اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن اقسۋ ايماعىنا بارىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتۋ سياقتى قىزمەتتەردى ارقاۋ ەتە وتىرىپ تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭدى مادەنيەتپەن نارلەندىرۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، شينجياڭدى مادەنيەتپەن نارلەندىرۋدى ىشكەرىلەي ورىستەتىپ، زەيىن - زەردەنى، كۇش - قۋاتتى ۇيىستىرىپ، كورىكتى شينجياڭ قۇرۋ كەرەك.
اقسۋ − شىعىس - باتىس وركەنيەتىنىڭ تۇيىلىسكەن ءتۇيىنى، بايىرعى جىبەك جولى مادەنيەت ورتالىقتارىنىڭ ءبىرى. مول تاريحي مادەني مۇرالارى بار. نۇرلان ءابىلماجىن ىلگەرىندى - كەيىندى قۇمتۇرا تاس ۇڭگىرى، كۇشار مەشىتى، سۋباش بۇتحاناسىنىڭ ەسكى جۇرتى قاتارلى جەرلەرگە بارىپ، تاريحي مادەنيەتتىڭ جالعاسۋى، مادەني ەسكەرتكىشتەردى قورعاۋ، مادەنيەت پەن ساياحاتتىڭ توعىسا دامۋى سىندى جاعدايلاردى ۇعىستى. ول مىنانى اتاپ كورسەتتى: جىبەك جولىندا مادەنيەت مۇرالارى شوعىرلى بولۋ سياقتى ابزالدىلىقتاردى تولىق ساۋلەلەندىرىپ، جۇڭحۋا ۇلتى ورتاق تۇلعا تاريحىن، جۇڭحۋا ۇلتىنىڭ كوپ نەگىز، ءبىر تۇلعالى ارناسىن زەرتتەۋدى كۇشەيتىپ، مول مادەني ەسكەرتكىشتەر جانە مادەنيەت بايلىقتارى كوزىن ويداعىداي اشىپ، ويداعىداي پايدالانىپ، وندا قامتىلعان ءار ۇلتتىڭ ارالاسۋ، ىشتەسۋ، توعىسۋ تاريحىنىڭ ىشكى ءمانىن تەرەڭ شەشىپ ءتۇسىندىرىپ، مادەني ەسكەرتكىشتەردى قورعاۋ، پايدالانۋ جانە مادەنيەت مۇرالارىن قورعاۋ، جالعاستىرۋ دەڭگەيىن جاپپاي جوعارىلاتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا مول تاريحي ءنار ازىرلەپ، جۇڭحۋا ۇلتىنىڭ ورتاق رۋحاني مەكەنىن قۇرۋ كەرەك.
شينجياڭداعى تۇڭعىش جەر استى بايىرعى قابىر جۇرتى مۇراجايى − كۇشار دوستىق جولى بايىرعى قابىر جۇرتى مۇراجايى اشىلۋ الدىندا تۇر، اشىلعاننان كەيىن بايىرعى قابىرلار شوعىرىنىڭ اۋەلگى بەينەسىن كورسەتۋ ارقىلى جين داۋىرىندەگى ون التى بەكتىك تۇسىنداعى كۇسان ءوڭىرىنىڭ مادەنيەت سالت - ساناسىن جانە تۇرمىس بەت - بەينەسىن، سونداي - اق كوپ نەگىزدى مادەنيەتتىڭ وسى ارادا ارالاسۋ، ىشتەسۋ، توعىسۋ تاريحىن جاندى تۇردە قايتا ايگىلەيتىن بولادى. نۇرلان ءابىلماجىن مۇراجايعا كەلىپ، مۇراجايدىڭ اشىلۋ دايىندىق قىزمەتى جاعدايىن تەكسەرىپ، جۇڭحۋا ۇلتىنىڭ ءداستۇرلى مادەنيەتىن بويىنا تۇندىرعان مادەني ەسكەرتكىشتەردى ويداعىداي قورعاپ، ويداعىداي باسقارىپ، مۇراجايدىڭ فۋنكتسيالىق رولىن ءتىپتى دە ويداعىداي ساۋلەلەندىرىپ، مادەني ەسكەرتكىشتەردى سويلەتىپ، تاريحتى سويلەتىپ، مادەنيەتتى سويلەتىپ، قالىڭ كادر مەن بۇقارانى دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا تاربيەلەپ، جەتەكتەپ، ”بەستى شىنايى مويىنداۋدى“ كۇشەيتىپ، جۇڭحۋا ۇلتى ورتاق تۇلعا تانىمىن ءار ۇلت كادرلارى مەن بۇقاراسىنىڭ جۇرەك تۇكپىرىندە تامىر تارتتىرۋ كەرەكتىگىن باسا دارىپتەدى.
نۇرلان ءابىلماجىن كۇشار قالاسى لين جيلۋ قۇربان ەسكەرتكىش سارايىنا بارىپ، توڭكەرىستىك ارداگەر قۇرباندى ساعىنا ەسكە الىپ، قىزىل گەندى جالعاستىردى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى وراي ەتىپ، پارتيانىڭ حيكايالارىن، توڭكەرىستىك حيكايالاردى، قاھارمانداردىڭ حيكايالارىن ويداعىداي بايانداپ، قىزىل بايلىق قاينارىنان ويداعىداي پايدالانىپ، قىزىل ءداستۇردى ويداعىداي ساۋلەلەندىرىپ، قىزىل گەندى ويداعىداي جالعاستىرىپ، ءار ۇلت پارتيالى كادرلاردى اۋەلگى ماقساتتى، بورىشتى ەستە بەرىك ساقتاپ، قىزىل قان تامىردى جالعاستىرىپ، قۇلشىنا جاۋاپكەرشىلىك ارقالاپ، ىسكەرلىك كورسەتىپ، كوركەم شينجياڭ قۇرۋ ءۇشىن قاجىماي - تالماي كۇرەس جاساۋعا جەتەكتەۋ كەرەك.
ازەز مۇسا قاتارلىلار تەكسەرۋ - زەرتتەۋگە قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
