دۇكەن يەسى دۇكەنىنەن سۋ العان ادامنان اقشا الۋدان باس تارتتى
2023.07.13 15:40 كەلۋ قاينارى : حالىق تورابى
جۋىردا ورتا تازالىقشىسى ۋحان قالاسى ەكونوميكالىق كوركەيتۋ رايونى بوشۋە جولىنداعى شاعىن ەرەنبازاردان سۋ الىپ ىشەدى، دۇكەن يەسى اقشا الاتىن ەكى ولشەمدى كودتى توڭكەرىپ قويىپ، ودان اقى الۋدان باس تارتادى. وسىنداي مەيىربان ءىس ەستىگەن جاننىڭ جۇرەگىن جىلىتتى.
7 - ايدىڭ 10 - كۇنى، حۋبەي ولكەسى ۋحان قالاسى ەكونوميكالىق كوركەيتۋ رايونىندا چىن جيۋشياڭ كوشە تازالىعىن ىستەپ بولعان سوڭ جول بويىنداعى شاعىن ەرەنبازارعا كىرىپ، سۋ الىپ ىشپەك بولادى، اقشا تولەمەك بولعان ساتتە، دۇكەن يەسى اقشا الۋدان باس تارتادى.
دۇكەن يەسى: ”سۋ ءىشىڭىز، اپاي، سىزگە دە وڭاي ەمەس، مىنا اراعا وتىرىپ سالقىنداپ الىڭىز“، — دەپ دۇكەندەگى تەكشەنىڭ استىنان ورىندىق الىپ شىعىپ، چىن جيۋشياڭعا وتىرىپ سالقىنداپ الۋدى ەسكەرتتى.
تۇستە كەزەك الماسقان كەزدە، چىن جيۋشياڭ ”ءبىر بوتەلكە سۋدىڭ حيكاياسىن“ گرۋپپا باستىعى يۇي جىۋەيگە ايتىپ بەردى، ويلاماعان جەردەن يۇي جىۋەي: ”بۇرىن وسى جولدا تازالىق ىستەگەن ورتا تازالىقشىلارىنا دا وسى دۇكەن سۋدى تەگىن بەرىپ، دەمالىپ الۋىنا رۇقسات ەتەتىن، دۇكەن يەسى مەن ونىڭ جۇبايى وتە مەيىرىمدى جاندار“، — دەدى.
سول كۇنى تۇستەن كەيىن، يۇي جىۋەي بۇل دۇكەنگە ارنايى كەلىپ، ەرلى - زايىپتى ەكەۋىنىڭ ورتا تازالىقشىلارىنا جاساعان مەيىرلى ارەكەتىنە راقىمەت ءبىلدىردى.
دۇكەن يەسى يۇي شياۋنا يۇي جىۋەيدىڭ كەلگەن ماقساتىن بىلگەن سوڭ، بۇل جايدى توسىن سەزىنىپ: ”وسىنشاما ىستىق كۇندە ورتا تازالىقشىلارى دالادا جۇمىس ىستەپ، ءبىزدىڭ ەسىك الدىمىزدى تازالاپ بەرەدى، ولارعا ءبىر بوتەلكە سۋ بەرىپ، دەمالىپ الۋىنا رۇقسات ەتۋ بولماشى ءىس قوي، پالەندەي ۇلكەن جۇمىس ەمەس، اۋىزعا الۋعا تاتىمايدى“، — دەدى.
يۇي شياۋنا بيىل 38 جاستا، كۇيەۋى ەكەۋى ۋحاندا 10 جىلدان استام ۋاقىت ساۋدا ىستەگەن، سۋ بەرۋ سىندى بۇل ءىس كەزدەيسوق بولعان ءىس ەمەس، ولار ون جىلدان بەرى وسىلاي ىستەۋگە تاباندى بولىپ كەلەدى.
دۇكەن يەسى سى دۇڭيا: ”باسقالارعا كومەكتەسكەندە ىشتەي ءوزىم دە كوڭىلدەنىپ قالامىن“، — دەيدى. دۇكەن ءار كۇنى تاڭەرتەڭگى ساعات 6 دان كەلەسى كۇنى تاڭ ءسارى ساعات بىرگە دەيىن اشىلادى. جاز كۇندەرى دۇكەندە اۋا تەڭشەگىش ۇنەمى اشىق تۇرادى، ادەتتە دالادا جۇمىس ىستەپ جۇرگەندەردىڭ بارلىعىنىڭ دۇكەنگە كەلىپ دەمالۋىنا رۇقسات ەتەدى.
دۇكەن يەسىنىڭ دۇكەنىنەن سۋ ساتىپ العان ورتا تازالىقشىسىنان اقى الۋدان باس تارتقانى قىزۋ تالقىعا اينالدى، توراپتاستار لەبىز قالدىرىپ: ”ءسىزدىڭ اق پەيىلدىلىگىڭىزدى القايمىز“، ”اقى الاتىن ەكى ولشەمدى كودتى توڭكەرىپ قويعان ءساتىڭىز ادامگەرشىلىكتىڭ ساۋلەلى تۇسىن ايگىلەدى“، — دەپ ماقتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
