شينجياڭ جازدىق استىق ساتىپ الۋدىڭ قاۋىرت كەزىن وسى ايدا ارت - ارتىنان قارسى الدى
2023.07.12 15:55 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 7 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسىنەن ۇعىسۋىمىزشا، قازىر تۇتاس رايوننىڭ جازدىق استىق ساتىپ الۋ قىزمەتىنىڭ اياق الىسى ءساتتى، بازار اينالىمى ورنىقتى بولعان. تۇتاس رايوندا جيىنى 641 مىڭ توننا ءبيداي ساتىپ الىنىپ، الدىڭعى جىلعى سول تۇستاعىدان 33 مىڭ توننا ارتقان.
تانىستىرۋعا قاراعاندا، تاياۋدا تۇتاس رايوندا جازدىق استىق ساتىپ الۋ، نەگىزىنەن، وڭتۇستىك شينجياڭداعى 5 ايماق، وبلىسقا شوعىرلانىپ، جيىنى 607 مىڭ توننا ءبيداي ساتىپ الىنىپ، سولتۇستىك شينجياڭدا ىلە قازاق اۆتونوميالى وبلىسى، تارباعاتاي ايماعى سياقتى جەرلەردىڭ ساتىپ الۋ قىزمەتى ارت - ارتىنان باستالعان.
ساتىپ الۋ نەگىزگى تۇلعاسىنان قاراعاندا، جەرگىلىكتى ورىنداعى مەملەكەت مەنشىگىندەگى استىق ساتىپ الۋ - ساتىپ بەرۋ كاسىپورىندارى ءالى دە جازدىق استىق ساتىپ الۋداعى نەگىزگى كۇش بولىپ، ساتىپ الۋ مولشەرىندە يەلەگەن سالىستىرماسى ％80تەن اسقان، ونان قالسا مانەرلەۋ كاسىپورىندارىنىڭ ساتىپ الۋى بولىپ، يەلەگەن سالىستىرماسى ％6. 12 بولعان، ساۋدا كاسىپورىندارى، استىق دەلدالدارى سياقتى نەگىزگى تۇلعالار دا بيىلعى جازدىق استىق ساتىپ الۋعا بەلسەنە قاتىناسقان.
ەگىنشىلەردىڭ استىقتى قامسىز ساتۋىنا، الاڭسىز ساتۋىنا مۇمكىندىك جاراتۋ ءۇشىن، بيىل جەر - جەر استىق وندىرىسىنەن كەيىنگى قىزمەت وتەۋ ورتالىعىنىڭ رولىن تولىق ساۋلەلەندىرىپ، تازالاۋ، كەپتىرۋ، قۇرعاتۋ، جيناۋ - ساقتاۋ سياقتى قىزمەت وتەۋمەن دەر كەزىندە قامداپ، استىق جيناۋ - ساقتاۋ كاسىپورىندارى قامبادا ساقتاۋ قۇرىلعىلارىنىڭ شارت - جاعدايىن ۇزدىكسىز جاقسارتىپ، ءتۇزىمدى ىلگەرىلەي كەمەلدەندىرىپ، ءتارتىپتى ساپالىلاندىرىپ، ساتىپ الۋ ونىمدىلىگىن جوعارىلاتتى.
”ينتەرنەت جەلىسىندە الدىن الا كەلىسىپ استىق ساتساق، شىرەتكە تۇرۋدىڭ قاجەتى جوق“. اۋات اۋدانى بەسارىق قالاشىعى كالتەسۇڭ قىستاعىنىڭ تۇرعىنى ابليكىم تۇرعۇن بىلاي دەدى: بيىلعى استىق ساتۋ ءتارتىبى قولايلى ءارى تەز بولدى، استىق باعاسى دا كوڭىلدەگىدەي بولىپ، استىق ساتقان اقشا تەز ارادا قولىمىزعا تيەتىن بولدى، ءبيدايىمىزدىڭ مۋ باسىندىق ءونىم مولشەرى 500 كيلوگرام شاماسىنا جەتىپ، ءونىمدى ارتتىرۋمەن بىرگە، كىرىستى دە ارتتىردىق.
كەزەكتە تۇتاس رايوننىڭ استىق ساتىپ الۋ باعاسى جالپى تۇلعالىق جاقتان ۇزدىكسىز ورنىقتى بولىپ، 3 - دارەجەلى جانە ونان جوعارى ءبيدايدىڭ ورتاشا ساتىپ الۋ باعاسى ءار كيلوگرامى 6. 2 يۋان بولىپ، الدىڭعى جىلعى سول تۇستاعىمەن سالىستىرعاندا ءار كيلوگرامى 07. 0 يۋان ارتتى. وسى ايدا سولتۇستىك شينجياڭ ءوڭىرى ساتىپ الۋدىڭ قاۋىرت كەزىنە ارت - ارتىنان ءوتىپ، جەر - جەردىڭ استىق جانە زاتتىق ماتەريالداردى زاپاس ساقتاۋ تاراۋلارى قازىنا، اۋىل شارۋاشىلىعى، اۋىل - قىستاق، ساۋدا ىستەرى، بازاردى باقىلاۋ - باسقارۋ سياقتى تاراۋلارمەن بىرگە بەلسەنە كەڭەسىپ، اقىلداسىپ، وسى ءوڭىردىڭ استىق، ماي بازارىنىڭ قامداۋ - قاجەتسىنۋ جانە باعا جاعدايىن تۇجىرىمداپ، ءوندىرۋ مەن ساتۋدى ۇشتاستىرۋدى بەلسەنە ويداعىداي ىستەپ، استىقتىڭ بازارداعى باعاسىنىڭ ورنىقتى بولۋىن قامتاماسىز ەتتى. سونىمەن بىرگە جەر - جەر ورتانى جاقسارتۋ، ساياساتتى ساپالىلاندىرۋ، تۇعىر قۇرۋ سياقتى جاقتارعا اناعۇرلىم زور كۇش جۇمساپ، ءتۇرلى استىق تيجاراتى جانە وڭدەۋ كاسىپورىندارىن بەلسەندىلىكپەن بازارعا كىرىپ جاڭا استىق ساتىپ الۋعا جەتەكتەپ جانە شابىتتاندىرىپ، كوپ نەگىزدى نەگىزگى تۇلعالار بەلسەندىلىكپەن ساتىپ الاتىن تاماشا جاعدايدى ۇزدىكسىز بەكەمدەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
