ادامدا بولاتىن مەتاپنەۋمو ۆيرۋسى دەگەنىمىز نە؟ قانداي اۋرۋ بەلگىلەرى بولادى؟ مەملەكەتتىك دەنساۋلىق ساقتاۋ - سالاماتتىق كوميتەتىنىڭ قۇجاتىنا تالداۋ جاساۋ
2023.07.11 15:59 كەلۋ قاينارى : حالىق تورابى
ءار دارەجەلى ەمدەۋ قۇرىلىمدارىنىڭ ادامدا بولاتىن مەتاپنەۋمو ۆيرۋسىمەن جۇعىمدالعاندارعا دياگنوز قويۋ، ەمدەۋ قىزمەتىن ويداعىداي ىستەۋىنە ىشكەرىلەي جەتەكشىلىك ەتۋ ءۇشىن، مەملەكەتتىك دەنساۋلىق ساقتاۋ - سالاماتتىق كوميتەتى 7 - ايدىڭ 10 - كۇنى «ادامدا بولاتىن مەتەپنەۋمو ۆيرۋسىمەن جۇعىمدالعاندارعا دياگنوز قويۋ، ەمدەۋ جوباسىن (2023 - جىلعى نۇسقا)» باسىپ تاراتتى ءارى جەر - جەردەن قىزۋ امبۋلاتورياسى، شۇعىل ەمدەۋ ءبولىمى، بالالار ءبولىمى، تىنىس جولى اۋرۋلارى ءبولىمى، جۇقپالى اۋرۋلار ءبولىمى قاتارلى بولىمدەردە قىزمەت ىستەيتىن ەمدەۋ قىزمەتكەرلەرىن كۋرسقا قاتىناستىرۋدى تالاپ ەتتى.
ادامدا بولاتىن مەتاپنەۋمو ۆيرۋسى دەگەنىمىز شۇعىل سيپاتتى تىنىس جولى جۇقپالى اۋرۋىنا شالدىقتىراتىن، ۇنەمى كەزدەسەتىن اۋرۋ قاينارىندىق دەنە، دۇنيە ءجۇزى بويىنشا كەڭىنەن تارالعان، ادامداردىڭ تۇتاس جىل بويى بۇل ۆيرۋسپەن جۇعىمدالۋ ىقتيمالدىعى بار، كوبىنەسە، قىس مەزگىلىنىڭ سوڭى مەن كوكتەمنىڭ باسىندا تارالادى، كلينيكالىق بەلگىلەرى كوبىنەسە قىزۋى ورلەۋ، جوتەلۋ، مۇرنى ءبىتۋ، ماڭقا اعۋ، داۋىسى قارلىعۋ قاتارلىلاردى قامتيدى، ەلىمىزدە شۇعىل سيپاتتى تىنىس جولى جۇقپالى اۋرۋىنا شالدىقتىراتىن اۋرۋ قاينارىندىق دەنەلەردىڭ تىزىمدىگىندە ۇستايتىن سالىستىرماسى ءبىرشاما تومەن، ادەتتە اۋرۋ بەلگىلەرى ءبىرشاما جەڭىل بولادى، الايدا، قارتتار، بالالار، دەنە قۋاتى ءالسىز ادامدار، يممۋنيتەت قۋاتى تومەن ادامدار نەمەسە سوزىلمالى تىنىس جولى اۋرۋىنا شالدىققان ادامدار جۇعىمدالسا، سالماقتى ناۋقاسقا اينالۋ حاۋپى جوعارى بولادى.
«ادامدا بولاتىن مەتاپنەۋمو ۆيرۋسىمەن جۇعىمدالعاندارعا دياگنوز قويۋ، ەمدەۋ جوباسىندا (2023 - جىلعى نۇسقاسى)» مىنالار اتاپ كورسەتىلگەن: ادامدا بولاتىن مەتاپنەۋمو ۆيرۋسى، باستىسى، تۇكىرىك شاشىراندىسى ارقىلى جانە تىكەلەي جاناسۋ بارىسىندا تارالادى، ۆيرۋسپەن لاستانعان زاتتارعا جاناسۋ بارىسىندا جانامالاي تارالۋى دا مۇمكىن. ءار جاستاعى ادامداردىڭ بارلىعى وڭاي جۇعىمدالادى، بۇل اۋرۋعا 5 جاستان تومەنگى بالالار، قارتتار جانە يممۋنيتەت قۋاتى تومەن ادامدار اناعۇرلىم كوپ شالدىعادى. جاسىرىن ۋاقىتى 3 تە 9 كۇن، كوبىنەسە 3 تە 6 كۇن بولادى. كوبىندە، جوعارعى تىنىس جولىندا جۇعىمدالۋ بەلگىلەرى بايقالادى، مىسالى، قىزۋى ورلەۋ، جوتەلۋ، مۇرنى ءبىتۋ، ماڭقا اعۋ، داۋىسى قارلىعۋ قاتارلىلار، شامامەن ءبىر اپتا اينالاسىندا اۋرۋ بەلگىسى بىرتىندەپ باسەڭدەيدى.
ساقتانۋ شارالارى مىنالاردى قامتيدى: تاماشا جەكەلىك تازالىق پەن ورتا تازالىعىن ساقتاۋ، ءبىر قالىپتى ازىقتانۋ، ۇيلەسىمدى ارەكەتتەنۋ، جەتكىلىكتى دەمالۋ، شەكتەن تىس شارشاۋدان ساقتانۋ. قولدى ءجيى جۋۋ، ماسكى تاعۋ قاتارلى تازالىق ادەتتەرىن قالىپتاستىرۋ، تۇشكىرگەندە نەمەسە جوتەلگەندە بىلەكپەن نەمەسە قاعاز ورامالمەن اۋىز بەن مۇرىندى باسۋ، قولدى جۋماي تۇرىپ اۋىز، كوز، مۇرىن قاتارلى كىلەگەيلى قابىقتى بولىمدەردى ۇستاماۋ. تەرەزەنى ءجيى اشىپ، اۋا الماستىرىپ تۇرۋ، بولمە ءىشىنىڭ اۋاسىن الماستىراتىن جاقسى ادەتتى ساقتاۋ. ادام توپتاسقان ورىندارعا نەمەسە اۋا الماسپايتىن ورىندارعا بارعاندا، جەكەلىك ساقتىق شارالارىن ويداعىداي ىستەۋ. (باس ستانسيا ورتالىق تەلەۆيزيا تورابىنىڭ ءتىلشىسى شى يىڭچۇن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
