اۆتونوميالى رايوننىڭ جوعارى ساپالى زاڭ ەرەجە شىعارۋ قىزمەتى جونىندە جۇمىس باسىندا پىكىر اۋىستىرۋ ءماجىلىسى اشىلدى
جوعارى ساپالى زاڭ ەرەجە شىعارۋ ارقىلى جوعارى ساپالى دامۋدى ىلگەرىلەتۋ كەرەك
2023.07.11 16:50 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لياڭ ليحۋا 7 - ايدىڭ 9 - كۇنى قۇلجادان حابارلايدى. 7 - ايدىڭ 8 - كۇنىنەن 9 - كۇنىنە دەيىن اۆتونوميالى رايوننىڭ جوعارى ساپالى زاڭ ەرەجە شىعارۋ قىزمەتى جونىندە جۇمىس باسىندا پىكىر اۋىستىرۋ ءماجىلىسى ىلەدە اشىلدى. ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، كەزەكتە ورىستەتىلىپ جاتقان نەگىزگى تاقىرىپتىق تاربيەمەن تىعىز ۇشتاستىرىپ، شي جينپيڭنىڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، اۆتونوميالى رايوندىق 10 - كەزەكتى پارتكوم سەگىزىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، جوعارى ساپالى زاڭ ەرەجە شىعارۋ قىزمەتى توڭىرەگىندە جۇمىس باسىندا كوزدەن كەشىرۋ، تاجىريبە اۋىستىرۋ ورىستەتىپ، ىشكەرىلەي ورنالاستىرۋ جاساپ، جوعارى ساپالى زاڭ ەرەجە شىعارۋ ارقىلى شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ كەرەكتىگىن العا قويدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: جەرگىلىكتى ورىننىڭ زاڭ ەرەجە شىعارۋ قىزمەتىنىڭ جوعارى ساپالى دامۋىن ىلگەرىلەتۋ − شي جينپيڭنىڭ زاڭمەن باسقارۋ يدەياسىن ۇيرەنۋدىڭ، دايەكتىلەندىرۋدىڭ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ، حالىق بۇقاراسىنىڭ تاماشا تۇرمىس تالپىنىسىن قاناعاتتاندىرۋدىڭ قاجەتتى تالابى. زاڭ ەرەجە شىعارۋ تاقىرىبىن تاڭداۋدا، ءسوز جوق، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىنىڭ تالابىنا، ولشەمىنە تۋرالانۋ؛ زاڭ ەرەجە شىعارۋ تۇيىنىندە، ءسوز جوق، جوعارى ساپالى دامۋ سىندى وسى ماڭداي الدى مىندەتتى كورنەكتىلەندىرۋ؛ زاڭ ەرەجە شىعارۋ ونىمدىلىگىندە، ءسوز جوق، حالىق بۇقاراسى جاپپاي كوڭىل ءبولىپ وتىرعان رەال ماسەلەلەردى شەشۋدى كوزدەۋ؛ زاڭ ەرەجە شىعارۋ تارتىبىندە، ءسوز جوق، دايىنداۋ، دالەلدەۋ، سايكەستىرۋ جانە قاراۋ سياقتى شەشۋشى بۋىنداردى مىقتى يگەرۋ كەرەك.
ءماجىلىس مىنالاردى باسا دارىپتەدى: پارتكوم باسشىلىق ەتەتىن، حالىق قۇرىلتايى جەتەكشى بولاتىن، ۇكىمەت سۇيەنىش بولاتىن، ءارقايسى جاق قاتىساتىن زاڭ ەرەجە شىعارۋ قىزمەت ارناسىن كەمەلدەندىرۋ كەرەك. ”قيعاش كەلمەۋ، ەرەكشەلىك بولۋ، اتقارىلاتىن بولۋ“ سىندى وسى ماڭىزدى پرينسيپتى ويداعىداي يگەرىپ، جەرگىلىكتى ورىننىڭ ەكونوميكالىق دامۋداعى ءىس جۇزىندىك جاعدايىمەن تىعىز ۇشتاستىرىپ، جەرگىلىكتى ورىننىڭ زاڭ ەرەجە شىعارۋداعى تولىقتاۋ، الدىمەن اتقارۋ، جاساۋ رولىن تولىق ساۋلەلەندىرۋ كەرەك. نەگىزگى ساتى زاڭ ەرەجە شىعارۋ بايلانىس تۇيىندەرىن ويداعىداي قۇرىپ، ”ءبىر باسشىلىق القاسى“، ”ءبىر كاسىپتىك ۇجىم“، ”ءبىر قىزمەت تورى“، ”سايكەستى قىزمەت مەحانيزمى“ بولۋدى ورىنداۋ كەرەك. زاڭ ەرەجەلەردى، ەرەجەلەردى جانە ولشەمدى حۇجاتتاردى ەستەلىككە الۋ، تەكسەرۋ قىزمەتىن بەلگىلەمە بويىنشا قاتاڭ، ويداعىداي ىستەۋ كەرەك. اقىلماندار قويماسىنىڭ رولىن ساۋلەلەندىرۋگە باسا ءمان بەرىپ، جوعارى مەن تومەن بىرلەسىپ ارەكەتتەنىپ، تۇتاس رايوننىڭ زاڭ ەرەجە شىعارۋ دارىندىلار قوسىنىن زورايتۋ كەرەك. ۇيىمدىق باسشىلىقتى، ءتۇزىم قۇرىلىسىن، تەكسەرۋ - زەرتتەۋدى، قىزمەت قامتاماسىزدىعىن شىن مانىندە كۇشەيتىپ، جەرگىلىكتى ورىننىڭ زاڭ ەرەجە شىعارۋ قىزمەتىنە بەرىك قامتاماسىزدىق ازىرلەۋ كەرەك.
ماجىلىستەن بۇرىن تۇتاس شينجياڭداعى ءار دارەجەلى حالىق قۇرىلتايلارىنىڭ ماجىلىسكە قاتىناساتىن ۋاكىلدەرى قۇلجا قالاسى، قۇلجا اۋدانى، شاپشال سىبە اۆتونوميالى اۋدانى سياقتى جەرلەردە نەگىزگى ساتى زاڭ ەرەجە شىعارۋ بايلانىس تۇيىندەرىنىڭ، زاڭ ەرەجە شىعارۋ دارىندىلار قوسىنى قۇرىلىسىنىڭ، ەستەلىككە الۋ، تەكسەرۋ قىزمەتى جانە اۋىل - قىستاقتى گۇلدەندىرۋ ارقىلى ”ءبىر زاڭ، ءبىر ەرەجەنىڭ“ اتقارىلۋىن جەبەۋ احۋالىن باسى - قاسىندا ۇعىستى، سونداي - اق اۆتونوميالى رايوندىق حالىق قۇرىلتايى تۇراقتى كوميتەتى نەگىزگى ساتى زاڭ ەرەجە شىعارۋ بايلانىس ءتۇيىنى قىزمەتى ەرەجەسىنە وزگەرىس ەنگىزۋ جوباسىن، زاڭ ەرەجە شىعارۋ بويىنشا كەڭەس بەرەتىن ماماندار قىزمەت بەلگىلەمەسى جوباسىن، زاڭ ەرەجە، ەرەجە، ولشەمدى حۇجات ساندى مالىمەت قويماسى قۇرىلىسى قىزمەتىنىڭ اتقارۋ جوباسىن گرۋپپالارعا ءبولىنىپ تالقىلادى.
لي نيڭپيڭ قيمىلعا قاتىناستى. ءماجىلىس بەينە ەكران فورماسىندا ءارقايسى ايماقتىق، وبلىستىق، قالالىق، اۋداندىق، قالا، رايوندىق حالىق قۇرىلتايلارىنا دەيىن جالعاپ اشىلدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
