اۆتونوميالى رايوندىق ساياسي كەڭەس ماماندار كەڭەس ءماجىلىسىن اشتى
سۋ مەن تىڭايتقىشتى زەردەلى ءبىر تۇلعالاندىرۋ تەحنيكا جۇيەسىن ورناتۋ جونىندە ۇسىنىس بەردى
2023.07.10 17:01 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ميھىرگۇل وبۇل 7 - ايدىڭ 8 - كۇنى ۇرىمجىدەن حابارلايدى. ”سۋ مەن تىڭايتقىشتى زەردەلى ءبىر تۇلعالاندىرۋ تەحنيكاسىن جالپىلاستىرۋ تەبىنىن ارتتىرىپ، سۋ ۇنەمدەۋدەن ءار ۇلت بۇقاراسىن شىن مانىندە يگىلىككە كەنەلدىرۋدى ءۇمىت ەتەمىن“، ”سۋ مەن تىڭايتقىشتى زەردەلى ءبىر تۇلعالاندىرعان سۋ ۇنەمدەۋ تەحنيكا جۇيەسىن ورناتۋدى اۆتونوميالى رايوننىڭ جانە بيڭتۋاننىڭ عىلىم - تەحنيكادان قامال الۋداعى كەلەلى نىسانىنا تەز ارادا ەنگىزۋدى ءۇمىت ەتەمىن“... 7 - ايدىڭ 7 - كۇنى شينجياڭ ءوندىرىس - قۇرىلىس بيڭتۋانى اۋىل شارۋاشىلىق تەحنيكاسىن جالپىلاستىرۋ باس پۋنكتىنىڭ ءماجىلىس زالى دۋماندى بەينەگە شومدى، اۆتونوميالى رايوندىق ساياسي كەڭەستىڭ ”سۋ مەن تىڭايتقىشتى زەردەلى ءبىر تۇلعالاندىرۋ تەحنيكاسىن جالپىلاستىرىپ، وسى زامانعى اۋىل شارۋاشىلىعىنىڭ دامۋىنا كۇش ۇستەۋ“ ماماندار كەڭەس ءماجىلىسى وسى ارادا وتكىزىلدى.
سۋ مەن تىڭايتقىشتى ءبىر تۇلعالاندىرۋ تەحنيكاسى − سۋارۋ مەن تىڭايتقىش بەرۋدى ءبىر تۇلعالاندىرعان اۋىل شارۋاشىلىق جاڭا تەحنيكاسى. شينجياڭ سۋارمالى اۋىل شارۋاشىلىعىن نەگىز ەتەدى، اۋىل شارۋاشىلىعىنا پايدالاناتىن سۋدىڭ جالپى پايدالاناتىن سۋ مولشەرىندە ۇستايتىن سالىستىرماسى ەڭ ۇلكەن. اۆتونوميالى رايوندىق ساياسي كەڭەس نازاردى وسى ءبىر ماسەلەگە شوعىرلاندىرىپ، ءبىر ءبولىم ساياسي كەڭەس مۇشەلەرىن، مامان - وقىمىستىلاردى جانە كاسىپورىن ۋاكىلدەرىن ۇيىمداستىرىپ، نەگىزگى ساتىعا تالاي رەت بارىپ تەكسەرىپ - زەرتتەۋ جۇرگىزىپ، رايونىمىزدىڭ سۋ مەن تىڭايتقىشتى ءبىر تۇلعالاندىرۋ تەحنيكاسىنىڭ قازىرگى دامۋ جاعدايىن ىشكەرىلەي ۇعىستى.
كەڭەس ماجىلىسىندە قاتىستى سالالارداعى ساياسي كەڭەس مۇشەلەرى، مامان - وقىمىستىلار تەكسەرۋ - زەرتتەۋ تابىستارى جانە قىزمەت تاجىريبەلەرى سياقتىلارمەن ۇشتاستىرىپ، اقتارىلا اڭگىمەلەسىپ، رايونىمىزدىڭ سۋ مەن تىڭايتقىشتى ءبىر تۇلعالاندىرۋدىڭ قازىرگى جاعدايى، ورىن تەۋىپ وتىرعان ماسەلەلەر جانە قاتىستى ۇسىنىستار جونىندە ىشكەرىلەي كەڭەستى.
ماجىلىسكە قاتىناسقان ماماندار نەگىزگى تاقىرىپتى تىكەلەي اۋىزعا الىپ، ءىس جۇزىندىكپەن ۇشتاستىرىپ، اشىعىن ايتىپ، قىزۋ تالقىعا ءتۇستى. ”ءبىز شەشۋشى تەحنيكانى جالپىلاستىرۋ جاعىنا كۇش سالىپ، بۇقارانىڭ وسى تەحنيكانى ناعىز جۇرەكتەن مويىنداۋىنا جانە قابىلداۋىنا مۇمكىندىك جاساۋىمىز كەرەك“. شينجياڭ اۋىل شارۋاشىلىق كاسىپتىك تەحنيكالىق شۋەيۋانى جالپىلاستىرۋ عىلىمىنىڭ اعا زەرتتەۋشىسى چىن جى بىلاي دەپ ۇسىنىس قويدى: قاتىستى فۋنكتسيالىق تاراۋلار جانە عىلمي زەرتتەۋ ورىندارى تەحنيكتەردى تاڭداپ جىبەرىپ، نەگىزگى ساتىنىڭ اۋىل شارۋاشىلىق تەحنيكاسىن جالپىلاستىرۋعا قىزمەت وتەۋىن ءۇرتىس كۇشەيتىپ، سۋ بايلىعىنان جوعارى ءونىمدى پايدالانۋدىڭ قاتىستى تەحنيكالارىن ءوندىرىستىڭ ءبىرىنشى شەبىنە تىكە جەتكىزىپ، ءوندىرىستىڭ تيپ جاڭالاپ، دارەجەسىن وسىرۋىنە جەتەكشىلىك ەتۋ كەرەك.
شىحىزى داشۋەسى سۋ يگىلىگى قۇرىلىس ينجەنەرياسى شۋەيۋانى پارتكومىنىڭ ورىنباسار شۋجيى، شۋەيۋان باستىعى ۋاڭ جىنحۋا تامشىلاتىپ سۋارۋ، سۋ ۇنەمدەۋ سالاسىندا 20 نەشە جىل تەرەڭ ىزدەنىس جاساعان، ۇجىم باستاپ، قۋاتى كورنەكتى ءبىر توپ جاڭاشا تامشىلاتىپ سۋارۋ جابدىقتارىن جاسامپازدىقپەن زەرتتەپ - اشىپ، تامشىلاتىپ سۋارۋ جۇيەسىنىڭ بالشىقتى قۇمدى ساتىلى سايكەستىرە ءبىر جاقتى ەتۋ تەحنيكاسى جۇيەسىن ورناتتى. ”ءبىز شينجياڭنىڭ سۋ ۇنەمدەيتىن اۋىل شارۋاشىلىعىن وسىزامانداندىرۋ، زەردەلىلەندىرۋ ءۇشىن، ۇزدىكسىز ۇلەس قوسۋىمىز كەرەك“، - دەدى ۋاڭ جىنحۋا.
ماماندار مىناداي ۇسىنىس بەردى: كاسىپتىك تاراۋلاردى، كاسىپورىنداردى باعىتتامالى ۇيرەنۋگە، قىزمەت تەكسەرۋگە دەر كەزىندە ۇيىمداستىرىپ، سۋ ۇنەمدەۋ، سۋ ساقتاۋ سياقتى تەحنيكالاردىڭ عىلىم - تەحنيكالىق قامتىمىن تەرەڭدەي اشىپ، شينجياڭنىڭ سۋ مەن تىڭايتقىشتى ءبىر تۇلعالاندىرعان كاسىپ سالاسى تىزبەگىن ساپالىلاندىرۋدى، دارەجەسىن ءوسىرۋدى جەبەۋ كەرەك. سونىمەن بىرگە ۇلگى ورىن قۇرۋ ينجەنەرياسىن ورىستەتىپ، عىلىم - تەحنيكالىق قىزمەت وتەۋ مەن جەتەكتەۋ رولى ارقىلى شينجياڭنىڭ استىق جالپىلىق ءوندىرىس قۋاتىن اناعۇرلىم جوعارىلاتىپ، شينجياڭنىڭ اۋىل شارۋاشىلىعىنىڭ ءوندىرىستى ارتتىرۋىنا، شارۋالاردىڭ كىرىستەرىن ارتتىرۋىنا بەرىك نەگىز قالاۋ كەرەك.
”وسى رەتكى ماماندار كەڭەس ءماجىلىسى شىنايى سويلەۋ، ناقتى ۇسىنىس بەرۋ، بىرىككەن كۇشتى ۇيىستىرۋ ماقساتىنا جەتتى“. اۆتونوميالى رايوندىق ساياسي كەڭەستىڭ تۇراقتى مۇشەسى، اۆتونوميالى رايوندىق ساياسي كەڭەس اۋىل شارۋاشىلىعى جانە اۋىل - قىستاق كوميتەتىنىڭ مەڭگەرۋشىسى نۇرتاي ەجەبەك مىنانى ءبىلدىردى: ماجىلىستەن كەيىن ءار جاقتىڭ كوڭىل ءبولىپ، نازار اۋدارىپ وتىرعان ماسەلەلەرىنە مەڭزەس پىكىر - ۇسىنىستاردى دەر كەزىندە سالالاپ، ءۇرتىس قاداعالاي تەكسەرۋ - زەرتتەۋ جۇرگىزەمىز.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
