وسەك - اياڭ تاراتقان ون مىڭنان استام توراپ ءنومىرى جابىلدى نەمەسە سويلەۋگە تيىم سالىندى
2023.07.10 09:28 كەلۋ قاينارى : حالىق تورابى
حالىق گازەتىنىڭ بەيجيڭنەن بەرگەن حابارى. ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، توراپتاعى وسەك - اياڭعا سوققى بەرۋ، جونگە سالۋ ارناۋلى ارەكەتىندە كەزەڭدىك تابىسقا قول جەتكەن. قازىرگە دەيىن قوعام حاۋىپسىزدىگى ورگاندارى توراپتا وسەك - اياڭ تاراتۋ دەلوسىنان جيىنى 1600 دەن استامىن تەكسەرىپ ءبىر جاقتى ەتتى، توراپتاعى وسەك - اياڭ ينفورماتسياسىنان 420 مىڭنان استامىن اداقتادى، وسەك - اياڭ شىعارىپ، وسەك - اياڭ تاراتقان توراپ نومىرىنەن ون مىڭنان استامىن جاپتى نەمەسە سويلەۋگە تيىم سالدى، سونداي - اق وسەك – اياڭ شىعارعان، تاراتقان توراپكەرلەردى زاڭ بويىنشا تەكسەرىپ ءبىر جاقتى ەتتى.
قوعام حاۋىپسىزدىگى مينيسترلىگى تاعى ارناۋلى قيمىلدىڭ ەكىنشى توپتاعى ون تيپتىك دەلوسىن جاريالادى. سوڭعى جىلداردان بەرى، جەكەلىك مەديامەن شۇعىلداناتىندار قوعامداعى قولامتالى ىستەردەن پايدالانىپ توراپتا وسەك - اياڭ تاراتتى، كەيبىرەۋى ءتىپتى توراپتا ءوزى قۇراستىرىپ، ءوزى رەجيسسەرلىك ەتىپ، ءوزى اكتەر بولىپ، بۇيرەكتەن سيراق شىعارىپ، جالعان دەلو تۋدىرىپ، سول ارقىلى جانكۇيەرلەردى باۋراپ، ارادان زاڭسىز پايدا تاپقان؛ كەيبىر توراپ بەكەتى كاسىپورىندارى وسەك - اياڭنىڭ وزىنە قاراستى تەكشەدە كەڭ كولەمدە تارالۋىنا ىرىق بەرىپ، قوعامدا ناشار ىقپال تۋدىردى، كەيبىر «توراپ جازعىشتارى» توبى قاتىستى دەلولارعا قايتا - قايتا قول سۇعىپ، جات نيەتپەن دابىرا تۋدىرىپ، جالعان ينفورماتسيالاردى ويدان جاساپ، تاراتىپ، ”قولامتالى ءتۇيىن جاساپ“، ”سوزدەن ءسوز تۋدىرىپ“، ”باسقالاردى جەلىكتىرىپ“ سول ارقىلى پايدانى كوزدەپ، الداپ الۋ سياقتى ماقساتتارعا جەتكەن. قاتىستى زاڭعا قايشى ارەكەتتەر توراپ كەڭىستىگى ءتارتىبىن ، قوعامدىق ورتانى بىلىقتىرىپ، اماندىق باسقارۋعا قايشىلىق جاساعانداردى جازالاۋ زاڭىنداعى قاتىستى بەلگىلەمەلەرگە قايشىلىق جاسادى، ءىسى اۋىر بولعاندارى جالعان ينفورماتسيا جاساۋ، تاراتۋ قىلمىسى، قاساقانا سويقان شىعارۋ قىلمىسى، قۇقاي كورسەتىپ تارتىپ الۋ قىلمىسى سياقتى قىلمىستارعا سايۋى مۇمكىن.قوعام حاۋىپسىزدىگى مينيسترلىگى ينتەرنەت حاۋىپسىزدىگى مەكەمەسىنىڭ قاتىستى جاۋاپتىسى بىلاي دەدى: قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى توراپتاعى وسەك ـ اياڭعا سوققى بەرۋ، جونگە سالۋ ارناۋلى ارەكەتىن ۇزدىكسىز ىشكەرىلەي ىلگەرىلەتىپ، توراپتا وسەك ـ اياڭ تاراتۋ ءجيى تۋىلاتىن جاعدايدى باتىل تەجەپ، اقاۋسىز ينتەرنەت كەڭىستىگىن شىنايى قالىپتاستىرىپ، مەملەكەتتىڭ ساياسي حاۋىپسىزدىگى مەن قوعامدىق جالپى جاعدايىنىڭ ورنىقتىلىعىن قورعايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
